CONNECT WITH US  

ವೈಭವ ಉದ್ಭವ! ಭಯಂಕರ ಈ ತಾರಕಾಸುರ

"ನಿಮ್ಮ ಕಥೆಗೆ ನನ್ನ ಮಗ ಸರಿ ಹೊಂದಿದರೆ ಆಯ್ಕೆ ಮಾಡಿಕೊಳ್ಳಿ. ಇಲ್ಲವಾದರೆ, ನಿಮಗೆ ಬೇರೆ ಯಾರಾದರೂ ಸರಿ ಅನಿಸಿದರೆ ಅವರನ್ನೇ ಹೀರೋ ಮಾಡಿ ...'

- ಹೀಗಂತ ನಿರ್ಮಾಪಕ ನರಸಿಂಹಲು ಹೇಳಿದ್ದರು ಅಂತ ಹೇಳುತ್ತಾ ಹೋದರು ನಿರ್ದೇಶಕ ಚಂದ್ರಶೇಖರ್‌ ಬಂಡಿಯಪ್ಪ. ಅವರು ಹೇಳಿದ್ದು, "ತಾರಕಾಸುರ' ಚಿತ್ರದ ಹೀರೋ ಆಯ್ಕೆ ಕುರಿತು. ಈ ಚಿತ್ರಕ್ಕೆ ನಿರ್ಮಾಪಕ ನರಸಿಂಹಲು ಪುತ್ರ ವೈಭವ್‌ ಹೀರೋ. ಆದರೆ, ಚಂದ್ರಶೇಖರ್‌ ಬಂಡಿಯಪ್ಪ ಕಥೆ ಹೇಳಿದಾಗ, ಚೆನ್ನಾಗಿದೆ ಮಾಡೋಣ ಅಂದರಂತೆ.

ಅದೇ ವೇಳೆ, ಪುತ್ರ ವೈಭವ್‌ನನ್ನು ನೋಡಿ ಕಥೆ, ಪಾತ್ರಕ್ಕೆ ಹೊಂದಿಕೊಳ್ತಾರೆ ಅಂದಾಗ, ನಿಮಗೆ ಓಕೆ ಅನಿಸಿದರೆ ಮಾಡಿ,ಇಲ್ಲವಾದರೆ ಬೇರೆ ಯಾರನ್ನಾದರೂ ಹೀರೋ ಮಾಡಿ' ಅಂತ ಹೇಳಿದ್ದರಂತೆ ನರಸಿಂಹಲು. ಕೊನೆಗೆ ವೈಭವ್‌ ಅವರ ಸಿನಿಮಾ ಪ್ರೀತಿ ನೋಡಿ ಅವರನ್ನೇ ಆಯ್ಕೆ ಮಾಡಿಕೊಂಡ ನಿರ್ದೇಶಕರಿಗೆ ಈಗ ಖುಷಿಯಾಗಿದೆ. ಕಾರಣ, ವೈಭವ್‌ ನಿರೀಕ್ಷೆ ಮೀರಿ ನಟಿಸಿರುವುದು.

ಚಿತ್ರ ಈಗ ಬಿಡುಗಡೆ ತಯಾರಿಯಲ್ಲಿದೆ. ಗೌರಿಹಬ್ಬಕ್ಕೆ ಹಾಡುಗಳು ಬಿಡುಗಡೆಯಾಗಲಿದ್ದು, ಸೆಪ್ಟೆಂಬರ್‌ ಅಂತ್ಯದಲ್ಲಿ ಚಿತ್ರ ಬಿಡುಗಡೆ ಮಾಡುವ ಯೋಚನೆ ನಿರ್ಮಾಪಕರದ್ದು."ಇದೊಂದು ಜನಪದ ಕಲೆ ಮತ್ತು ಅದರ ಆಚರಣೆ ಹಿನ್ನೆಲೆಯಲ್ಲಿ ಸಾಗುವ ಕಥೆ' ಎಂದು ವಿವರ ಕೊಟ ನಿರ್ದೇಶಕರು, "ವೈಭವ್‌ ತುಂಬಾ ಚೆನ್ನಾಗಿ ನಟಿಸಿದ್ದಾರೆ. ಮೂರು ಶೇಡ್‌ನ‌ಲ್ಲಿ ಕಾಣಿಸಿಕೊಂಡಿದ್ದಾರೆ. ಆ್ಯಕ್ಷನ್‌ನಲ್ಲೂ ಹಿಂದೆ ಬಿದ್ದಿಲ್ಲ. ಪಾತ್ರಕ್ಕೆ ಏನೆಲ್ಲಾ ಬೇಕೋ ಅದೆಲ್ಲವನ್ನೂ ಕೊಟ್ಟಿದ್ದಾರೆ. ಹೊಸ ಹೀರೋ ಅನಿಸದಷ್ಟು ನೀಟ್‌ ಆಗಿ ಕೆಲಸ ಮಾಡಿದ್ದಾರೆ. ಇನ್ನು, ಡ್ಯಾನಿ ಸಪಾನಿ ಅವರು ಚಿತ್ರೀಕರಣ ವೇಳೆ ಸಾಕಷ್ಟು ಶ್ರಮ ಹಾಕಿದ್ದಾರೆ. ತಮ್ಮ ಹೆಬ್ಬೆಳಿನ ಉಗುರು ಕಿತ್ತರೂ, ಚಿತ್ರತಂಡಕ್ಕೆ ತೊಂದರೆ ಆಗಬಾರದು ಅಂತ ನೋವು ಸಹಿಸಿಕೊಂಡು ಕೆಲಸ ಮಾಡಿದ್ದಾರೆ. ಇನ್ನು, ಸೀನ್‌ ಒಂದರಲ್ಲಿ ನಾನ್‌ವೆಜ್‌ ತಿನ್ನಬೇಕಿತ್ತು. ಆ ದೃಶ್ಯ ಚೆನ್ನಾಗಿ ಬಂತು.

ಆದರೆ, ಅವರು ಆ ದೃಶ್ಯದ ಬಳಿಕ ನಾನು ಪ್ಯೂರ್‌ ವೆಜ್‌. ಆದರೆ, ಸಿನಿಮಾಗಾಗಿ ನಾನ್‌ವೆಜ್‌ ಮುಟ್ಟಬೇಕಾಯ್ತು ಅಂದರು. ಅವರ ಶ್ರದೆಟಛಿ ಇಷ್ಟವಾಯ್ತು' ಅಂತ ಗುಣಗಾನ ಮಾಡಿದರು ಬಂಡಿಯಪ್ಪ.

ನಿರ್ಮಾಪಕ ನರಸಿಂಹಲು ಅವರಿಗೆ ಒಳ್ಳೆಯ ಚಿತ್ರ ಮಾಡಿರುವ ಖುಷಿ. "ಈ ಹಿಂದೆ ಒಂದು ಸಿನಿಮಾ ಮಾಡಿದ್ದೆ. ಸಿನಿಮಾ ಮೇಲೆ ಪ್ರೀತಿ ಜಾಸ್ತಿ ಇತ್ತು. ಮಗನನ್ನೇ ಹೀರೋ ಮಾಡಬೇಕೆಂದುಕೊಂಡಿದ್ದೆ. ನಟನೆ, ಫೈಟು, ಡ್ಯಾನ್ಸು ತರಬೇತಿ ಕೊಡಿಸಿ ತಯಾರು ಮಾಡಿದ್ದೆ. ಕಥೆಗಾಗಿ ಎರಡು ವರ್ಷ ಹುಡುಕಾಟ ನಡೆಸಿದ್ದೆ. ಕೊನೆಗೆ ಒಳ್ಳೇ ಕಥೆ ಸಿಕು¤. ಮಾಡಿದ್ದೇನೆ. ಬಂಡಿಯಪ್ಪ ಜೊತೆಗೆ ಇನ್ನೂ ಒಂದು ಚಿತ್ರ ಮಾಡ್ತೀನಿ' ಅಂದರು ನರಸಿಂಹಲು ನಾಯಕ ವೈಭವ್‌ಗೆ ಅಪ್ಪ ಚಿತ್ರ ಚೆನ್ನಾಗಿದೆ ಅಂತ ಹೇಳಿದ್ದೇ ದೊಡ್ಡ ಖುಷಿಯಂತೆ.

"ಅಪ್ಪನ ಹೆಸರು ಉಳಿಸಬೇಕು ಎಂಬುದು ನನ್ನಾಸೆ. ಹಾಗಾಗಿ, ಚಿತ್ರಕ್ಕೆ ಏನೆಲ್ಲಾ ತಯಾರಿ ಬೇಕೋ ಅದನ್ನು ಮಾಡಿಕೊಂಡೇ ಈ ಚಿತ್ರ ಮಾಡಿದ್ದೇನೆ. ನನ್ನದು ಶೇ.25 ರಷ್ಟು ಎಫ‌ರ್ಟ್‌ ಇದ್ದರೆ, ನಿರ್ದೇಶಕರದ್ದು ಶೇ75 ರಷ್ಟು ಎಫ‌ರ್ಟ್‌ ಇದೆ. ನನ್ನ ಪ್ರಯತ್ನಕ್ಕೆ ನಿಮ್ಮೆಲ್ಲರ ಸಹಕಾರ ಬೇಕು' ಅಂದರು ವೈಭವ್‌.

ಕರಿಸುಬ್ಬು ಹೊಸ ಅವತಾರದಲ್ಲಿ ಕಾಣಿಸಿಕೊಂಡಿದ್ದು, ಅವರನ್ನು ಕಂಡುಹಿಡಿಯುವುದು ಕಷ್ಟವಂತೆ. ಅಂತಹ ಪಾತ್ರವನ್ನು ನಿರ್ದೇಶಕರು ಕೊಟ್ಟಿದ್ದಾರೆ ಎಂಬುದು ಕರಿಸುಬ್ಬು ಮಾತು. ರಂಗಭೂಮಿ ಕಲಾವಿದ ಮಠ ಅವರಿಗೂ ಇಲ್ಲಿ ನಾಲ್ಕು ದಿನದ ಪಾತ್ರ ಅಂತ ಹೇಳಿದ್ದ ನಿರ್ದೇಶಕರು, ಅವರ ನಟನೆ ನೋಡಿ, ಒಟ್ಟು 37 ದಿನಗಳ ಪಾತ್ರ ಕೊಟ್ಟರಂತೆ. ಇನ್ನು, ಡಿಫ‌ರೆಂಟ್‌ ಡ್ಯಾನಿ ಅವರಿಲ್ಲಿ ಭರ್ಜರಿ ಫೈಟ್‌ ಮಾಡಿಸಿದ್ದಾಗಿ ಹೇಳಿಕೊಂಡರು.

- ವಿಜಯ್‌ ಭರಮಸಾಗರ

Trending videos

Back to Top