ಅಡುಗೆ ಹವ್ಯಾಸ , ಇದಕ್ಕಿದೆ ಸದವಕಾಶ
Team Udayavani, Dec 26, 2018, 1:23 PM IST
ಹೊಟೇಲ್ ಫುಡ್ ಯಾರಿಗಿಷ್ಟವಿಲ್ಲ ಹೇಳಿ. ಹೋದ ತತ್ ಕ್ಷಣ ವೆರೈಟಿ ಖಾದ್ಯ, ತಿಂಡಿ, ತಿನಸುಗಳು ನಮ್ಮ ಟೇಬಲ್ ಮುಂದೆ ಇರುತ್ತವೆ. ಅದರಂತೆಯೇ ಈ ರುಚಿಯ ಮುಂದೆ ಅಮ್ಮನ ಕೈರುಚಿಯೂ ಕೆಲವರಿಗೆ ಹಿಡಿಸುವುದಿಲ್ಲ.
ಹೌದು, ಬಾಣಸಿಗ ಅಥವಾ ಚೆಫ್ ಈಗ ಹೊಟೇಲ್ ಉದ್ಯಮದಲ್ಲಿ ದೊಡ್ಡ ಪಾತ್ರವನ್ನು ನಿರ್ವಹಿಸುತ್ತಿದ್ದಾನೆ. ಹಿಂದಿನ ಕಾಲದಲ್ಲಿ ಅಡುಗೆ ಮಾಡುವ ವೃತ್ತಿಯಿಂದ ದೂರ ವಿದ್ದ ಪುರುಷರು ಇಂದು ಇದನ್ನೇ ವೃತ್ತಿಯನ್ನಾಗಿಸಿದ್ದಾರೆ. ಮಾತ್ರವಲ್ಲದೆ ಹೊಟೇಲ್ ಉದ್ಯಮ ದೊಡ್ಡ ವ್ಯವಹಾರವಾಗಿ ಬೆಳೆದಿದೆ.
ಅಡುಗೆ ಮನೆಯಲ್ಲಿ ಅಮ್ಮ ಅಡುಗೆ ಮಾಡುವಾಗ ಅದನ್ನು ನೋಡಿ ಕಲಿಯುತ್ತಿದ್ದ ಕಾಲ ಈಗ ಬದಲಾಗಿದೆ. ಅಂದು ಅಡುಗೆ ಮಾಡುವುದನ್ನು ಹವ್ಯಾಸ ಮಾಡಿಕೊಂಡಿದ್ದವರನ್ನು ಗೇಲಿ ಮಾಡುತ್ತಿದ್ದವರು, ಇಂದು ಕಣ್ಣರಳಿಸಿ ಚೆಫ್ ಮಾಡುವ ಹೊಸ ರೆಸಿಪಿಗಳನ್ನು ನೋಡುವಂತಾಗಿದೆ. ಹೀಗಾಗಿಯೇ ಅಡುಗೆ ಕಲಿಯುವ ಅಥವಾ ಬಾಣಸಿಗನಾಗಲು ಹಲವು ಕೋರ್ಸ್ಗಳೂ ಹುಟ್ಟಿಕೊಂಡಿವೆ. ಕೇವಲ ಅಡುಗೆ ಮಾಡುವುದು ಮಾತ್ರವಲ್ಲದೆ ಹೊಟೇಲ್ ನಿರ್ವಹಣೆ, ವ್ಯವಸ್ಥಾಪನೆ ಹೀಗೆ ಹಲವು ವೃತ್ತಿಗಳು ಈ ಉದ್ಯಮದಲ್ಲಿ ಹುಟ್ಟಿಕೊಂಡಿವೆ.
ಹೊಟೇಲ್ ಮ್ಯಾನೇಜ್ ಮೆಂಟ್ ಎಂಬ ಕೋರ್ಸ್ ಈಗ ಎಷ್ಟು ಪಾಪ್ಯುಲರ್ ಆಗಿದೆಯೇ ಅಷ್ಟೇ ಇದನ್ನು ಹವ್ಯಾಸವಾಗಿಸಿ ರೂಢಿಸಿಕೊಂಡವರಿಗೂ ಸಾಕಷ್ಟು ಅವಕಾಶಗಳಿವೆ.
ಕೋರ್ಸ್
ಹೊಟೇಲ್ ಮ್ಯಾನೇಜ್ ಮೆಂಟ್ ಎಂಬ ಕೋರ್ಸ್ ಈ ಫೀಲ್ಡ್ಗೆ ತರಬೇತಿಗಳನ್ನು ನೀಡುತ್ತಿದೆ. ಇದರಲ್ಲಿ ಅಕಮಡೇಶನ್ ಮ್ಯಾನೇಜರ್, ಕೆಟರಿಂಗ್ ಮ್ಯಾನೇಜರ್, ಚೆಫ್, ಇವೆಂಟ್ ಮ್ಯಾನೇಜರ್, ಫಾಸ್ಟ್ಫುಡ್ ರೆಸ್ಟೋರೆಂಟ್, ಹೊಟೇಲ್ ಮ್ಯಾನೇಜರ್, ರೆಸ್ಟೋರೆಂಟ್ ಮ್ಯಾನೇಜರ್ ಹೀಗೆ ಹಲವು ಕೋರ್ಸ್ಗಳೂ ಇವೆ. ಡಿಪ್ಲೋಮಾ ಹಾಗೂ ಫುಲ್ಟೈಮ್ ಕ್ಲಾಸ್ಗಳು ಇವೆ. ಸುಮಾರು ಮೂರು ವರ್ಷಗಳ ಕಾಲ ಇವುಗಳಲ್ಲಿ ಇಷ್ಟ ವಾದ ವಿಷಯವನ್ನು ಕಲಿತು ಮಾಸ್ಟರ್ ಆಗಬಹುದು.
ವಿಸ್ತಾರಗೊಂಡ ಉದ್ಯಮ
ಹೊಟೇಲ್ ಉದ್ಯಮ ಇಂದು ದೊಡ್ಡ ವ್ಯವಹಾರವನ್ನೇ ನಡೆಸುತ್ತಿದೆ. ಕ್ಯಾಟರಿಂಗ್, ಹೊಟೇಲ್, ರೆಸ್ಟೋರೆಂಟ್ಸ್, ರೆಸಾರ್ಟ್ಸ್ ಹೀಗೆ ಸಣ್ಣ ಪುಟ್ಟ ಕ್ಯಾಂಟೀನ್ ಗಳಿಂದ ಹಿಡಿದು ಸ್ಟಾರ್ ಹೊಟೇಲ್ ಗಳ ತನಕ ಆವರಿಸಿದೆ. ಹಾಗಾಗಿ ಸಣ್ಣ ವಯಸ್ಸಿನಲ್ಲೇ ಅಮ್ಮ ಮಾಡುವ ಅಡುಗೆಯನ್ನು ಹವ್ಯಾಸವಾಗಿ ಕಲಿತು ಮುಂದೆ ಅದನ್ನೇ ವೃತ್ತಿಯಾಗಿಸಿ ಬದುಕನ್ನು ರೂಪಿಸಬಹುದು ಅಥವಾ ಪಾರ್ಟ್ ಟೈ ರೀತಿಯಲ್ಲೂ ಮುಂದುವರಿಸಬಹುದು. ಇದರ ಮೂಲಕ ಸ್ವಂತ ಉದ್ಯಮ ಅಥವಾ ಯಾವುದಾದರೂ ಸ್ಟಾರ್ ಹೊಟೇಲ್ಗಳಲ್ಲಿ ಕೆಲಸವನ್ನೂ ಮಾಡಬಹುದು. ಒಟ್ಟಿನಲ್ಲಿ ಇದೊಂದು ಅಧಿಕ ಸಂಭಾವನೆಯನ್ನು ನೀಡುವ ವೃತ್ತಿಯಾಗಿ ಗುರುತಿಸಿಕೊಂಡಿದೆ.
ಭರತ್ ರಾಜ್ ಕರ್ತಡ್ಕ
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
MUST WATCH
ಹೊಸ ಸೇರ್ಪಡೆ
Arrested: ವಿಳಾಸ ಕೇಳುವ ನೆಪದಲ್ಲಿ ಮೊಬೈಲ್ ಸುಲಿಗೆ; ಮೂವರ ಬಂಧನ
Gold Theft: ಕೆಲಸಕ್ಕಿದ್ದ ಮನೆಯಲ್ಲಿ 50 ಲಕ್ಷ ರೂ.; ಒಡವೆ ಕದ್ದಿದ್ದವ ಸೆರೆ
Arrested: ಖಾಕಿ ಸೋಗಿನಲ್ಲಿ ಗುಜರಿ ವ್ಯಾಪಾರಿ ಸುಲಿಗೆ: ಪೊಲೀಸ್ ಬಾತ್ಮೀದಾರ ಸೆರೆ
Arrested: ಸುಲಿಗೆ ಸೇರಿ 42 ಕೇಸ್ಗಳಲ್ಲಿ ಭಾಗಿಯಾಗಿದ್ದ ರೌಡಿ ಬಂಧನ
Arrested: 17 ಕೇಸ್ನಲ್ಲಿ ಭಾಗಿಯಾಗಿದ್ದ ರೌಡಿಶೀಟರ್ ಬಂಧನ