ಈ ವರ್ಷ ರಿಲೀಸ್ ಆಗಲಿದೆ 20 ಸಿನೆಮಾ!
Team Udayavani, Jan 3, 2019, 6:38 AM IST
ಕಳೆದ ವರ್ಷ ದಾಖಲೆ ಸಂಖ್ಯೆಯ (15) ಸಿನೆಮಾ ಬಿಡುಗಡೆಯಾಗಿತ್ತು. ವಿಶೇಷವೆಂದರೆ ಕಳೆದ ವರ್ಷ ಜನವರಿಯಲ್ಲಿ ಒಂದೇ ಒಂದು ಸಿನೆಮಾ ರಿಲೀಸ್ ಆಗಿರಲಿಲ್ಲ. ಉಳಿದ 11 ತಿಂಗಳಲ್ಲಿ 15 ಸಿನೆಮಾ ರಿಲೀಸ್ ಆಗಿತ್ತು. ಕಳೆದ ವಾರ ‘ಕುಡ್ಲ ಟಾಕೀಸ್’ ಕಂಡುಕೊಂಡ ಪ್ರಕಾರ ಹೆಚ್ಚಾ ಕಡಿಮೆ 33ರಷ್ಟು ತುಳು ಸಿನೆಮಾಗಳು ತೆರೆಕಾಣುವ/ ಶೂಟಿಂಗ್ನ/ ಫ್ಲ್ಯಾನಿಂಗ್ನ ಸಿದ್ಧತೆಯಲ್ಲಿವೆ. ಇಷ್ಟೂ ಸಿನೆಮಾ ಯಾವಾಗ ಬಿಡುಗಡೆಯಾಗುತ್ತದೆ ಎಂಬುದಕ್ಕೆ ಉತ್ತರವಿಲ್ಲ. ಆದರೆ, ಈ ವರ್ಷ ಒಂದು ಮೂಲದ ಪ್ರಕಾರ 20 ಸಿನೆಮಾವಾದರೂ ರಿಲೀಸ್ ಮಾಡುವ ಸಿದ್ಧತೆ ನಡೆಯುತ್ತಿದೆ. ಇಪ್ಪತ್ತು ಕೂಡ ರಿಲೀಸ್ ಆಗುತ್ತದೆಯೇ ಎಂಬುದನ್ನು ಈಗಲೇ ದೃಢಪಡಿಸಲು ಸಾಧ್ಯವಿಲ್ಲ. ಆದರೆ, ಸಿದ್ಧತೆ ಮಾತ್ರ ನಡೆಯುತ್ತಿದೆ ಎಂಬುದು ನಿಜ.
ಪ್ರಸ್ತುತ ಭೂಮಿಕಾ, ದೇಯಿಬೈದ್ಯೆತಿ, ಕಟಪಾಡಿ ಕಟ್ಟಪ್ಪೆ, ರಾಹುಕಾಲ ಗುಳಿಕಕಾಲ, ಗೋಲ್ಮಾಲ್, ಕಂಬಳಬೆಟ್ಟು ಭಟ್ರೆನ ಮಗಳ್, ಕಾರ್ನಿಕದ ಕಲ್ಲುರ್ಟಿ ಸಹಿತ ಇನ್ನೂ ಕೆಲವು ಸಿನೆಮಾಗಳು ಎಲ್ಲ ಸಿದ್ಧತೆಯನ್ನು ಪೂರ್ಣಗೊಳಿಸಿ ರಿಲೀಸ್ನ ಹೊಸ್ತಿಲಲ್ಲಿವೆ. ಇಲ್ಲೊಕ್ಕೆಲ್, ಪುಂಡಿ ಪಣವು, ಗಂಟ್ ಕಲ್ವೆರ್, ಬೆಲ್ಚಪ್ಪೆ, ಏರೆಗಾವುಯೇ ಕಿರಿಕಿರಿ, ಪ್ರವೇಶ, ರಡ್ಡ್ಎಕ್ರೆ, ಬಲಿಪೆ, ನಂಬುಗೆದ ಕೊರಗಜ್ಜೆ, ಕುದ್ಕನ ಮದಿಮೆ, ತಂಬಿಲ, ಜೈ ಮಾರುತಿ ಯುವಕ ಮಂಡಲ, ಲಾಸ್ಟ್ ಬೆಂಚ್ ಸಹಿತ ಇನ್ನೂ ಕೆಲವು ಸಿನೆಮಾಗಳು ಅಂತಿಮ ಹಂತದ ಸಿದ್ಧತೆಯ ತವಕದಲ್ಲಿವೆ. ಅಲ್ಲಿಗೆ 20 ಸಿನೆಮಾವಾದರೂ ಈ ವರ್ಷ ರೆಡಿಯಾಗುವ ಬಗ್ಗೆ ಸೂಚನೆ ಇದೆ.
ದಿನೇಶ್ ಇರಾ