CONNECT WITH US  

ಔಷಧಿಯಾಗಿ ಏಲಕ್ಕಿ ಬಳಕೆ

ವಾಣಿಜ್ಯ ಬೆಳೆಯಾಗಿಯಾಗಿ ಪ್ರಸಿದ್ಧಿ ಪಡೆದ, ಸಾಂಬಾರ ವಸ್ತು, ಮಸಾಲೆಗಳ ರಾಜ ಎಂದೆಲ್ಲ ಕರೆಸಿಕೊಳ್ಳುವ ಏಲಕ್ಕಿ ಒಂದು ಔಷಧೀಯ ವಸ್ತು ಕೂಡ ಹೌದು. ಆದ್ದರಿಂದ ಇದನ್ನು ಘನಮೂಲಿಕೆ ಎನ್ನಲಾಗುತ್ತದೆ.

ನಿಯಮಿತವಾಗಿ ಏಲಕ್ಕಿ ಸೇವಿಸುವುದರಿಂದ ರೋಗ ನಿರೋಧಕ, ಜೀರ್ಣಶಕ್ತಿ ವೃದ್ಧಿಸಿ, ವ್ಯಕ್ತಿಯು ಚೈತನ್ಯಯುಕ್ತವಾಗಿ ಮತ್ತು ಲವಲವಿಕೆಯಿಂದಿರಲು ಸಾಧ್ಯ. ಅಲ್ಲದೆ ತಲೆಗೂದಲಿನ ಆರೋಗ್ಯವೂ ಚೆನ್ನಾಗಿರುತ್ತದೆ. ಹಾಗಾಗಿ ಊಟದ ಅನಂತರ ಒಂದೆರಡು ಕಾಳು ಏಲಕ್ಕಿ ಸೇವಿಸುವವರು ಇದ್ದಾರೆ. 

ಉದರವ್ಯಾಧಿಗಳನ್ನು ಶಮನಗೊಳಿಸುವ ಸಾಮರ್ಥ್ಯ ಏಲಕ್ಕಿಗಿದೆ. ದಂತ ರೋಗಗಳು ಮತ್ತು ಉಸಿರಿನ ದುರ್ವಾಸನೆಗೆ ಇದರ ಬಳಕೆ ಉತ್ತಮ ಪರಿಹಾರ. ಶ್ವಾಸಕೋಶ, ಮೂತ್ರಕೋಶ ಸಂಬಂಧಿ ಕಾಯಿಲೆಗಳಿಗೂ ಇದನ್ನು ಔಷಧವಾಗಿ ಉಪಯೋಗಿಸಲಾಗುತ್ತದೆ. 

ಮುಖ್ಯವಾಗಿ ನಾಲ್ಕು ಆರೋಗ್ಯ ತೊಂದರೆಗಳಾದ ವಾತ, ಪಿತ್ತ, ಕಫ‌ ಮತ್ತು ಬಾಯಿ ವಾಸನೆ ನಿವಾರಣೆಗೆ ಏಲಕ್ಕಿಯನ್ನು ಬಳಸಲಾಗುತ್ತದೆ. ಅಲ್ಲದೆ ಜಠರದಲ್ಲಿನ ಸ್ನಾಯುಗಳ ಸೆಳೆತ, ಆ್ಯಸಿಡಿಟಿಯಿಂದ ಉಂಟಾಗುವ ನೋವನ್ನು ಶಮನಗೊಳಿಸುತ್ತದೆ. ಏಲಕ್ಕಿಯಲ್ಲಿರುವ ಸಿಹಿಯ ಅಂಶ ಹೊಟ್ಟೆಉರಿ ತಡೆಯುವುದು. ಆ್ಯಸಿಡಿಟಿ ಉಪಶಮನವಾಗಲು ಒಂದೆರಡು ಏಲಕ್ಕಿಯನ್ನು ಪುಡಿ ಮಾಡಿ ಬಿಸಿನೀರಿನಲ್ಲಿ  ಹಾಕಿ ಕುದಿಸಿ ಬಳಿಕ ಕುಡಿಯಿರಿ.

ರೋಗ ನಿವಾರಕ 
ಹಲವಾರು ರೋಗಗಳನ್ನು ತಡೆಯಲು, ನಿವಾರಣೆಗೆ ಏಲಕ್ಕಿಯನ್ನು ಬಳಸಲಾಗುತ್ತದೆ. 

1. ನೆಗಡಿ ಮತ್ತು ಕೆಮ್ಮು  ಸಮಸ್ಯೆ ನಿವಾರಿಸಲು. 
2. ಚರ್ಮದ ಕಾಂತಿಯನ್ನು  ಹೆಚ್ಚಿಸಲು.
3. ಅತಿ ರಕ್ತದೊತ್ತಡ ಕಡಿಮೆಗೊಳಿಸಲು. 
4 .ಕ್ಯಾನ್ಸರ್‌ ಗುಣಪಡಿಸುವ ಶಕ್ತಿ ಇದೆ ಎನ್ನಲಾಗಿದ್ದು, ಈ ಬಗ್ಗೆ ಹೆಚ್ಚಿನ ಸಂಶೋಧನೆಗಳು ನಡೆಯುತ್ತಿವೆ.
5. ಆ್ಯಸಿಡಿಟಿಯಿಂದ ತೇಗು ನಿವಾರಣೆಗೆ.
6. ರಕ್ತ ಹೆಪ್ಪುಗಟ್ಟುವುದನ್ನು  ತಡೆಗಟ್ಟಲು. 
7. ಶ್ವಾಸಕೋಶದಲ್ಲಿ ನೋವುಂಟಾದರೆ ಏಲಕ್ಕಿ ಸೇವನೆಯಿಂದ ನಿವಾರಣೆಯಾಗುತ್ತದೆ. 
8. ಹೃದಯದ ಆರೋಗ್ಯವನ್ನೂ ಸಮಸ್ಥಿತಿಯಲ್ಲಿಡುತ್ತದೆ. 
9. ಅಸ್ತಮಾ ಸಮಸ್ಯೆಯಿಂದ ಬಳಲುವವರು ಆಹಾರದಲ್ಲಿ ಹೆಚ್ಚು ಏಲಕ್ಕಿ ಉಪಯೋಗಿಸುವುದು ಉತ್ತಮ.

- ಗಣೇಶ ಕುಳಮರ್ವ

ಇಂದು ಹೆಚ್ಚು ಓದಿದ್ದು

Trending videos

Back to Top