ಹಲ್ಲು, ವಸಡಿನ ರಕ್ಷಣೆಗೂ ಬೇಕು ವಿಟಮಿನ್ ಸಿ
Team Udayavani, Dec 25, 2018, 1:46 PM IST
ದೇಹದ ಆರೋಗ್ಯಕ್ಕೆ ವಿಟಮಿನ್ಗಳು ಅತೀ ಆವಶ್ಯಕವಾದ ಪೌಷ್ಟಿಕಾಂಶಗಳು. ವಿಟಮಿನ್ಗಳಲ್ಲಿ ಎರಡು ವಿಧ. 1. ನಮ್ಮ ದೇಹದಲ್ಲಿ ಉತ್ಪತ್ತಿಯಾಗುವ (ನಾನ್ ಎಸೆಂಶಿಯಲ್), 2. ನಮ್ಮ ದೇಹದಲ್ಲಿ ಉತ್ಪತ್ತಿಯಾಗದಿರುವ (ಎಸೆಂಶಿಯಲ್) ವಿಟಮಿನ್. ಎಸೆಂಶಿಯಲ್ ವಿಟಮಿನ್ಗಳು ದೇಹದಲ್ಲಿ ಉತ್ಪತ್ತಿಯಾಗದಿರುವ ಕಾರಣ ನಾವು ಆಹಾರದ ಮೂಲಕ ಅವುಗಳನ್ನು ಸೇವಿಸುವುದು ಅಗತ್ಯವಾಗಿರುತ್ತದೆ.
ವಿಟಮಿನ್ ಸಿ ಒಂದು ಎಸೆಂಶಿಯಲ್ ವಿಟಮಿನ್ ಆಗಿದ್ದು, ನಮ್ಮ ದೇಹದಲ್ಲಿ ಪ್ರಮುಖ ಪಾತ್ರವಹಿಸುತ್ತದೆ. ಇದರ ಕೊರತೆ ಬಾಯಿಯ ಆರೋಗ್ಯದ ಮೇಲೂ ಪ್ರಭಾವ ಬೀರುವುದು. ದೇಹಕ್ಕೆ ವಿಟಮಿನ್- ಸಿ ದಿನಕ್ಕೆ 30- 70 ಮಿ.ಗ್ರಾಂ. ಅಗತ್ಯವಿರುತ್ತದೆ.
ವಿಟಮಿನ್ ಸಿ ಆಹಾರ ಮೂಲಗಳು - ಸಿಟ್ರಸ್ ಹಣ್ಣುಗಳು (ಕಿತ್ತಳೆ, ನಿಂಬೆ, ನೆಲ್ಲಿಕಾಯಿ), ಸೀಬೆ, ಆಲೂಗಡ್ಡೆ, ಕ್ಯಾಬೇಜ್, ಕಾಲಿಫ್ಲವರ್, ಮೀನು, ಮೊಳಕೆ ಕಾಳುಗಳು.
ಪ್ರಯೋಜನ
ವಿಟಮಿನ್ ಸಿ ಕೊಲಾಬೆನ್ ಉತ್ಪತ್ತಿ ಮಾಡಲು ಸಹಾಯ ಮಾಡುತ್ತದೆ. ವಸಡಿನ ಆರೋಗ್ಯವನ್ನು ವೃದ್ಧಿಸುತ್ತದೆ. ದೇಹದ ಬೆಳವಣಿಗೆ, ರೋಗ ನಿರೋಧಕ ಶಕ್ತಿ ಹೆಚ್ಚಿಸುತ್ತದೆ ಹಾಗೂ ದೇಹದ ಜೀವ ರಸಾಯನ ಕ್ರಿಯೆಗಳಿಗೆ ಅಗತ್ಯವಾದ ಅಂಶವಾಗಿದೆ. ಹಲ್ಲು ಮತ್ತು ಮೂಳೆಯ ರಚನೆಯಲ್ಲಿ ಕೂಡ ಇದು ಪ್ರಮುಖ ಪಾತ್ರವಹಿಸುತ್ತದೆ. ದೇಹದ ಗಾಯವನ್ನು ವಾಸಿ ಮಾಡಲು ಸಹಾಯ ಮಾಡುತ್ತದೆ. ಸಸ್ಯಾಹಾರದಲ್ಲಿರುವ ಕಬ್ಬಿಣಾಂಶವು ರಕ್ತಕ್ಕೆ ಸೇರ್ಪಡೆಯಾಗಲು ವಿಟಮಿನ್ ಸಿ ಅತ್ಯಗತ್ಯ. ಇದರ ಕೊರತೆಯಾದಲ್ಲಿ ರಕ್ತದಲ್ಲಿ ಹಿಮೋಗ್ಲೋಬಿನ್ ಅಂಶ ಕಡಿಮೆಯಾಗಿ ರಕ್ತಹೀನತೆ ಉಂಟಾಗಬಹುದು.
ವಿಟಮಿನ್ ಸಿ ಕೊರತೆಯ ಲಕ್ಷಣಗಳು
· ವಸಡಿನ ಊತ, ರಕ್ತಸ್ರಾವ
· ನಾಲಗೆ ಮತ್ತು ವಸಡಿನ ಮೇಲೆ ಹುಣ್ಣುಗಳು
· ಅಲ್ಲಾಡುವ ಹಲ್ಲುಗಳು
· ವಸಡಿನ ಸೋಂಕು
· ಗಾಯ ವಾಸಿಯಾಗದಿ ರು ವುದು
· ಮೂಳೆಯ ಸಾಂಧ್ರತೆ ಕಡಿಮೆಯಾಗುವುದು
· ಬಾಯಿಯ ದುರ್ವಾಸನೆ
ಪರಿಹಾರ ಏನು?
ವಿಟಮಿನ್ ಸಿ ಯ ಲಕ್ಷಣಗಳು ಕಾಣಿಸಿಕೊಂಡಲ್ಲಿ ವೈದ್ಯರ ಸಲಹೆ ಪಡೆದು ವಿಟಮಿನ್ ಸಿ ಯುಕ್ತ ಆಹಾರ ಮತ್ತು ಮಾತ್ರೆಗಳ ಸೇವನೆ ಮಾಡಬೇಕು. ಯಾವುದಾದರೂ ಸೋಂಕು, ರಕ್ತ ಹೀನತೆ ಇದ್ದಲ್ಲಿ ಚಿಕಿತ್ಸೆ ಪಡೆಯಬೇಕು. ಪ್ರತಿಯೊಂದಕ್ಕೂ ಮಾತ್ರೆಯ ಮೊರೆ ಹೋಗಬೇಕಾಗಿಲ್ಲ. ಪ್ರಕೃತಿ ದತ್ತವಾಗಿ ಸಿಗುವ ಆಹಾರದ ಬಳಕೆಯಿಂದಲೂ ಪರಿಹಾರ ಕಂಡು ಕೊಳ್ಳಬಹುದು.
ಡಾ| ರಶ್ಮಿ ಭಟ್
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
MUST WATCH
ಹೊಸ ಸೇರ್ಪಡೆ
Gadaga ಹತ್ಯೆ ಪ್ರಕರಣ; ಆರೋಪಿಗಳ ಪತ್ತೆಗೆ ಪರಿಶೀಲನೆ ಮುಂದುವರೆದಿದೆ: ಗದಗ ಎಸ್ಪಿ
Vote: ದಾಖಲೆ ಸಂಖ್ಯೆಯಲ್ಲಿ ಮತ ಚಲಾಯಿಸಿ…: ಮತದಾರರಲ್ಲಿ ಮನವಿ ಮಾಡಿದ ಪ್ರಧಾನಿ ಮೋದಿ
Gadaga: ಒಂದೇ ಕುಟುಂಬದ ನಾಲ್ವರ ಭೀಕರ ಹತ್ಯೆ; ದುಷ್ಕರ್ಮಿಗಳು ಪರಾರಿ
Polls: ಇಂದು 102 ಕ್ಷೇತ್ರಗಳಲ್ಲಿ ಮೊದಲ ಹಂತದ ಮತದಾನ, ಮತದಾರರ ಕೈಯಲ್ಲಿ ಅಭ್ಯರ್ಥಿಗಳ ಭವಿಷ್ಯ
Hunsur: ನಾಗರಹೊಳೆಯಲ್ಲಿ ದುಷ್ಕರ್ಮಿಗಳ ಗುಂಡೇಟಿಗೆ ಕಾಡುಕೋಣ ಬಲಿ