CONNECT WITH US  

ಭಾರತದ ಮಾರುಕಟ್ಟೆಗೆ ಬರಲಿದೆ ಸ್ಯಾಮ್ಸಂಗ್ ಗೆಲಾಕ್ಸಿ S9 & S9+....!

ಭಾರತದ ಸ್ಮಾರ್ಟ್ ಫೋನ್ ಮಾರುಕಟ್ಟೆಯಲ್ಲಿ ತನ್ನದೇ ಛಾಪನ್ನು ಮೂಡಿಸಿರುವ ಸ್ಯಾಮ್ಸಾಂಗ್ ಮೊಬೈಲ್ ಕಂಪನಿ ಕಳೆದ ವರ್ಷ ಗೆಲಾಕ್ಸಿ S8 ಮತ್ತು S8+ ನ ಮೂಲಕ ಸುದ್ದಿಯಲ್ಲಿತ್ತು, ಆದರೆ ಇದೀಗ 2018 ರಸ್ಮಾರ್ಟ್ ಫೋನ್’ಗಳಾಗಿ ಸ್ಯಾಮ್ಸಾಂಗ್ ಗೆಲಾಕ್ಸಿ S9 ಮತ್ತು S9+ ಅನ್ನು ಬಾರ್ಸಿಲೋನಾದಲ್ಲಿ ನಡೆದ ಮೊಬೈಲ್ ವರ್ಲ್ಡ್ ಕಾಂಗ್ರೆಸ್’ನಲ್ಲಿ ಬಿಡುಗಡೆ ಮಾಡಿದ್ದು, ಭಾರತೀಯ ಮಾರುಕಟ್ಟೆಗೆ ಅತಿ ಶೀಘ್ರದಲ್ಲೇ ಕಾಲಿಡಲಿದೆ.
 

ತನ್ನದೇ ಆದ ವಿಭಿನ್ನ ವಿಶಿಷ್ಟತೆಗಳಿಂದ ಸುದ್ದಿಯಲ್ಲಿರುವ ಈ ಹೊಸ ಫೋನ್`ಗಳ ಸಂಪೂರ್ಣ ಮಾಹಿತಿಯನ್ನು ನೋಡೋಣ :

ಸ್ಯಾಮ್ಸಂಗ್ ಗ್ಯಾಲಕ್ಸಿ S9+
6.2 ಇಂಚಿನ ಕ್ಯುಎಚ್ಡಿ + ಸೂಪರ್  AMOLED 18.5:9 ಪರದೆ, 6 ಜಿಬಿ RAM, 3500 mah ಬ್ಯಾಟರಿ ಸಾಮರ್ಥ್ಯ, ಡ್ಯೂಯಲ್ ಹಿಂಬದಿಯ ಕ್ಯಾಮೆರಾ ಸೆಟಪ್, ಸೂಪರ್ ಸ್ಪೀಡ್ ಡ್ಯುಯಲ್ ಪಿಕ್ಸೆಲ್ 12- ಮೆಗಾಪಿಕ್ಸೆಲ್ ಆಟೋಫೋಕಸ್ f / 1.5 - f / 2.4 ಸಂವೇದಕ ಮತ್ತು 12-ಮೆಗಾಪಿಕ್ಸೆಲ್ ಆಟೋಫೋಕಸ್ f / 2.4 ಸಂವೇದಕದೊಂದಿಗೆ ಟೆಲಿಫೋಟೋ ಲೆನ್ಸ್ ಇದೆ . ಇದು 158.1x73.8x8.5 ಮಿ.ಮೀ ಅಳತೆ ಮತ್ತು 189 ಗ್ರಾಂ ತೂಕವಿದೆ.

ಸ್ಯಾಮ್ಸಂಗ್ ಗ್ಯಾಲಕ್ಸಿ S9
5.8 ಇಂಚಿನ ಕ್ಯೂಎಚ್ಡಿ + ಸೂಪರ್ AMOLED 18.5:9 ಪರದೆ, 4 ಜಿಬಿ RAM, 3000mah ಬ್ಯಾಟರಿ ಮತ್ತು ಸೂಪರ್ ಸ್ಪೀಡ್ ಡ್ಯುಯಲ್ ಪಿಕ್ಸೆಲ್ 12 ಮೆಗಾಪಿಕ್ಸೆಲ್ ಆಟೋಫೋಕಸ್ f /1.5 - f / 2.4 ಸಂವೇದಕವನ್ನು ಹೊಂದಿದೆ.   ಇದು 147.7x68.7x8.5mm ಅಳತೆ ಮತ್ತು 163 ಗ್ರಾಂ ತೂಕವಿದೆ.

ಎರಡರಲ್ಲೂ ಏಕ್ಸಿನೋಸ್ 9801 / ಸ್ನ್ಯಾಪ್ಡ್ರ್ಯಾಗನ್ 845 - ಆಕ್ಟಾ ಕೋರ್ ಪ್ರೋಸೆಸ್ಸರ್ ಇರಲಿದ್ದು, v8 ಒರಿಯೋ OS ಹೊಂದಿದೆ.

ಕ್ಯಾಮೆರಾ

ಹಿಂಬದಿಯಲ್ಲಿ 12MP ಯ 2 ಕ್ಯಾಮೆರಾ ಇದ್ದು  , ಕ್ಯಾಮೆರಾ ಸಂವೇದಕದಲ್ಲಿ ಉಭಯ ದ್ಯುತಿರಂಧ್ರದ ಸೆಟಪ್ ಆಗಿದ್ದು, ಇದು ಸಾಕಷ್ಟು ಬೆಳಕು ಇದ್ದಾಗ f / 2.4 ನಲ್ಲಿ ಚಿತ್ರೀಕರಣ ಮಾಡುವ ಹಾಗೂ ಕಡಿಮೆ ಬೆಳಕಿನ ಪರಿಸ್ಥಿತಿಗಳನ್ನು ಪತ್ತೆಹಚ್ಚಿದಾಗ f / 1.5 ಗೆ ಬದಲಾಯಿಸಬಹುದಾದ ಸಾಮರ್ಥ್ಯವನ್ನು ಹೊಂದಿದೆ.

ಹಾಗೂ ಇದು ಪ್ರತಿ ಸೆಕೆಂಡಿಗೆ 960 ಫ್ರೇಮ್ಗಳನ್ನು ರೆಕಾರ್ಡಿಂಗ್ ಮಾಡುವ ಸೂಪರ್ ಸ್ಲೋ ಮೊಷನ್ ಇದರಲ್ಲಿದೆ.

ಸ್ಯಾಮ್ಸಂಗ್ AR ಎಮೊಜಿಯನ್ನು ಪರಿಚಯಿಸುತಿದ್ದು ನಿಮ್ಮ ಭಾವಚಿತ್ರಗಳ ಎಮೊಜಿಯನ್ನು (ವ್ಯಂಗ್ಯ ಚಿತ್ರವನ್ನು ) ಸಂದೇಶಗಳಲ್ಲಿ ಹಂಚಿಕೊಳ್ಳಬಹುದು.

ಮುಂಭಾಗದಲ್ಲಿ 8MP ಯ ಆಕರ್ಷಕ ಕ್ಯಾಮೆರಾ ಇದೆ.

ಬ್ಯಾಟರಿ

ಎರಡರಲ್ಲೂ ವೇಗದ ಚಾರ್ಜಿಂಗ್ ವ್ಯವಸ್ತೆ ಇದ್ದು, ಬ್ಲೂಟೂತ್`ನ ಮೂಲಕವು ಚಾರ್ಜ್ ಮಾಡಬಹುದಾಗಿದೆ. S9 ನಲ್ಲಿ 3000mah ಹಾಗೂ S9+ ನಲ್ಲಿ 3500mah ಬ್ಯಾಟರಿ ಸಾಮರ್ಥ್ಯ ಇರಲಿದೆ.

ಮುಂದೆ ಹಾಗೂ ಹಿಂಭಾಗದಲ್ಲಿ ಗೊರಿಲ್ಲಾ ಗ್ಲಾಸ್ - 5 ಇದ್ದು, ಜಲ ಹಾಗು ಧೂಳಿನ ಕಣಗಳಿಂದ ನಿರೋಧಕವಾಗಿದೆ.

ಇದರಲ್ಲಿ ಡೊಲ್ಬಿ ಅಟ್ಮೋಸ್`ನ ಧ್ವನಿವರ್ಧಕವಿದೆ. ಎರಡೂ ಫೋನ್`ಗಳು 64/128/256GB ಮೆಮೊರಿ ಸಾಮರ್ಥ್ಯದಲ್ಲಿ, ಮಿಡ್ನೈಟ್ ಬ್ಲ್ಯಾಕ್, ಕೋರಲ್ ಬ್ಲೂ, ಟೈಟಾನಿಯಮ್ ಗ್ರೇ, ಲಿಲಾಕ್ ಪರ್ಪಲ್ ಬಣ್ಣಗಳಲ್ಲಿ ಲಭ್ಯವಿದೆ.

ಬೆಲೆ :

S9 - 64gb - 57,900, 256gb - 65,900, S9+ - 64gb - 64,900, 256gb - 72,900 ಎಂದು ಎಂದು ಬಲ್ಲ ಮೂಲಗಳಿಂದ ತಿಳಿದುಬಂದಿದೆ. 128gb ಯ ಫೋನ್`ಗಳು ಮುಂದಿನ ದಿನಗಳಲ್ಲಿ ಬರಲಿದೆ.
 

*ಸೂರಜ್ ಅಣ್ವೇಕರ್, ಬೆಂಗಳೂರು

Trending videos

Back to Top