CONNECT WITH US  

ಪೆಟ್ರೋಲ್‌ ಬೆಲೆ ಏರಿಕೆ, ಏನಂತಾರೆ ಟ್ವೀಟಿಗರು?

ಸುನೇತ್ರ ಚೌಧರಿ
ಚಾಪ್ಲಿನ್‌: ನನಗೆ ಮಳೆಯಲ್ಲಿ ನಡೆಯುವುದಕ್ಕೆ ಇಷ್ಟ, ಯಾಕೆಂದರೆ ಆಗ ನನ್ನ ಕಣ್ಣೀರು ಯಾರಿಗೂ ಕಾಣಿಸುವುದಿಲ್ಲ.
ಭಾರತೀಯ: ನನಗೆ ನಡೆಯುವುದಕ್ಕೆ ಇಷ್ಟ, ಯಾಕೆಂದರೆ ಪೆಟ್ರೋಲ್‌ ಬೆಲೆ 80 ರೂಪಾಯಿ ಆಗಿದೆ.

ಅಮಿತವ್‌ ಸಕ್ಸೇನಾ
ನೋಡಿ, ಕೇಂದ್ರ ಮತ್ತು ತೈಲ ಕಂಪನಿಗಳು ಗಾಡಿಗೆ ಹಾಕೋ ತೈಲದ ಬೆಲೆ ಜಾಸ್ತಿ ಮಾಡಿದ್ದಾರೆ, ಅಡುಗೆಗೆ ಹಾಕೋ ತೈಲದ ಬೆಲೆಯನ್ನಲ್ಲ. ನಮ್ಮ ದೇಶದ ಯುವಕರು ಈಗಲೂ ಪಕೋಡಾ ಮಾರಬಹುದು! 

ಸೋಮಿತ್‌ 
"ಫೆರಾರಿ ಮಾರಿದ ಫ‌ಕೀರನಿಗೆ' ಪೆಟ್ರೋಲ್‌ ಬೆಲೆ ಜಾಸ್ತಿ ಆಗುತ್ತದೆ ಅಂತ ಮೊದಲೇ ಗೊತ್ತಿತ್ತು ಅನ್ನಿಸುತ್ತದೆ. ಅದಕ್ಕೇ ಪಾಪ ಅವ್ನು ಫೆರಾರಿ ಮಾರಿದ್ದು! 

ಪ್ರಣವ್‌ಸ್ಪರಾ
ಪೆಟ್ರೋಲ್‌ ಬಂಕಿನವ(ಮಷೀನ್‌ನತ್ತ ಕೈ ತೋರಿಸಿ): ಝೀರೋ ನೋಡಿ ಸರ್‌
ನಾನು ಬ್ಯಾಂಕಿನ ಬ್ಯಾಲೆನ್ಸ್‌ ಮೆಸೇಜ್‌ ತೋರಿಸುತ್ತಾ: ಝೀರೋ ನೋಡಿ ಸರ್‌!

ಐಆ್ಯಮ್‌ನಾಯರ್‌
ಮಿತ್ರೋಂ...ನೋಡಿದಿರಾ ಈಗ ಪೆಟ್ರೋಲ್‌ ಬೆಲೆ ಕೇವಲ 40 ರೂಪಾಯಿ ಆಗಿದೆ....(ಅರ್ಧ ಲೀಟರ್‌ಗೆ)!

ತೂಜಾನೇನಾ
ಸತ್ಯವೇನೆಂದರೆ, ಪೆಟ್ರೋಲ್‌ ಬೆಲೆ ಜಾಸ್ತಿ ಆಗಿಲ್ಲ, ನಮ್ಮ ಖರೀದಿ ಶಕ್ತಿ ಕಡಿಮೆ ಆಗಿದೆ. ತಪ್ಪು ಯಾರದ್ದು? ನಮ್ಮದೇ ಅಲ್ಲವೇ? 

ಪ್ರೀತಿ ಮೆನನ್‌
ಹೊಸ ಜಾಹೀರಾತು: ಹತ್ತು ಲೀಟರ್‌ ಪೆಟ್ರೋಲ್‌ ಖರೀದಿಸಿ ಮತ್ತು ಉಚಿತವಾಗಿ ಒಂದು ಕಾರು ಪಡೆಯಿರಿ!

ಜ್ಯೋತಿಮಣಿ
ಕರ್ನಾಟಕ ಚುನಾವಣೆಯ ವೇಳೆಯಲ್ಲಿ ಪೆಟ್ರೋಲ್‌ ಬೆಲೆ ಏರಿಕೆ ಆಗಲಿಲ್ಲವೇಕೆ? ಹಾಗಿದ್ದರೆ ಈ ಕಂಪನಿಗಳೆಲ್ಲ ಬಿಜೆಪಿಯ ಚುನಾವಣಾ ಮಷಿನರಿಗಳೇ?

ಬಾಲಾಜಿ ಕೊಮ್ಮೂರಿ
ಸತತ ಹದಿನೈದು ದಿನಗಳ ಪೆಟ್ರೋಲ್‌, ಡೀಸೆಲ್‌ ಬೆಲೆ ಏರಿಕೆಯ ನಂತರ ಕೇಂದ್ರ ಸರ್ಕಾರ ಬೆಲೆಯನ್ನು ಪೂರ್ತಿಯಾಗಿ 1 ಪೈಸೆ ಕಡಿಮೆ ಮಾಡಿದೆ! ಈ ಪ್ರಮಾಣದ ಉಳಿತಾಯದಿಂದ ಮನೆ ಮತ್ತು ಸೆಕೆಂಡ್‌ ಹ್ಯಾಂಡ್‌ ಕಾರು ಖರೀದಿಸಬಹುದು ಎಂದು ಜನರು ಸಂಭ್ರಮಿಸುತ್ತಿದ್ದಾರೆ!

ಪರೇಶ್‌ಫ್ಯಾನ್‌
ಕೆಲ ದಿನಗಳಿಂದ ಬಿಜೆಪಿ ವಕ್ತಾರರು ಪೆಟ್ರೋಲ್‌ ಬೆಲೆ ಏರಿಕೆಗೆ ಸಮರ್ಥನೆ ನೀಡಬೇಕಾಯಿತು. ಈಗವರು ಬೆಲೆ ಇಳಿಕೆಯನ್ನು ಸಮರ್ಥಿಸಿಕೊಳ್ಳಬೇಕಿದೆ. ಒಂದು ಪೈಸೆ ಕಡಿತ. 

ಟ್ರೂಥಿಯಾಟ್ರಿಕ್ಸ್‌
ಪೆಟ್ರೋಲ್‌ ಬೆಲೆ ಎಷ್ಟೇ ಏರಿಸಿದರೂ ನಾನು ಚಿಂತೆ ಮಾಡುವುದಿಲ್ಲ, ಯಾಕಂದ್ರೆ ನಾನು 50 ರೂಪಾಯಿ ಪೆಟ್ರೋಲ್‌ ಮಾತ್ರ ಹಾಕ್ಸೋದು!

ಅಮಿತ್‌ ಟಂಡಾನಾ
ಯಾವುದೇ ಸರ್ಕಾರ ಬಂದರೂ ಸಾಮಾನ್ಯನ ಬದುಕು ಸುಧಾರಿಸುವುದಿಲ್ಲ. ಪೆಟ್ರೋಲ್‌ ಡೀಸೆಲ್‌ ಬೆಲೆ ಏರಿಕೆಯಾದರೆ ಅಗತ್ಯ ವಸ್ತುಗಳ ಬೆಲೆಗಳಲ್ಲೂ ಏರಿಕೆಯಾಗುತ್ತದೆ.

ಎಥಾನ್‌ಹಂಟ್‌
ದಯವಿಟ್ಟೂ ಜನರ ಜೀವನದೊಂದಿಗೆ ಚೆಲ್ಲಾಟ ಆಡದಿರಿ. ಕೂಡಲೇ ರಾಜ್ಯ ಸರ್ಕಾರಗಳು, 
ತೈಲ ಕಂಪನಿಗಳು ಮತ್ತು ಕೇಂದ್ರ ಸರ್ಕಾರ ಒಂದೆಡೆ ಕುಳಿತು ದರ ಇಳಿಕೆಯ ಹಾದಿಯನ್ನು(ತೆರಿಗೆ ಇಳಿಸಿದರೆ ಉತ್ತಮ) ಕಂಡುಕೊಳ್ಳಲೇಬೇಕು. 

ನೀವೂ ನಮಗೆ ಟ್ವೀಟ್‌ ಮಾಡಿ @UdayavaniNews

Trending videos

Back to Top