CONNECT WITH US  

ವಾಜಪೇಯಿ ನಿಧನ, ಕಣ್ಣೀರಿಟ್ಟರು ಟ್ವಿಟಿಜನ

ತೇನ್ಜಿಂಗ್‌ ಲಾಮ್ಸಾಂಗ್‌
ಅಟಲ್‌ ಬಿಹಾರಿ ವಾಜಪೇಯಿಯವರು ನಿಧನರಾದ ಕಾರಣ ಭೂತಾನ್‌ ತನ್ನ ರಾಷ್ಟ್ರ ಧ್ವಜವನ್ನು ಅರ್ಧಕ್ಕೆ ಹಾರಿಸಿದೆ. ವಾಜಪೇಯಿಯವರು ನಮ್ಮ ದೇಶಕ್ಕೆ(ಭೂತಾನ್‌)1977ರಲ್ಲಿ ವಿದೇಶಾಂಗ ಸಚಿವರಾಗಿ ಬಂದಿದ್ದರು. ಆಗವರು ಭೂತಾನ್‌ನ ಬಗ್ಗೆ, ನಮ್ಮ ರಾಜನ ಬಗ್ಗೆ, ಇಲ್ಲಿಯ ಜನರ ಬಗ್ಗೆ ಪದ್ಯ ಬರೆದು ಎಲ್ಲರ ಹೃದಯವನ್ನು ಗೆದ್ದಿದ್ದರು. ಈ ಅದ್ಭುತ ರಾಜಕಾರಣಿಗೆ ನಮ್ಮ ನಮನ.

ಬಿಯಾಂತ್‌ ಮೃಧುಲ್‌
ಅಟಲ್‌ಜೀ ಅವರ ಭಾಷಣಗಳನ್ನು ಕೇಳುತ್ತಲೇ ನಾನು ಹೆಚ್ಚು ಹಿಂದಿ ಕಲಿತಿದ್ದೇನೆ. ಅವರ ಭಾಷಣಗಳು ಬಿತ್ತರವಾದರೆ ಸಾಕು ನಮ್ಮ ಮನೆಯವರೆಲ್ಲರೂ ರೆಡಿಯೋಕ್ಕೆ, ಟಿವಿಗೆ ಅಂಟಿಕೊಂಡು ಕುಳಿತುಬಿಡುತ್ತಿದ್ದೆವು. 

ಸಂಜೀವ್‌ ಅಸ್ತಕಿ
ನನಗಿನ್ನೂ ನೆನಪಿದೆ...ವಾಜಪೇಯಿಯವರ ಭಾವಪೂರ್ಣ ಭಾಷಣಗಳು ಬಂದಾಗಲೆಲ್ಲ ನನ್ನ ಅಜ್ಜನ ಕಣ್ಣಾಲಿಗಳು ಒದ್ದೆಯಾಗಿಬಿಡುತ್ತಿದ್ದವು. 

ಮಹೇಶ್‌ ಹೆಗಡೆ
ವಾಜಪೇಯಿಯವರು ಇನ್ನಿಲ್ಲ ಎನ್ನುವ ಕಾರಣಕ್ಕಾಗಿ ಕಣ್ಣೀರು ಹಾಕಬೇಡಿ, ಅವರಿಗೆ ನೀವು ಎರಡನೇ ಬಾರಿ ಮತ ನೀಡಲಿಲ್ಲ ಎನ್ನುವುದಕ್ಕೆ ಕಣ್ಣೀರು ಹಾಕಿ. 

ಸುಮಿತ್‌ ಕಡೆಲ್‌
ಭಾರತದ ಇದುವರೆಗಿನ ಅತಿದೊಡ್ಡ ತಪ್ಪು- ಅಟಲ್‌ ಬಿಹಾರಿ ವಾಜಪೇಯಿಯವರಿಗೆ ಮತ ನೀಡದೇ ಇದ್ದದ್ದು. ಇದರಿಂದಾಗಿ ಭಾರತ 20 ವರ್ಷಗಳಷ್ಟು ಹಿಂದಕ್ಕೆ ತಳ್ಳಲ್ಪಟ್ಟಿತು. 

ಚೇತನ್‌ ಭಗತ್‌
ಅಟಲ್‌ ಬಿಹಾರಿ ವಾಜಪೇಯಿಯವರು ಟ್ವಿಟರ್‌ ಹುಟ್ಟುವುದಕ್ಕೆ ಮುನ್ನವೇ ಸಕ್ರಿಯ ರಾಜಕಾರಣದಿಂದ ದೂರವಾಗಿಬಿಟ್ಟಿದ್ದು ಒಳ್ಳೆಯದೇ ಆಯಿತು. ಅವರ ಸುಂದರ ಲೆಗಸಿ ಅಚಲವಾಗಿಯೇ ಉಳಿಯಿತು. ಟ್ರಾಲ್‌ ಆಗದ ಕಡೆಯ ನಾಯಕರಾದರು ಅಟಲ್‌.

ಡಾ. ರೂಪಾ ಮೂರ್ತಿ
ವಾಜಪೇಯಿಯವರ ಅಂತಿಮ ಯಾತ್ರೆಯಲ್ಲಿ ಭಾಗವಹಿಸಿದ್ದ ಲಕ್ಷಾಂತರ ಅಭಿಮಾನಿಗಳ ಜೊತೆಗೆ ನರೇಂದ್ರ ಮೋದಿಯವರೂ ಹೆಜ್ಜೆಹಾಕಿದರು. ಆ ಮೂಲಕ ತಾವು ವಾಜಪೇಯಿಯವರ ನಿಷ್ಠಾವಂತ ಸೈದ್ಧಾಂತಿಕ ಅನುಯಾಯಿ ಎನ್ನುವುದನ್ನಷ್ಟೇ ಅಲ್ಲದೆ, ತನ್ನ ಪ್ರಜೆಗಳೊಂದಿಗೆ ಸಂತೋಷದಲ್ಲಿ ಮತ್ತು ದುಃಖದಲ್ಲಿ ಸಮಾನವಾಗಿ ಭಾಗಿಯಾಗುವ ನಾಯಕ ಎನ್ನುವುದನ್ನು ರುಜುವಾತು ಮಾಡಿದರು. 

ಮಧುಪೂರ್ಣಿಮಾ ಕೀಶ್ವರ್‌
ಅದೇಕೆ ಸಿಪಿಎಂ ಸುಳ್ಳು ಹೇಳುತ್ತಿದೆ. ತಾವು ನರೇಂದ್ರ ಮೋದಿಯನ್ನು ಎಷ್ಟು ಬಲವಾಗಿ ದ್ವೇಷಿಸುತ್ತೇವೋ ಅಷ್ಟೇ ಬಲವಾಗಿ ವಾಜಪೇಯಿಯವರನ್ನೂ ದ್ವೇಷಿಸುತ್ತಿದ್ದೆವು ಎನ್ನುವುದನ್ನು ಎಡ ನಾಯಕರೇಕೆ ಒಪ್ಪಿಕೊಳ್ಳಲು ಸಿದ್ಧರಿಲ್ಲ? 

ಸೋನಂ ಮಹಾಜನ್‌
ವಾಜಪೇಯಿಯವರ ಅಂತಿಮ ಯಾತ್ರೆಯು "ವಂದೇ ಮಾತರಂ' ಎನ್ನುವ ಜಯಘೋಷಗಳೊಂದಿಗೆ ಆರಂಭವಾದಾಗ ದೇಶದ ಪ್ರತಿಯೊಬ್ಬ ನಾಗರಿಕನ ಕಣ್ಣಾಲಿಗಳೂ ಮಂಜಾದವು. "ಅದ್ಯಾವ ಹಿಂದು, ಅದ್ಯಾವ ಮುಸಲ್ಮಾನ? ಇಂದು ಕಣ್ಣೀರಿಟ್ಟಿತು ಇಡೀ ಹಿಂದೂಸ್ತಾನ!'

ಅರವಿಂದ ಗುಣಶೇಖರ್‌
ಅಟಲ್‌ರ ದತ್ತುಪುತ್ರಿ ನಮಿತಾ ಅಂತಿಮ ಸಂಸ್ಕಾರ ಮಾಡಿದರು. ಲಿಂಗ ಸಮಾನತೆಯ ಸ್ಪಷ್ಟ-ಬಲಿಷ್ಠ ಸಂದೇಶವಿದು. 

ತೂಜಾನೇನಾ
ವಿಶೇಷವೆಂದರೆ ಪಾಕಿಸ್ತಾನದ ಟ್ವೀಟರ್‌ನಲ್ಲಿ ಅಟಲ್‌ ಬಿಹಾರಿ ವಾಜಪೇಯಿಯವರ ನಿಧನವೇ ನಂಬರ್‌ ಒನ್‌ ಟ್ರೆಂಡ್‌ ಆಗಿತ್ತು. ಅಟಲ್‌ಜೀಯವರ ಶಾಂತಿ ಸಂದೇಶ ಯಾವ ಮಟ್ಟದಲ್ಲಿ ಪಾಕಿಸ್ತಾನಿ ನಾಗರಿಕರ ಹೃದಯ ಸ್ಪರ್ಷಿಸಿತ್ತೆನ್ನುವುದಕ್ಕೆ ಇದು ಸಷ್ಟ ಉದಾಹರಣೆ. 

ನೀವೂ ನಮಗೆ ಟ್ವೀಟ್‌ ಮಾಡಿ @UdayavaniNews

Trending videos

Back to Top