CONNECT WITH US  

ಮನೆಯೊಳಗೆ ಹಳೇ ಸರಂಜಾಮುಗಳ ತಿಪ್ಪೆ ಗುಂಡಿ ಮಾಡಲೇ ಬೇಡಿ 

ಅನಿಷ್ಟಗಳ ನಡುವಿನ ಆವರಣದಲ್ಲಿ ಚಿತ್ತಾರವಿಲ್ಲ. ಮನಸ್ಸಿಗೆ ಸುಖವೂ ಇಲ್ಲ. ಹಳತರಿಂದ ಹೊರಬರಲಾಗದೆ, ಹೊಸತೇ ಆದದ್ದನ್ನು ಕಟ್ಟುವ ವಿಚಾರದಲ್ಲಿ ನಕಾರಾತ್ಮಕ ವಿಚಾರಗಳು ಉಸಿರುಗಟ್ಟಿಸುತ್ತಾ ವರ್ತಮಾನವನ್ನು ಬೇಟೆಯಾಡುತ್ತವೆ. 

ಇದು ಯಾರನ್ನೂ ಬೇಸರಿಸಲಿಕ್ಕೆಂದು ಬರೆದದ್ದಲ್ಲ. ಆದರೆ ಕೆಲವರ ಮನೆಯನ್ನು ಗಮನಿಸಿದರೆ ಇಡೀ ಮನೆ ಪೂರ್ತಿಯಾಗಿ ಬೊಬ್ಬಿರಿದ ತಿಪ್ಪೆಗುಂಡಿಯಂತಿರುತ್ತದೆ. ಒಂದು ರೂಮಿನಲ್ಲಿ ಹಳೆಯ ಪೇಪರ್‌, ಅರ್ಧರ್ಧ ತುಂಬಿದ ಪ್ಲಾಸ್ಟಿಕ್‌ ಚೀಲಗಳು ಎಲ್ಲಿಂದಲೋ ಬಂದ ಪತ್ರಗಳು ಉಪಯೋಗಿಸಲು ಮನಬಾರದೆ ಉಪಯೋಗಿಸಬೇಕು ಎಂಬ
ಮನಸ್ಸನ್ನು ಬಿಟ್ಟೂ ಬಿಡದೆ ಎಷ್ಟೆಷ್ಟೋ ವಸ್ತುಗಳು, ಎಷ್ಟೋ ವರ್ಷಗಳಿಂದ ಒಂದೆಡೆ ಕಿಕ್ಕಿರಿದು ತುಂಬಿಕೊಂಡಿರುತ್ತದೆ. ಮೋಕ್ಷಕಾಣದ ಆತ್ಮಗಳಂತೆ ಇವು ಕಾಣುತ್ತದೆ ಎಂದರೂ ತಪ್ಪಿಲ್ಲ. ಪಂಕ್ಚರ್‌ ಆದ ಟಯರು, ಹಳೆ ಸೈಕಲ್‌, ಹಳೆ ಚಪ್ಪಲಿಗಳು ಖಾಲಿ ಹಾಲಿನ ಪ್ಯಾಕೆಟ್ಟಿನ ಕವರುಗಳು, ಹಳೆ ಬೆಂಕಿ ಪೊಟ್ಟಣಗಳು, ಅಂಗಡಿಯಲ್ಲಿದ್ದಾಗ ಚೆನ್ನಾಗಿ ಕಂಡಿದ್ದಕ್ಕೆ ಖರೀದಿಸಿ ತಂದಿಟ್ಟುಕೊಂಡ ಪ್ಲಾಸ್ಟಿಕ್‌ ಹೂಗಿಡಗಳು, ಹೂಬಳ್ಳಿಗಳು ಹಸಿರು ತರುಲತೆಗಳು ಜೀವವಿಲ್ಲದ ಧೂಳ ಲೇಪದಲ್ಲಿ ಎಷ್ಟೋ ವರ್ಷಗಳಿಂದ ಹೊರಳಾಡಿಕೊಂಡಿರುತ್ತದೆ. ಯಾರೋ ಕೊಟ್ಟ ಉಡುಗೊರೆಗಳನ್ನು ಬಿಡಿ, ಅವುಗಳನ್ನು ಸುತ್ತಿದ್ದ ಪ್ಯಾಕಿಂಗ್‌ ಝರಿಗಳು ಬೇಗಡೆಗಳು ಸುತ್ತಿದ್ದ ಕಲರ್‌ ಸ್ತಿಂಗ್‌ಗಳು ಹಳತಾದ ಫೋಟೋ ಆಲ್ಬಂಗಳು ಹಳೆ ಫೋಟೋಗಳು ಕೆಸೆಟ್‌ಗಳು ಕೆಸೆಟ್‌ ಪ್ಲೇಯರYಳು, ಛತ್ರಿಗಳು ಹಳೆ ವಾಚು, ಎಷ್ಟು ಹಳತೆಂದರೆ ರಿಪೇರಿಯೂ ಸಾಧ್ಯವಿಲ್ಲದಷ್ಟು ಹಳತಾಗಿ ಕರಕಲಾಗಿರುವಂಥದ್ದು ಇತ್ಯಾದಿ ಸಾವಿರ ವಸ್ತುಗಳು ಮನೆಯಲ್ಲಿ ಬಿದ್ದಿರುತ್ತದೆ.

ಸೆಂಟಿಮೆಂಟಲ್‌ ಅಂಶಗಳೊಂದಿಗೆ ಅವು ನೆರಳು ಪಡೆದಿರುತ್ತದೆ ಅಥವಾ ಮುಂದೆ ಉಪಯೋಗಕ್ಕೆ ಬರಲಿದೆ ಎಂದು ಹಾಗೆ ಬಿದ್ದಿರುತ್ತದೆ. ಹಾಗೇ ಅವು ದಶಕಗಳಿಂದ ಅಲ್ಲಿರುತ್ತದೆ. ಹಳೆ ಬಟ್ಟೆಗಳ ವಿಷಯದಲ್ಲೂ ಇದೇ ಅನುಭವ. ಹಳೆ ಪುಸ್ತಕಗಳು ಹೀಗಯೇ ಜಾಗ ಪಡೆದುಕೊಂಡಿರುತ್ತದೆ. ಬಿಸಾಡಲಾಗದು ಇಟ್ಟುಕೊಳ್ಳಲಾಗದು. ಎರಡು ಅಲಗಿನ ಚೂರಿಯಂತೆ ನೆತ್ತಿಗೆ ತೂಗುವ ಈ ತಿಪ್ಪೆ ಎಂಬ ಮಾಯೆ ಬಹುತೇಕ ಜನರಿಗೆ ಒಂದು ಪ್ರಾರಬ್ಧದ ಭೇತಾಳ. ಬೆನ್ನು ಹತ್ತಿಕೊಂಡೇ ಇರುತ್ತದೆ. ವಿನೋದವೆಂದರೆ ನಿರಂತರವಾಗಿ ಮೂರು ವರ್ಷಗಳ ಕಾಲ ಒಂದು ದಿನವೂ ಉಪಯೋಗಕ್ಕೆ
ಬಂದಿರದ ವಸ್ತುನಿಂದ ಯಾವ ಉಪಯೋಗವೂ ಇಲ್ಲವೆಂಬುದನ್ನು ಗಮನಿಸಬೇಕು. ಮನೆಯ ವರ್ತಮಾನದಲ್ಲಿ ಅನವಶ್ಯಕವಾದ ವಸ್ತುಗಳಿಗೆ ಒದಗಿಸಲೇ ಬೇಕಾದ ಆದ್ರìತೆಯ ಪರಿಮಾಣ ಜಾಸ್ತಿಯಾಗುತ್ತಾ ಹೋದರೆ, ಅವಶ್ಯಕ ವಸ್ತುಗಳಿಗೆ ಇದು ಬೇಕಾದಷ್ಟು ಪ್ರಮಾಣದಲ್ಲಿ ಹಿತಕರವಾಗಿ, ಆರೋಗ್ಯಕರವಾಗಿ ಸಿಗುವುದಿಲ್ಲ.

ಕ್ಷೀಣ ಚಂದ್ರನ ಉಪಟಳದಿಂದಾಗಿ ಈ ತಿಪ್ಪೆಗುಂಡಿಯನ್ನು ಮನೆಯಲ್ಲಿ ಯಾರೋ ಒಬ್ಬರು ನಿರ್ಮಿಸುತ್ತಾರೆ. ಕ್ಷೀಣ ಚಂದ್ರನು ಇವರ ಜಾತಕದಲ್ಲಿ ಸುಖಸ್ಥಾನವನ್ನೂ, ಭಾಗ್ಯ ಹಾಗೂ ಲಾಭಾದಿ ಕುಟುಂಬ ಸ್ಥಾನಗಳನ್ನೂ ನಿಯಂತ್ರಿಸಿ ಇಡೀ ಬದುಕನ್ನು ಧನಾತ್ಮಕವಲ್ಲದ ಸ್ಪಂದನಗಳಿಂದ ಗೋಳಿನಿಂದ ತುಂಬಿಸಿ ಬಿಡುತ್ತಾನೆ. ಇದೇ ಚಂದ್ರನಿಂದ ಶನಿಕಾಟದ
ಸಂದರ್ಭದಲ್ಲಿ ಶನೈಶ್ಚರನಿಂದ ಅನೇಕ ತೊಂದರೆಗಳು ಎದುರಾಗುತ್ತದೆ. ಹಳೆಯ ವಸ್ತುಗಳನ್ನು ಶಿಸ್ತಿನಿಂದ ಒಂದೆಡೆ ಜೋಡಿಸಿ ಯಾವುದೋ ಶತಮಾನದ ತುಣುಕೊಂದನ್ನು ಪ್ರಗಲ#ತೆಯಿಂದ ಬಿಂಬಿಸುವುದು ಬೇರೆ. ಆದರೆ ಇಂದು ಎಂಬುದು ಎಂದೋ ದೂರದೊಂದು ಕಾಲದಲ್ಲಿ ಭೂತಕಾಲವಾಗಿದ್ದ ಭಾಗದ ವಿಚಾರವೊಂದನ್ನು, ವಸ್ತುವೊಂದನ್ನು
ಹದಗಟ್ಟಿಸುವುದು ಬೇರೆ. ಆದರೆ ಅದೇ ಇಂದು ಹೊಸ ಹೊಸ ಡಿವಿಡಿ, ಸಿಡಿಗಳ ಬೂಜು ಹಿಡಿದು ಕಗ್ಗಂಟಾದ ಕೆಸೆಟ್‌ಗಳನ್ನು ಒಂದು ಹಳೆ ಪೆಟ್ಟಿಗೆಯಲ್ಲಿ ಧೂಳಿನ ಕಲ್ಪದಲ್ಲಿ ಕಟ್ಟಿಕೊಂಡ ದಿನ, ತುಂಬಿದ ಬಸುರಿಯಂತೆ ಉಸಿರು ಬಿಡುತ್ತಿದ್ದರೆ ಅದು ನರಕಸದೃಶವಾದ ವಿಚಾರ. ಅನಿಷ್ಟಗಳ ನಡುವಿನ ಆವರಣದಲ್ಲಿ ಚಿತ್ತಾರವಿಲ್ಲ. ಮನಸ್ಸಿಗೆ ಸುಖವೊ ಇಲ್ಲ. ಹಳತರಿಂದ ಹೊರಬರಲಾಗದೆ ಹೊಸತೇ ಆದದ್ದನ್ನು ಕಟ್ಟುವ ವಿಚಾರದಲ್ಲಿ ನಕಾರಾತ್ಮಕ ವಿಚಾರಗಳು ಉಸಿರುಗಟ್ಟಿಸುತ್ತಾ ವರ್ತಮಾನವನ್ನು ಬೇಟೆಯಾಡುತ್ತದೆ.

- ಅನಂತಶಾಸ್ತ್ರಿ

Trending videos

Back to Top