ನಿಮ್ಮ ಗಂಡನೂ ಹೀಗಾ?
Team Udayavani, Mar 20, 2019, 12:30 AM IST
“ನಮ್ಮೆಜಮಾನ್ರು ನಂಗೆ ಸೀರೇನೆ ಕೊಡಿಸಲ್ಲ. ಕೇಳಿದ್ರೆ, “ಕಪಾಟಲ್ಲಿ ಅಷ್ಟೊಂದು ಸೀರೆ ಇದ್ಯಲ್ಲೇ, ಮತ್ಯಾಕೆ ಸೀರೆ?’ ಅಂತ ಕೇಳ್ತಾರೆ’… ಬಹುತೇಕ ಎಲ್ಲ ಹೆಂಡತಿಯರದ್ದೂ ಇದೇ ಕಂಪ್ಲೇಂಟ್. ದೀಪಾವಳಿ, ದಸರಾ, ಯುಗಾದಿ ಅಂತೆಲ್ಲಾ ವರ್ಷಕ್ಕೆ ಮೂರ್ನಾಲ್ಕು ಸೀರೆಯನ್ನಾದರೂ ಕೊಡಿಸಬೇಕಪ್ಪಾ ಅನ್ನೋದು ಹೆಂಗಸರ ಬೇಡಿಕೆ. ಉಡದೇ ಇರುವ ಸೀರೆಗಳೇ ಸುಮಾರಿವೆ, ಮತ್ಯಾಕೆ ಇನ್ನೊಂದು ಎಂಬುದು ಗಂಡಂದಿರ ವಾದ. ಅದೇನೇ ಇರಲಿ, ಜರ್ಮನಿಯ ಪಾಲ್ ಬ್ರಾಕ್ಮನ್ ಎಂಬಾತನ ಹೆಂಡತಿ ಮಾರ್ಗಟ್ಗೆ ಈ ರೀತಿ ಕಂಪ್ಲೇಂಟ್ ಮಾಡೋಕೆ ಅವಕಾಶವೇ ಇಲ್ಲ. ಯಾಕೆ ಅಂತೀರಾ, ಪಾಲ್ ತಮ್ಮ 56 ವರ್ಷಗಳ ದಾಂಪತ್ಯದಲ್ಲಿ ಮಾರ್ಗಟ್ಗೆ 55 ಸಾವಿರ ಡಿಸೈನರ್ ಡ್ರೆಸ್ಗಳನ್ನು ಕೊಡಿಸಿದ್ದಾರೆ. ಅಂದರೆ, ವರ್ಷಕ್ಕೆ ಸರಾಸರಿ ಸಾವಿರ ಡ್ರೆಸ್!
ಪಾಲ್ನ ಹೆಂಡತಿ ಒಂದು ದಿನ ಧರಿಸಿದ ಡ್ರೆಸ್ಅನ್ನೇ ಮತ್ತೂಮ್ಮೆ ಧರಿಸುವುದು ಪಾಲ್ಗೆ ಇಷ್ಟವಿಲ್ಲವಂತೆ. ಆಕೆ ದಿನವೂ ಒಂದೊಂದು ಚೆಂದದ ಡ್ರೆಸ್ ತೊಟ್ಟು ಖುಷಿಪಡಲಿ ಅಂತಾರೆ ಪಾಲ್. ಎಲ್ಲ ಡ್ರೆಸ್ಗಳನ್ನು ಸ್ಟೋರ್ ರೂಮ್ನಲ್ಲಿ ನೀಟಾಗಿ, ಜೋಡಿಸಿ ಇಟ್ಟಿರುವ ಪಾಲ್, ಜಾಗವಿಲ್ಲ ಎಂಬ ಕಾರಣಕ್ಕಾಗಿ ಡ್ರೆಸ್ ಖರೀದಿಯನ್ನು ನಿಲ್ಲಿಸಿದ್ದಾರಂತೆ. 2014ರಿಂದ ಈಚೆಗೆ ಆ ಡ್ರೆಸ್ಗಳನ್ನು ಮಾರಾಟಕ್ಕೆ ಇಟ್ಟಿದ್ದು, ಈಗಾಗಲೇ ಏಳು ಸಾವಿರ ಡ್ರೆಸ್ಗಳು ಮಾರಾಟವಾಗಿವೆ. ಯಾವ ಡ್ರೆಸ್ಅನ್ನು ಯಾವ ಸಂದರ್ಭದಲ್ಲಿ, ಎಷ್ಟು ಬೆಲೆಗೆ ಖರೀದಿಸಿದ್ದು ಮತ್ತು ಆ ಡ್ರೆಸ್ ತೊಟ್ಟಾಗ ಹೆಂಡತಿ ಹೇಗೆ ಕಾಣುತ್ತಿದ್ದಳು ಎಂಬೆಲ್ಲಾ ವಿವರಗಳೂ 86ರ ಪಾಲ್ಗೆ ನೆನಪಿದೆ! ತುಂಬಾ ಅಪರೂಪದ ಸಂದರ್ಭದಲ್ಲಿ ಗಿಫ್ಟ್ ಮಾಡಿದ್ದ, ಮನಸ್ಸಿಗೆ ತೀರಾ ಹತ್ತಿರವಾಗಿದ್ದ 200 ಡ್ರೆಸ್ಗಳನ್ನು ಮಾರುವುದಿಲ್ಲ ಅಂತ ಪಾಲ್ ಎತ್ತಿಟ್ಟುಕೊಂಡಿದ್ದಾರಂತೆ. ಅಂದಹಾಗೆ, ಆ ಡ್ರೆಸ್ಗಳಲ್ಲಿ ಮಾರ್ಗಟ್ ಇನ್ನೂ 80ರ ಹುಡುಗಿ ಥರ ಕಾಣಿಸ್ತಾರೆ!
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
MUST WATCH
ಹೊಸ ಸೇರ್ಪಡೆ
Mysore Lok Sabha constituency: ಮಹಾರಾಜ-ಮುಖ್ಯಮಂತ್ರಿ ನಡುವೆ ವೀರಕಾಳಗ
Water Crisis; ರಾಜ್ಯ ಸರ್ಕಾರದಿಂದ ಟ್ಯಾಂಕರ್ ಲಾಬಿ: ಅರವಿಂದ ಬೆಲ್ಲದ್ ಆರೋಪ
Video Viral: ಕಚ್ಚಿದ ಹಾವನ್ನೇ ಕೊಂದು ಆಸ್ಪತ್ರೆಗೆ ತಂದ ಮಹಿಳೆ… ಕಂಗಾಲಾದ ವೈದ್ಯರು
IPL 2024; ಧೋನಿ ಐಪಿಎಲ್ ಭವಿಷ್ಯದ ಬಗ್ಗೆ ಮಹತ್ವದ ಹೇಳಿಕೆ ನೀಡಿದ ಸುರೇಶ್ ರೈನಾ
Jai Shri Ram ಎಂದು ಕೂಗಿದ್ದಕ್ಕೆ ಅನ್ಯಕೋಮಿನ ಯುವಕರಿಂದ ಹಲ್ಲೆ