ಪಕ್ಕನೆ ನೋಡಿದರೆ ಪಡುಕೋಣೆಯ ದೀಪಿಕಾಳಂತೆ ಕಾಣುವ- ಶ್ರೀಯಾ
Team Udayavani, Apr 13, 2018, 6:00 AM IST
ಶ್ರೀಯಾ ಪಿಲ್ಗಾಂವಕರ್ಳ ತಂದೆ-ತಾಯಿ ಇಬ್ಬರೂ ಸಿನೆಮಾ ಹಿನ್ನೆಲೆಯವರು. ತಂದೆ ಸಚಿನ್ ಪಿಲ್ಗಾವಂಕರ್ ಮತ್ತು ತಾಯಿ ಸುಪ್ರಿಯಾ ಪಿಲ್ಗಾಂವಕರ್ ಇಬ್ಬರೂ ಮರಾಠಿ ಚಿತ್ರರಂಗದ ಪ್ರಸಿದ್ಧ ತಾರಾ ದಂಪತಿ. ಸಚಿನ್ ಪಿಲ್ಗಾಂವಕರ್, ನಟ ಮಾತ್ರವಲ್ಲದೆ ನಿರ್ದೇಶಕ ಮತ್ತು ನಿರ್ಮಾಪಕರೂ ಆಗಿದ್ದಾರೆ.
ಈ ತಾರಾದಂಪತಿ ಹಲವು ಹಿಂದಿ ಚಿತ್ರಗಳಲ್ಲೂ ನಟಿಸಿದ್ದಾರೆ. ಹೀಗಾಗಿ, ಚಿತ್ರರಂಗಕ್ಕೆ ಬರಲು ಶ್ರೀಯಾ ಹೆಚ್ಚೇನೂ ಕಷ್ಟಪಡುವ ಅಗತ್ಯವಿರಲಿಲ್ಲ. ಆದರೆ ಹೆತ್ತವರಿಗೆ ಮಗಳು ತಮ್ಮಂತೆ ಸಿನೆಮಾ ರಂಗಕ್ಕೆ ಬರುವುದು ಇಷ್ಟವಿರರಿಲ್ಲ. ಹೀಗಾಗಿ ಅವರು ಶ್ರೀಯಾಳನ್ನು ಕ್ರೀಡಾಪಟು ಮಾಡಬೇಕೆಂದು ಈಜು ಕಲಿಸಿದ್ದರು. ಶಾಲಾ, ಕಾಲೇಜಿನಲ್ಲಿರುವಾಗ ಶ್ರೀಯಾ ಸ್ವಿಮ್ಮಿಂಗ್ ಚಾಂಪಿಯನ್ ಕೂಡಾ ಆಗಿದ್ದಳು. ಆದರೆ ಕಲೆಯ ಗುಣ ರಕ್ತದಲ್ಲಿ ಇರುವುದರಿಂದ ಶ್ರೀಯಾಳಿಗೆ ಬೆಳ್ಳಿತೆರೆಯ ಸೆಳೆತದಿಂದ ತಪ್ಪಿಸಿಕೊಳ್ಳಲಾಗಲಿಲ್ಲ.
ಬಾಲನಟಿಯಾಗಿ ಆಗಾಗ ಕಾಣಿಸಿಕೊಳ್ಳುತ್ತಿದ್ದ ಶ್ರೀಯಾ ಬಳಿಕ ರಂಗಭೂಮಿಯತ್ತ ಹೊರಳಿದಳು. ಹಲವು ಯಶಸ್ವಿ ನಾಟಕಗಳಲ್ಲಿ ನಟಿಸಿದ ಅನುಭವ ಪಡೆದ ಬಳಿಕ ಕಿರುಚಿತ್ರ ನಿರ್ಮಾಣ, ನಿರ್ದೇಶನ ಮತ್ತು ನಟನೆಯತ್ತ ಬಂದಳು. ಜತೆಗೆ ಜಾಹೀರಾತು ಚಿತ್ರ ನಿರ್ದೇಶನ, ನಿರ್ಮಾಣದಲ್ಲೂ ತೊಡಗಿಸಿಕೊಂಡಳು. ಮಾಡೆಲ್ ಆಗಿ ಕ್ಯಾಟ್ವಾಕ್ ಮಾಡಿದಳು. ಹೀಗೆ ಕಿರುಹರೆಯದಲ್ಲೇ ಸಿನೆಮಾದ ಎಲ್ಲ ಕ್ಷೇತ್ರಗಳಲ್ಲಿ ಕೈಯಾಡಿಸಿದ ಶ್ರೀಯಾಳಿಗೆ ದೊಡ್ಡ ಬ್ರೇಕ್ ಕೊಟ್ಟದ್ದು ಫ್ಯಾನ್ ಚಿತ್ರ. ಶಾರೂಖ್ ಗೆಳತಿಯಾಗಿ ಈ ಚಿತ್ರದಲ್ಲಿ ಶ್ರೀಯಾ ಕಾಣಿಸಿಕೊಂಡಳು. ಚಿಕ್ಕ ಪಾತ್ರವೇ ಆಗಿದ್ದರೂ ಗಮನ ಸೆಳೆಯುವಲ್ಲಿ ಶ್ರೀಯಾ ಸಫಲಳಾಗಿದ್ದಾಳೆ. ಇದೀಗ ಅನುಭವ್ ಸಿನ್ಹಾ ನಿರ್ದೇಶಿಸುತ್ತಿರುವ ಅಭಿ ತೋ ಪಾರ್ಟಿ ಶುರು ಹುಯೀ ಹೇ ಸೇರಿ ಮೂರು ಚಿತ್ರಗಳಲ್ಲಿ ಶ್ರೀಯಾ ನಟಿಸುತ್ತಿದ್ದಾಳೆ.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
MUST WATCH
ಹೊಸ ಸೇರ್ಪಡೆ
Belthangady: ನಿಯಂತ್ರಣ ತಪ್ಪಿ ವಿದ್ಯುತ್ ಕಂಬಕ್ಕೆ ಢಿಕ್ಕಿ ಹೊಡೆದು ಕಾರು, ತಪ್ಪಿದ ದುರಂತ
NDA;ಎಲ್ಲಾ ಸಮಸ್ಯೆಗಳನ್ನು ಪರಿಹರಿಸುವವರು ಮೋದಿ ಮತ್ತು ಶಾ ಮಾತ್ರ: ದೇವೇಗೌಡ
Arrested: 17 ವರ್ಷಗಳಿಂದ ತಲೆಮರೆಸಿಕೊಂಡಿದ್ದ ಆರೋಪಿ ಬಂಧನ
Padubidri: ಬೈಕಿಗೆ ಡಿಕ್ಕಿ ಹೊಡೆದ ಕಾರು… ಪೊಲೀಸ್ ಕಾನ್ಸ್ಟೆಬಲ್ ಗೆ ಗಾಯ
Brahmavara: ವಿದ್ಯುತ್ ಕಂಬ ಮುರಿದು ಬಿದ್ದು ಯುವಕ ಮೃತ್ಯು