ನೋರಾ ರೋರ್ ಲುಕ್
Team Udayavani, Nov 23, 2018, 6:00 AM IST
ರೋರ್ : ಟೈಗರ್ ಆಫ್ ದ ಸುಂದರ್ಬನ್ಸ್ ಎಂಬ ಅಪರೂಪದ ಸಿನೆಮಾ ನೋಡಿದ್ದರೆ ನಿಮಗೆ ಈ ನಟಿಯ ಪರಿಚಯವಿರಬಹುದು. ಈಕೆಯೇ ನೋರಾ ಫತೇಹಿ. ಹೆಸರಿನಲ್ಲಿ ತುಸು ಭಾರತೀಯತೆಯ ಅಂಶ ಕಾಣುತ್ತಿದ್ದರೂ ಈಕೆ ಮಾತ್ರ ಅಪ್ಪಟ ವಿದೇಶಿ ನಟಿ. ಮೊರಕ್ಕೊ ಮೂಲದ ನೋರಾಳ ಭಾರತೀಯ ಲುಕ್ ಆಕೆಗೆ ಬಾಲಿವುಡ್ನಲ್ಲೊಂದು ಸ್ಥಾನ ಸಿಗುವಂತೆ ಮಾಡಿದೆ ಎಂದರೆ ತಪ್ಪಿಲ್ಲ. ಬಾಲಿವುಡ್ ನಂತರ ನೋರಾಳನ್ನು ಸ್ವಾಗತಿಸಿದ್ದು ದಕ್ಷಿಣ ಭಾರತದ ಚಿತ್ರರಂಗ. ತೆಲುಗು, ತಮಿಳು ಮತ್ತು ಮಲಯಾಳ ಚಿತ್ರಗಳಲ್ಲಿ ಮಿಂಚುತ್ತಿರುವ ಈ ಅಪ್ಪಟ ಸುಂದರಿಯ ಯಶೋಗಾಥೆ ಬಹಳ ರೋಚಕವಾಗಿದೆ. ಹಾಗೆ ನೋಡಿದರೆ ತೆಲುಗಿನ ಬಾಹುಬಲಿ ಚಿತ್ರದ ಒಂದು ಚಿಕ್ಕ ಪಾತ್ರದಲ್ಲೂ ನೋರಾ ಕಾಣಿಸಿಕೊಂಡಿದ್ದಾಳೆ.
ಡಬಲ್ ಬ್ಯಾರೆಲ್ ಮತ್ತು ಕಾಯಂಕುಳಂ ಕೊಚ್ಚಣ್ಣಿ ಆಕೆ ನಟಿಸಿರುವ ಮಲಯಾಳ ಚಿತ್ರಗಳು. ಈ ಎರಡೂ ಚಿತ್ರಗಳು ಸೂಪರ್ಹಿಟ್ ಆದ ಬಳಿಕ ನೋರಾ ಮಲಯಾಳಂನಲ್ಲೂ ಭಾರೀ ಜನಪ್ರಿಯಳಾಗಿದ್ದಾಳೆ. ದಿಲ್ಲಿಯಲ್ಲಿ ಕೆಲ ವರ್ಷಗಳ ಹಿಂದೆ ನಡೆದ ಬಾಟ್ಲಾ ಎನ್ಕೌಂಟರ್ ಘಟನೆಯನ್ನು ಆಧರಿಸಿ ತಯಾರಾಗುತ್ತಿರುವ ಚಿತ್ರದ ನಾಯಕಿಯಾಗುವ ಮೂಲಕ ನೋರಾ ಮತ್ತೂಮ್ಮೆ ಪೂರ್ಣಪ್ರಮಾಣದಲ್ಲಿ ಬಾಲಿವುಡ್ಗೆ ರೀ ಎಂಟ್ರಿ ಕೊಡುತ್ತಿದ್ದಾಳೆ. ಜಾನ್ ಅಬ್ರಹಾಂ ಈ ಚಿತ್ರದ ನಾಯಕ. ಇದಕ್ಕೂ ಮೊದಲು ಸತ್ಯಮೇವ ಜತಯೇ ಚಿತ್ರದ ಐಟಂ ಹಾಡಿಗೆ ಜಾನ್ ಅಬ್ರಹಾಂ ಜತೆಗೆ ಕುಣಿದ ನೆನಪು ನೋರಾಳಿಗೆ ಇನ್ನೂ ಇದೆ. ಅಂತೆಯೇ ಸಲ್ಮಾನ್ ಖಾನ್ ಮತ್ತು ಕತ್ರಿನಾ ಕೈಫ್ ಪ್ರಧಾನ ಭೂಮಿಕೆಯಲ್ಲಿರುವ ಭಾರತ್ ಚಿತ್ರದಲ್ಲೂ ನೋರಾಳಿಗೆ ಪ್ರಮುಖ ಪಾತ್ರವೊಂದಿದೆ. ಹೀಗೆ ಸನ್ನಿ ಲಿಯೋನ್ ಬಳಿಕ ನೋರಾಳ ರೂಪದಲ್ಲಿ ಬಾಲಿವುಡ್ಗೆ ಇನ್ನೋರ್ವ ವಿದೇಶಿ ನಟಿ ಸಿಕ್ಕಂತಾಗಿದೆ.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
MUST WATCH
ಹೊಸ ಸೇರ್ಪಡೆ
Shocking: ಮುಸುಧಾರಿಗಳಿಂದ ಗುರುದ್ವಾರದ ಸಿಬ್ಬಂದಿಯ ಗುಂಡಿಕ್ಕಿ ಹತ್ಯೆ.. ಭಯಾನಕ ದೃಶ್ಯ ಸೆರೆ
Bengaluru: ಪೇಂಟರ್ ಕೊಂದು ಪೊಲೀಸ್ ಠಾಣೆಗೆ ಬಂದು ಸಿಕ್ಕಿಬಿದ್ದ ಸ್ನೇಹಿತರು
Loksabha Poll: ತಮಿಳುನಾಡು ಮಾಜಿ ಕಾಂಗ್ರೆಸ್ ನಾಯಕ ಈಗ ಬಿಜೆಪಿ ರಾಷ್ಟ್ರೀಯ ವಕ್ತಾರ
Bengaluru: ಪ್ರೀತಿಸಿ ಮದುವೆ ಆಗುವುದಾಗಿ ಅಂಗವಿಕಲ ಯುವತಿಗೆ ವಂಚನೆ
Bengaluru: 290 ರೌಡಿಶೀಟರ್ಮನೆಗಳ ಮೇಲೆ ದಾಳಿ