ಮಾತನಾಡುತ್ತಾಳೆ ಮೌನಿ
Team Udayavani, Aug 31, 2018, 6:00 AM IST
ಮೌನಿ ರಾಯ್. ಹಿಂದಿ ಟಿವಿ ಧಾರಾವಾಹಿಗಳನ್ನು ನೋಡುವ ಅಭ್ಯಾಸ ಇರುವವರಿಗೆ ಒಂದು ಚಿರಪರಿಚಿತ ಹೆಸರು. ಕ್ಯೂನಕಿ ಸಾಸ್ ಭಿ ಕಭಿ ಬಹೂ ಥಿಯಿಂದ ಹಿಡಿದು ಹತ್ತಾರು ಧಾರಾವಾಹಿಗಳಲ್ಲಿ ನಟಿಸಿ ಮನೆ ಮಾತಾಗಿದ್ದಾಳೆ ಮೌನಿ.
ಸುಮಾರು ಒಂಬತ್ತು ವರ್ಷ ಕಿರುತೆರೆಯಲ್ಲಿ ಮೆರೆದಾಡಿದ ಬಳಿಕ ಮೌನಿ ಈಗ ಬಾಲಿವುಡ್ನತ್ತ ಪಯಣ ಬೆಳೆಸಿದ್ದಾಳೆ. ಅಕ್ಷಯ್ ಕುಮಾರ್ ಹೀರೊ ಆಗಿದ್ದ ಗೋಲ್ಡ್ ಚಿತ್ರದಲ್ಲಿ ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಂಡ ಬಳಿಕ ಮೌನಿಯ ಅದೃಷ್ಟದ ಬಾಗಿಲು ತೆರೆದಿದೆ. ಗೋಲ್ಡ್ ಬೆನ್ನಿಗೆ ಕರಣ್ ಜೋಹರ್ ನಿರ್ಮಿಸುತ್ತಿರುವ ಬ್ರಹ್ಮಾಸ್ತ್ರ ಮತ್ತು ಜಾನ್ ಅಬ್ರಹಾಂ ನಾಯಕನಾಗಿರುವ ರಾ-ರೋಮಿಯೊ ಅಕ್ಬರ್ ವಾಲ್ಟರ್ ಎಂಬೆರಡು ಬಿಗ್ ಬ್ಯಾನರ್ ಚಿತ್ರಗಳಿಗೆ ನಾಯಕಿಯಾಗುವ ಅವಕಾಶ ಸಿಕ್ಕಿದೆ. ಈ ಅದೃಷ್ಟವನ್ನು ಕಂಡು ಅವಳಿಗೆ ನಂಬಿಕೆಯೇ ಬರುತ್ತಿಲ್ಲವಂತೆ.
“ಹಿರಿತೆರೆಗೆ ಬಂದ ಕೂಡಲೇ ಇಷ್ಟೊಂದು ಅವಕಾಶ ಅದೂ ದೊಡ್ಡ ಬ್ಯಾನರ್ನ ಚಿತ್ರಗಳು ಸಿಗುವುದು ಸಣ್ಣ ಮಾತಲ್ಲ. ಅದೃಷ್ಟವಿದ್ದರೆ ಮಾತ್ರ ಇದೆಲ್ಲ ಸಾಧ್ಯ’ ಎನ್ನುತ್ತಾಳೆ ಮೌನಿ. ಹಾಗೆಂದು ಮೌನಿಗೆ ಬಾಲಿವುಡ್ ತೀರಾ ಹೊಸತೇನೂ ಅಲ್ಲ. 14 ವರ್ಷದ ಹಿಂದೆಯೇ ರನ್ ಎಂಬ ಚಿತ್ರದಲ್ಲಿ ಅತಿಥಿ ನಟಿಯಾಗಿ ಕಾಣಿಸಿಕೊಂಡಿದ್ದಳು. ಅನಂತರ ಒಂದು ಪಂಜಾಬಿ ಚಿತ್ರಕ್ಕೆ ನಾಯಕಿಯಾಗಿದ್ದಾಳೆ. ತುಮ್ ಬಿನ್ ಚಿತ್ರದಲ್ಲೂ ಅತಿಥಿಯಾಗಿ ಮುಖ ತೋರಿಸಿದ್ದಾಳೆ. ಆದರೆ, ಹೀರೊಯಿನ್ ಆಗುವ ಅವಕಾಶ ಸಿಕ್ಕಿರುವುದು ಗೋಲ್ಡ್ನಲ್ಲಿ. ಹೀಗಾಗಿ ಮೌನಿ ಗೋಲ್ಡ್ ತನ್ನ ಮೊದಲ ಚಿತ್ರ ಎನ್ನುತ್ತಿದ್ದಾಳೆ. ಬಾಲಿವುಡ್ಗೆ ಬರುವಾಗ ಬಹಳ ತಡವಾಯಿತು ಎನ್ನುವುದನ್ನು ಅವಳು ಒಪ್ಪಿಕೊಳ್ಳುತ್ತಾಳೆ. ಇರುವ ಸೀಮಿತ ಅವಕಾಶದಲ್ಲಿ ತನ್ನದೇ ಆದ ಛಾಪು ಮೂಡಿಸಬೇಕೆನ್ನುವುದು ಅವಳ ಅಭಿಲಾಷೆ. ಕಿರುತೆರೆಯಿಂದ ಹಿರಿತೆರೆಗೆ ಬಂದಿರುವುದನ್ನು ಬದುಕಿನ ಸ್ಥಿತ್ಯಂತರ ಎಂದು ಬಣ್ಣಿಸುತ್ತಿದ್ದಾಳೆ. ಇಲ್ಲಿ ಎಲ್ಲವನ್ನೂ ಮೊದಲಿನಿಂದ ಪ್ರಾರಂಭಿಸಬೇಕು. ಹೀಗಾಗಿ, ಕಿರುತೆರೆಯಲ್ಲಿ ದಶಕದ ಅನುಭವವಿದ್ದರೂ ಹಿರಿತೆರೆಗೆ ಅಪರಿಚಿತವಂತೆ.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
MUST WATCH
ಹೊಸ ಸೇರ್ಪಡೆ
Chamarajanagar: ಮೇವಿಗಾಗಿ ಕಬ್ಬಿನ ತೊಂಡೆಗೆ ಬೇಡಿಕೆ ಹೆಚ್ಚಳ
Bengaluru: ಅತಿಕ್ರಮಿಸಿ ಏರ್ಪೋರ್ಟ್ನಲ್ಲಿ ವಿಡಿಯೋ: ಯುಟ್ಯೂಬರ್ ಬಂಧನ
Bengaluru: ಮಕ್ಕಳ ಅಶ್ಲೀಲ ಫೋಟೋ, ವಿಡಿಯೋ ವೀಕ್ಷಿಸುತ್ತಿದ್ದ ಸೆಕ್ಯೂರಿಟಿ ಗಾರ್ಡ್ ಸೆರೆ
B Y Vijayendra: ಕಾಂಗ್ರೆಸ್ನವರು ಪ್ರಧಾನಿ ಅಭ್ಯರ್ಥಿ ಯಾರೆಂದು ಹೇಳಲಿ?
Mysore Lok Sabha constituency: ಮಹಾರಾಜ-ಮುಖ್ಯಮಂತ್ರಿ ನಡುವೆ ವೀರಕಾಳಗ