300 ದಶಲಕ್ಷ ಡಾಲರ್ ನೆರವು ಅಲ್ಲ, ಉಗ್ರ ಸಮರ ಖರ್ಚು: ಪಾಕ್
Team Udayavani, Sep 3, 2018, 11:08 AM IST
ಇಸ್ಲಾಮಾಬಾದ್ : ದಕ್ಷಿಣ ಏಶ್ಯ ವ್ಯೂಹಗಾರಿಕೆಗೆ ಬೆಂಬಲವಾಗಿ ಪಾಕಿಸ್ಥಾನ ಯಾವುದೇ ನಿರ್ಣಾಯಕ ಕ್ರಮ ತೆಗೆದುಕೊಳ್ಳದಿರುವ ಕಾರಣ 300 ದಶಲಕ್ಷ ಡಾಲರ್ ಸಮ್ಮಿಶ್ರ ಬೆಂಬಲ ನಿಧಿಯ ಮರು ಹೊಂದಾಣಿಕೆಗೆ ತಾನು ಸಂಸತ್ತಿನ ಅನುಮೋದನೆ ಕೋರಿರುವುದಾಗಿ ಪೆಂಟಗನ್ ಹೇಳಿದ ಬೆನ್ನಿಗೇ ಪಾಕಿಸ್ಥಾನ ತನ್ನನ್ನು ತಾನು ಸಮರ್ಥಿಸಿಕೊಂಡಿದೆ.
ಅಮೆರಿಕವು ಪಾಕಿಸ್ಥಾನಕೆ ಕೊಡಬೇಕಿರುವ 300 ದಶಲಕ್ಷ ಡಾಲರ್, ನೆರವು ಮೊತ್ತ ಅಲ್ಲ; ಬದಲು ಭಯೋತ್ಪಾದನೆ ವಿರುದ್ಧದ ಸಮರದಲ್ಲಿ ಪಾಕಿಸ್ಥಾನ ಭರಿಸಿರುವ ಖರ್ಚು ವೆಚ್ಚಗಳ ಮರುಪಾವತಿ ಮೊತ್ತವೇ ಆಗಿದೆ ಎಂದು ಪಾಕ್ ವಿದೇಶ ಸಚಿವ ಶಾ ಮೆಹಮೂದ್ ಕುರೇಶಿ ಹೇಳಿದ್ದಾರೆ.
“ಅಮೆರಿಕದ ನೆರವಿನಲ್ಲಿ ಕಡಿತವಾಗುವ ಮೊತ್ತ ಇದಲ್ಲ ಅಥವಾ ಇದು ನೆರವು ಮೊತ್ತವೂ ಅಲ್ಲ; ಇದು ನಮ್ಮದೇ ಹಣ; ಭಯೋತ್ಪಾದನೆ ವಿರುದ್ಧದ ಸಮರದಲ್ಲಿ ನಾವು ಭರಿಸಿರುವ ಖರ್ಚು ವೆಚ್ಚಗಳನ್ನು ಅಮೆರಿಕ ನಮಗೆ ಮರುಪಾವತಿಸಬೇಕಿರುವ ಮೊತ್ತ ಇದಾಗಿದೆ’ ಎಂದು ಕುರೇಶಿ ಹೇಳಿದರು.
ಅಮೆರಿಕವು ಸಿಎಸ್ಎಫ್ ಅಮಾನತು ಪರಿಗಣಿಸಿದಲ್ಲಿ ಅದರಿಂದ ಪಾಕ್ -ಅಮೆರಿಕ ಸಂಬಂಧ ಇನ್ನಷ್ಟು ಹಳಸುವ ಸಾಧ್ಯತೆ ಇದೆ. ಅಮೆರಿಕದ ವಿದೇಶ ಸಚಿವ ಮೈಕ್ ಪಾಂಪಿಯೋ ಅವರು ಇಸ್ಲಾಮಾಬಾದ್ಗೆ ಭೇಟಿ ನೀಡುವ ಮುನ್ನವೇ ಅಮೆರಿಕ ಪಾಕಿಸ್ಥಾನಕ್ಕೆ ಕೊಡಬೇಕಿರುವ ಮೊತ್ತವನ್ನು ತಡೆಹಿಡಿಯುವುದರಿಂದ ಉಭಯ ದೇಶಗಳ ನಡುವಿನ ಬಾಂಧವ್ಯಕ್ಕೆ ಅಡಚಣೆ ಉಂಟಾಗಲಿದೆ ಎಂದು ಕುರೇಶಿ ಹೇಳಿದರು.
ಅಮೆರಿಕ ವಿದೇಶ ಸಚಿವ ಮೈಕ್ ಪಾಂಪಿಯೋ ಅವರು ಇಸ್ಲಾಮಾಬಾದ್ಗೆ ಬಂದಾಗ ನಾವು ಈ ವಿಷಯವನ್ನು ಅವರಲ್ಲಿ ಎತ್ತುವೆವು ಎಂದು ಕುರೇಶಿ ಹೇಳಿದರು.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
Israel – Iran: ಕ್ಷಿಪಣಿ ದಾಳಿಯ ಮೂಲಕ ಸೇಡು ತೀರಿಸಿಕೊಂಡ ಇಸ್ರೇಲ್; ಎಚ್ಚರಿಕೆ ನೀಡಿದ ಇರಾನ್
Russia War: ಉಕ್ರೇನ್ ಮೇಲೆ ರಷ್ಯಾ ಭೀಕರ ದಾಳಿ-17 ಮಂದಿ ಮೃತ್ಯು; ನೆರವಿಗಾಗಿ ಮನವಿ
ನನ್ನ ಪತ್ನಿಗೆ ಏನಾದರೂ ಆದರೆ…: ಸೇನಾ ಮುಖ್ಯಸ್ಥರಿಗೆ ಎಚ್ಚರಿಕೆ ನೀಡಿದ ಇಮ್ರಾನ್ ಖಾನ್
Heavy Rain: ಮರಳುಗಾಡು ದುಬೈನಲ್ಲಿ ಧಾರಾಕಾರ ಮಳೆ, ಪ್ರವಾಹ ಪರಿಸ್ಥಿತಿ-ಜನಜೀವನ ಅಸ್ತವ್ಯಸ್ತ
Rain: ವರುಣನ ಆರ್ಭಟಕ್ಕೆ ನಲುಗಿದ ದುಬೈ… ವಿಮಾನ ನಿಲ್ದಾಣ ಜಲಾವೃತ, ಜನಜೀವನ ಅಸ್ತವ್ಯಸ್ಥ
MUST WATCH
ಹೊಸ ಸೇರ್ಪಡೆ
Drama: ಪ್ರೇಕ್ಷಕರ ಮನಗೆದ್ದ “ಸೀತಾರಾಮ ಚರಿತಾ”
Puttur: ಶ್ರೀ ಮಹಾಲಿಂಗೇಶ್ವರ ದೇವರ ಅವಭೃಥ ಸವಾರಿ
Neha Hiremath Case; ಕೊಲೆಗಡುಕನನ್ನು ಎನ್ ಕೌಂಟರ್ ಮಾಡಿ: ಪ್ರಮೋದ್ ಮುತಾಲಿಕ್ ಆಗ್ರಹ
Neha Hiremath Case: ಹಂತಕನ ಊರಿನಲ್ಲಿ ಪ್ರತಿಭಟನೆ, ಮುಸ್ಲಿಂ ಸಮುದಾಯದ ಸಾಥ್
Belagavi; ಕಾಂಗ್ರೆಸ್ ಸರ್ಕಾರದ ಓಲೈಕೆಯಿಂದ ಜಿಹಾದಿ ಕೃತ್ಯಗಳು ಹೆಚ್ಚುತ್ತಿದೆ: ಶೆಟ್ಟರ್