CONNECT WITH US  

3,80,000 ಬ್ರಿಟಿಷ್‌ ಏರ್‌ ವೇಸ್‌ ಪ್ರಯಾಣಿಕರ Credit Card hack

ಲಂಡನ್‌ : ಈ ವರ್ಷ ಬೇಸಗೆಯಲ್ಲಿ ಬ್ರಿಟಿಷ್‌ ಏರ್‌ ವೇಸ್‌ ನ ಸುಮಾರು 3,80,000 ಪ್ರಯಾಣಿಕರ ಕ್ರೆಡಿಟ್‌ ಕಾರ್ಡ್‌ ವಿವರಗಳನ್ನು  ಹ್ಯಾಕರ್‌ಗಳು ಅಂತರ್‌ಜಾಲಕ್ಕೆ ಕನ್ನ ಹಾಕುವ ಮೂಲಕ ಲೂಟಿ ಮಾಡಿದ್ದಾರೆ. ಹಾಗಾಗಿ ಈ ಗ್ರಾಹಕರು ಹಣಕಾಸು ವಂಚನೆಗೆ ಗುರಿಯಾಗುವ ಸಾಧ್ಯತೆ ಇದೆ ಎಂದು ಏರ್‌ ಲೈನ್ಸ್‌ ತಿಳಿಸಿದೆ.

ಬ್ರಿಟಿಷ್‌ ಏರ್‌ ವೇಸ್‌ ನ ಸಿಇಓ ಅಲೆಕ್ಸ್‌ ಕ್ರುಜ್‌ ಅವರು ಇಂದು ಶುಕ್ರವಾರ ಮಾಧ್ಯಮದೊಂದಿಗೆ ಮಾತನಾಡುತ್ತಾ, ನಮ್ಮ 3,80,000 ಪ್ರಯಾಣಿಕರ ಕ್ರೆಡಿಟ್‌ ಕಾರ್ಡ್‌ ಡೇಟಾಗಳನ್ನು ಹ್ಯಾಕರ್‌ಗಳು ಲೂಟಿ ಮಾಡಿದ್ದು ಆ ಮಾಹಿತಿಗಳನ್ನು ಅವರು ಹ್ಯಾಕರ್‌ಗಳು ಕಾನೂನು ಬಾಹಿರ ಉದ್ದೇಶಗಳಿಗೆ ಬಳಸುವ ಸಾಧ್ಯತೆ ಇದೆ; ಘಟನೆಯ ಬಗ್ಗೆ ಪೊಲೀರು ತನಿಖೆ ನಡೆಸುತ್ತಿದ್ದಾರೆ ಎಂದು ಹೇಳಿದ್ದಾರೆ. 

"ಕದಿಯಲ್ಪಟ್ಟ ಮಾಹಿತಿಗಳೆಂದರೆ ಪ್ರಯಾಣಿಕರ ಹೆಸರು, ವಿಳಾಸ, ಇಮೇಲ್‌ ವಿಳಾಸ, ಕ್ರೆಡಿಟ್‌ ಕಾರ್ಡ್‌ ಮಾಹಿತಿ (ಅಂದರೆ ಕ್ರೆಡಿಟ್‌ ಕಾರ್ಡ್‌ ನಂಬರ್‌, ಎಕ್ಸ್‌ಪಯರಿ ದಿನಾಂಕ ಮತ್ತು ಕ್ರೆಡಿಟ್‌ ಕಾರ್ಡ್‌ ಹಿಂಬದಿ ಇರುವ ಮೂರಕ್ಷರದ ಕೋಡ್‌)' ಎಂದು ಕ್ರುಜ್‌ ಅವರು ಬಿಬಿಸಿ ಗೆ ಹೇಳಿದರು. 

ಪ್ರಯಾಣಿಕರ ಪಾಸ್‌ ಪೋರ್ಟ್‌ ಮಾಹಿತಿಗಳು ಕಳವಾಗಿಲ್ಲ ಎಂದಿರುವ ಅವರು ಹ್ಯಾಕರ್‌ಗಳಿಂದ ಆಗಿರುವ ದಾಳಿಯು ಅತ್ಯಾಧುನಿಕ ರೀತಿಯ ಕ್ರಿಮಿನಲ್‌ ಸ್ವರೂಪದ್ದಾಗಿದೆ; ಹಾಗಿದ್ದರೂ ನಮ್ಮ ಪ್ರಯಾಣಿಕ ಗ್ರಾಹಕರಿಗೆ ಆಗುವ ಯಾವುದೇ ನಷ್ಟವನ್ನು ಭರಿಸಿಕೊಡುವ ಶೇ.100 ಬದ್ಧತೆ ನಮಗಿದೆ ಎಂದು ಹೇಳಿದರು. 

ಸೈಬರ್‌ ದಾಳಿಗೆ ಗುರಿಯಗಿರುವ ಗ್ರಾಹಕರು ಮೊತ್ತ ಮೊದಲಾಗಿ ತಮ್ಮ ಬ್ಯಾಂಕುಗಳ ಸಲಹೆಯನ್ನು ಪಡೆಯಬೇಕು; ಬ್ಯಾಂಕ್‌ ಮತ್ತು ಕ್ರೆಡಿಟ್‌ ಕಾರ್ಡ್‌ ಸ್ಟೇಟ್‌ಮೆಂಟ್‌ಗಳನ್ನು ಕೂಲಂಕಷವಾಗಿ ಪರಿಶೀಲಿಸಬೇಕು; ವಂಚನೆಯ ಚಟುವಟಿಕೆಗಳು ಕಂಡು ಬಂದಲ್ಲಿ ಕೂಡಲೇ ಅವನ್ನು ಬ್ಯಾಂಕಿಗೆ ತಿಳಿಸಬೇಕು' ಎಂದು ಗ್ರಾಹಕ ಸಲಹಾ ವೆಬ್‌ ಸೈಟ್‌ ಮನಿ ಸೇವಿಂಗ್‌ ಎಕ್ಸ್‌ಪರ್ಟ್‌ ಹೇಳಿದೆ. 

ಕಳೆದ ವರ್ಷ ಮೇ ತಿಂಗಳಲ್ಲಿ ಬ್ರಿಟಿಷ್‌ ಏರ್‌ ವೇಸ್‌ ಸುಮಾರು ಮೂರು ದಿನಗಳ ಕಾಲ ಅನುಭವಿಸಿದ್ದ ಅಭೂತಪೂರ್ವ ಸಿಸ್ಟಮ್‌ ಪ್ರಾಬ್ಲಿಮ್‌ ನಿಂದಾಗಿ 700ಕ್ಕೂ ಅಧಿಕ ವಿಮಾನ ಹಾರಾಟಗಳು ರದ್ದಾಗಿದ್ದವು ಮತ್ತು ಸುಮಾರು 75,000 ಪ್ರಯಾಣಿಕರು ತೀವ್ರ ಪರದಾಟ ಅನುಭವಿಸಿದ್ದರು. 

Trending videos

Back to Top