ಶಾಲೆಯ ದಾರಿಯಲ್ಲಿ ಕಲಿತ ಪಾಠಗಳು


Team Udayavani, Feb 22, 2019, 12:30 AM IST

14.jpg

ಎಲ್ಲರ ಜೀವನದಲ್ಲೂ ಬಾಲ್ಯ ಎಂಬುದು ಮರು ಕಳಿಸಲಾಗದ ಅತ್ಯಮೂಲ್ಯ ನೆನಪುಗಳನ್ನು ಹೊತ್ತ ವಿಶೇಷ ಕಾಲಘಟ್ಟ. ಸಾಮಾನ್ಯವಾಗಿ ನಮ್ಮ ಪೀಳಿಗೆಯವರಿಗೆ ಬಾಲ್ಯ ಎಂದಾಕ್ಷಣ ನೆನಪಿಗೆ ಬರುವುದು ಶಾಲೆ. ಶಾಲೆಗೆ ಹೋಗಲು ಮನಸ್ಸಿಲ್ಲದಿದ್ದರೂ ಗೆಳೆಯರೊಡನೆ ಸೇರಿ ಆಟವಾಡಲೋ ಅಥವಾ ಯಾವುದೋ ಹುಚ್ಚುಸಾಹಸಗಳಿಗೆ ಕೈ ಹಾಕಲೋ ಹೋಗುತ್ತಿದ್ದವರು ಕೆಲವರಾದರೆ, ಮನೆಯವರ ಒತ್ತಾಯಕ್ಕೆ ಮತ್ತು ಶಾಲೆಯಲ್ಲಿ ಶಿಕ್ಷಕರು ಹಿಡಿಯುವ ಬೆತ್ತದ ಕೋಲಿನ ಭಯಕ್ಕೆ ಹೋಗುವವರು ಹಲವರು. ಸಾಮಾನ್ಯವಾಗಿ ಎಲ್ಲರ ಬಾಲ್ಯದಲ್ಲಿಯೂ ಶಾಲೆಯಲ್ಲಿ ಕಳೆದ ದಿನಗಳೇ ಹೆಚ್ಚು ಅನುಭವ ಕೊಟ್ಟರೆ, ನನಗೆ ಶಾಲೆಯಿಂದ ಮನೆಗೆ ಹೋಗುತ್ತಿದ್ದ ದಾರಿ ಕೊಟ್ಟ ಅನುಭವವೇ ಹೆಚ್ಚು.

ನಮ್ಮದು ಹಳ್ಳಿಗಾಡಿನಲ್ಲಿರುವ ಊರು. ಐದನೆಯ ತರಗತಿಯವರೆಗೆ ಓದಲು ಮನೆಯ ಹತ್ತಿರವೇ ಶಾಲೆ ಇತ್ತು. ಮತ್ತೆ ಕನಿಷ್ಠ ಮೂರು ಕಿ. ಮೀ. ಊರಿನ ಮೂಲೆಯಲ್ಲಿರುವ ಶಾಲೆಗೆ ನಡೆದುಕೊಂಡೇ ಸಾಗಬೇಕಿತ್ತು. ದಿನಕ್ಕೆ 6 ಬಾರಿ ಇದೇ ದಾರಿಯಲ್ಲಿ ಬಸ್ಸು ಓಡಾಡುತ್ತಿತ್ತು. ಆದರೆ, ಅದು ಕೂಡ ನಮ್ಮ ಅನುಕೂಲಕ್ಕೆ ತಕ್ಕಂತೆ ಇರಲಿಲ್ಲ. ಯಾರ ಬಳಿಯಾದರೂ ಡ್ರಾಪ್‌ ಕೇಳ್ಳೋಣವೆಂದರೂ ತಮ್ಮ ದಿನನಿತ್ಯದ ಕೆಲಸಗಳಿಗೆ ಅಥವಾ ಪೇಟೆಗೆ ಎಂದು ನಮಗೆ ಅಭಿಮುಖವಾಗಿ ಚಲಿಸುವ ವಾಹನಗಳ ಸಂಖ್ಯೆಯೇ ಜಾಸ್ತಿಯಾಗಿರುತ್ತಿತ್ತು. ಬೆಳಿಗ್ಗೆ ಶಾಲೆಗೆ ಹೋಗುವಾಗ ಹೆಚ್ಚಾಗಿ ಒಬ್ಬನೇ ಹೋಗಬೇಕಾಗುತ್ತಿತ್ತು. ಆದರೆ, ಬರುವಾಗ ಮಾತ್ರ ಒಂದಿಷ್ಟು ಮಂದಿ ಸ್ನೇಹಿತರೊಡಗೂಡಿಯೇ ಬರುತ್ತಿದ್ದೆವು.

ಹೆಚ್ಚು-ಕಡಿಮೆ ಈ ಸುತ್ತಮುತ್ತಲಿನ ಗುಡ್ಡಗಾಡಿನ ಸಂಪೂರ್ಣ ಪರಿಚಯವಿದ್ದ ನಮಗೆ ಯಾವ ಗುಡ್ಡದಲ್ಲಿ ಯಾವ ಗಿಡಮರಗಳಿವೆಯೆಂದೂ, ಯಾವ ಸೀಸನ್‌ನಲ್ಲಿ ಯಾವ ಹಣ್ಣುಗಳು ದೊರಕುತ್ತವೆಯೆಂದೂ ತಿಳಿದಿದ್ದೆವು. ಈ ನೈಸರ್ಗಿಕ ಸಂಪತ್ತಿನ ನೈಜ ಫ‌ಲಾನುಭವಿಗಳು ನಾವಾಗಿದ್ದೆವು ಎಂದರೆ ತಪ್ಪಾಗಲಾರದು. ಇದೇ ಕಾರಣದಿಂದಾಗಿ ಸಾಯಂಕಾಲ ಮನೆ ಸೇರುವ ಸಮಯ ಕೆಲವೊಮ್ಮೆ 7 ಗಂಟೆ ಆಗಿರುತ್ತಿತ್ತು. ಬೋಳುಗುಡ್ಡದ ಮೇಲೆ ಯಾವುದೇ ದಟ್ಟ ಮರಗಳ ಅಡೆತಡೆಗಳಿಲ್ಲದೇ ಇರುವುದರಿಂದ ಬೆಳಕು ಚೆನ್ನಾಗಿ ಹರಿದಿರುತ್ತಿತ್ತು. ಯಾರಿಗೇ ಕತ್ತಲಾದರೂ ನಾವು ಮಾತ್ರ ಮರಗಳಲ್ಲಿರುವ ನೆಲ್ಲಿಕಾಯನ್ನೋ, ಚೂರಿ ಹಣ್ಣನ್ನೋ ಅಥವಾ ಇನ್ನಾವುದೋ ಗಿಡದ ಫ‌ಸಲನ್ನು ತಿಂದು ಮಿಕ್ಕಿದ್ದನ್ನು ಬ್ಯಾಗಿಗೆ ತುರುಕಿಕೊಳ್ಳುವ ಭರದಲ್ಲಿ ಕತ್ತಲಿನ ಅರಿವಾಗುವುದು ರಸ್ತೆಗಿಳಿದ ಬಳಿಕವೇ!

ಒಮ್ಮೆಲೆ ಕತ್ತಲಾದ ಅನುಭವ. ರಸ್ತೆಯಲ್ಲಿ ಓಡಾಡುವ ವಾಹನಗಳ ಹೆಡ್‌ಲೈಟ್‌ ಆನ್‌ ಆಗಿರುತ್ತಿತ್ತು. ನಾವು ಮಾತ್ರ ಮನೆಯವರಿಂದ ಬರುವ ಬೈಗುಳವನ್ನು ಎದುರಿಸಲು ತಯಾರಿ ನಡೆಸುತ್ತ ಸಾಗುತ್ತಿದ್ದೆವು. ನನಗಂತೂ ಮೊದಲೇ ತಂದೆ ಎಂದರೆ ಭಯ. ತಡವಾದುದಕ್ಕೆ ಕಾರಣ ಕೇಳಿದಾಗ ನನ್ನಲ್ಲಿ ಯಾವುದೇ ಧನಾತ್ಮಕ ಕಾರಣಗಳಿಲ್ಲದೇ ಹೋದುದರಿಂದ ಸ್ವಲ್ಪ ಜಾಸ್ತಿಯೇ ಭಯದಿಂದ ಮನೆ ತಲುಪಿದೆ. ಮನೆಯ ಬಾಗಿಲ ಬಳಿಯೇ ನಿಂತು ನನ್ನ ಬರುವಿಕೆಗಾಗಿಯೇ ಅಪ್ಪ ಕಾಯುತ್ತಿದ್ದರು. ನಾನು ಅಂಗಳದ ತುದಿಯಲ್ಲೇ ನಿಂತೆ. ಅವರ ಕೋಪ ಕಣ್ಣಿನಲ್ಲೇ ಗೋಚರಿಸುತ್ತಿತ್ತು. ಅದಾಗ ತಾನೆ ಊರಿಗೆ ಮಕ್ಕಳ ಕಳ್ಳರು ಬಂದಿದ್ದಾರೆ ಎಂಬೆಲ್ಲ ಗಾಳಿಸುದ್ದಿಗಳು ಹರಿದಾಡುತ್ತಿದ್ದರಿಂದ ನಮ್ಮ ತಂದೆ ಸ್ವಲ್ಪ ಜಾಸ್ತಿಯೇ ಕುಪಿತರಾಗಿದ್ದರು. “”ಬೇರೆ ಮಕ್ಕಳು ಬೇಗ ಮನೆ ಸೇರಿದ್ದಾರೆ. ನಿನಗೇನು ಲೇಟು” ಎಂದು ಗದರಿ ನನಗೆ ಮನೆಯ ಒಳಗೆ ಪ್ರವೇಶವನ್ನೇ ನಿಕಾರಿಸಿ ಬಿಟ್ಟರು. ನಾನು ಯಾವುದಕ್ಕೂ ಪ್ರತಿಕ್ರಿಯೆ ನೀಡದೇ ಮೌನ ವ್ಯಕ್ತಪಡಿಸಿದೆ. ಅಮ್ಮನ ಬಳಿ ನನ್ನನ್ನು ಒಳಗೆ ಸೇರಿಸಬೇಡವೆಂದು ಹೇಳಿ ಯಾವುದೋ ಕೆಲಸಕ್ಕೆ ಹೊರಟರು. ಅವರ ದಿನಚರಿಯ ಪ್ರಕಾರ ಸಣ್ಣಪುಟ್ಟ ವೈರಿಂಗ್‌ ಕೆಲಸ ಎಂದು ಹೇಳಿ ಹೊರಟರೆ ಬರುವುದು ರಾತ್ರಿ 10 ಗಂಟೆ. ಅಷ್ಟರೊಳಗೆ ಅಮ್ಮನ ಮನವೊಲಿಸಿ ಒಳಗೆ ಬಂದು ಎಲ್ಲ ಚಟುವಟಿಕೆಗಳನ್ನು ಮುಗಿಸಿ ಮಲಗಿ ಬಿಡುವುದು ನನಗೆ ಕಷ್ಟವಾಗಲಿಲ್ಲ. ಇದೇ ರೀತಿಯ ಸನ್ನಿವೇಶ ಮತ್ತೆ ಮರುಕಳಿಸಿದ್ದುಂಟು.

ನಾವು ಶಾಲೆಯಲ್ಲಿ ಎಷ್ಟೇ ಮುಗ್ಧರೆನಿಸಿಕೊಂಡರೂ ದಾರಿಯಲ್ಲಿ ಮಾಡುತ್ತಿದ್ದ ಕಿಡಿಗೇಡಿ ಕೆಲಸಗಳಿಗೆ ಎತ್ತಿದ ಕೈ. ಶಾಲೆಗೆ ಹೋಗುವ ರಸ್ತೆಯ ಬದಿಯ ತೋಡಿನಂಚಿನಲ್ಲಿದ್ದ ಸುಮಾರು ಸೊಂಟದೆತ್ತರದ ಕಿ.ಮೀ. ಮೈಲಿಗಲ್ಲನ್ನು ತುಳಿದು ತುಳಿದು ಒಂದು ತಿಂಗಳ ಸತ‌ತ ಪ್ರಯತ್ನದಿಂದ ನೆಲಸಮ ಮಾಡಿದ್ದೆವು. ಇದರಿಂದ ಯಾವುದೋ ದೊಡ್ಡ ಸಾಹಸ ಮಾಡಿದ ತೃಪ್ತಿ ನಮ್ಮಲ್ಲಿತ್ತು ಬಿಟ್ಟರೆ ಮತ್ತಾವ ದುರುದ್ದೇಶಗಳಿರಲಿಲ್ಲ. 

ಮೊನ್ನೆ ತಾನೆ ವೋಟಿಗೆಂದು ವರ್ಷಗಳ ನಂತರ ಈ ದಾರಿಯಲ್ಲಿ ಶಾಲೆಗೆ ಹೋದಾಗ ಹಳೆ ನೆನಪುಗಳು ಮರುಕಳಿಸಿದವು. ಶಾಲೆಯ ಮಕ್ಕಳಿಂದ ಹಿಡಿದು ಶಿಕ್ಷಕರವರೆಗೂ ಬದಲಾಗಿದ್ದರು. ಅಂತೆಯೇ ಶಾಲೆಯ ವಾತಾವರಣ ಕೂಡ ಬದಲಾಗಿತ್ತು. ಶಾಲೆ ಬಿಟ್ಟು ಎಷ್ಟೋ ವರ್ಷಗಳ ಬಳಿಕ ಅನಿವಾರ್ಯಕ್ಕಾಗಿ ಭೇಟಿ ಕೊಟ್ಟು ನಾನು ಕೂಡ ಬದಲಾಗಿದ್ದು ಅರಿವಿಗೆ ಬಂತು!

ಮಧು ಎಂ.ಎಸ್‌.
ಅಂತಿಮ ಬಿ.ಕಾಂ. ಸರಕಾರಿ ಪ್ರಥಮ ದರ್ಜೆ ಕಾಲೇಜು, ಕಾಪು, ಉಡುಪಿ

ಟಾಪ್ ನ್ಯೂಸ್

Vijayapura; ಬಂಜಾರರನ್ನು ಅವಮಾನಿಸಿಲ್ಲ, ವೋಟ್ ಬೇಡ ಎಂದಿಲ್ಲ: ಜಿಗಜಿಣಗಿ

Vijayapura; ಬಂಜಾರರನ್ನು ಅವಮಾನಿಸಿಲ್ಲ, ವೋಟ್ ಬೇಡ ಎಂದಿಲ್ಲ: ಜಿಗಜಿಣಗಿ

Kalaburagi; ಶೋಕಿಗಾಗಿ ನಕಲಿ‌ ಪಿಸ್ತೂಲ್ ಹಿಡಿದ ಪೋಟೋ ವೈರಲ್: ಪ್ರಕರಣ ದಾಖಲು

Kalaburagi; ಶೋಕಿಗಾಗಿ ನಕಲಿ‌ ಪಿಸ್ತೂಲ್ ಹಿಡಿದ ಪೋಟೋ ವೈರಲ್: ಪ್ರಕರಣ ದಾಖಲು

Noida; ಪ್ರೇಯಸಿಯನ್ನು ಕೊಂದು ಆತ್ಮಹತ್ಯೆಗೆ ಯತ್ನಿಸಿದ ಪ್ರಿಯಕರ!

Noida; ಪ್ರೇಯಸಿಯನ್ನು ಕೊಂದು ಆತ್ಮಹತ್ಯೆಗೆ ಯತ್ನಿಸಿದ ಪ್ರಿಯಕರ!

RBI: ಏಪ್ರಿಲ್ 1 ರಂದು 2,000 ರೂ ಆರ್ ಬಿಐನಲ್ಲಿ ನೋಟುಗಳ ವಿನಿಮಯ/ಠೇವಣಿ ಸಾಧ್ಯವಿಲ್ಲ

RBI: ಏಪ್ರಿಲ್ 1 ರಂದು 2,000 ರೂ ಆರ್ ಬಿಐನಲ್ಲಿ ನೋಟುಗಳ ವಿನಿಮಯ/ಠೇವಣಿ ಸಾಧ್ಯವಿಲ್ಲ

11-

Inspiration: ಸ್ವಾಮಿ ಸ್ಮರಣಾನಂದ ಸೇವೆ ಎಲ್ಲರಿಗೂ ಸ್ಫೂರ್ತಿದಾಯಕ

ಸ್ಟಾರ್‌ ಸಿನ್ಮಾಗಳ ರಿಲೀಸ್‌ ಟೆನ್ಶನ್‌: ಬಿಡುಗಡೆ ದಿನಾಂಕ ಘೋಷಣೆಗೂ ಮೀನಮೇಷ

Sandalwood: ಸ್ಟಾರ್‌ ಸಿನ್ಮಾಗಳ ರಿಲೀಸ್‌ ಟೆನ್ಶನ್‌: ಬಿಡುಗಡೆ ದಿನಾಂಕ ಘೋಷಣೆಗೂ ಮೀನಮೇಷ

Ballari: ಏ.12ರಂದು ಕೈ ಅಭ್ಯರ್ಥಿ ಈ.ತುಕಾರಾಂ ನಾಮಪತ್ರ ಸಲ್ಲಿಕೆ

Ballari: ಏ.12ರಂದು ಕೈ ಅಭ್ಯರ್ಥಿ ಈ.ತುಕಾರಾಂ ನಾಮಪತ್ರ ಸಲ್ಲಿಕೆ


ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು

tdy-19

Great Indian Hornbill:‌ ನಿಸರ್ಗದ ನಡುವೆ ಬಣ್ಣದ ಚಿತ್ತಾರ

ಇಂಗ್ಲಿಷ್‌ ಪದಕತೆ: ಅಧ್ಯಯನ

ಇಂಗ್ಲಿಷ್‌ ಪದಕತೆ: ಅಧ್ಯಯನ

bags

ಕರೋಲ್‌ಬಾಗ್‌ನ ಚೌಕಾಸಿ ಲೋಕ

ಬಾಲ್ಯವೇ ಮರಳಿ ಬಾ

ಬಾಲ್ಯವೇ ಮರಳಿ ಬಾ

Chukubuku-train

ಚುಕುಬುಕು ಟ್ರೇನ್‌ ಏರಿದಾಗ…

MUST WATCH

udayavani youtube

ಟೌನಶಿಪ್’ನ ಬಾಡಿಗೆ ಮನೆಯೊಂದರಲ್ಲಿ ಕಳ್ಳತನ ರೂ: 47 ಸಾವಿರ ಕಳವು

udayavani youtube

ವಿಶ್ವ ಗುಬ್ಬಚ್ಚಿಗಳ ದಿನ | ಈ ಮನೆ ನೂರಾರು ಗುಬ್ಬಚ್ಚಿಗಳ ತವರು

udayavani youtube

ಬಡವರ ಸೇವೆಯೇ ಶ್ರೀರಾಮ ದೇವರ ಸೇವೆ : ಪೇಜಾವರಶ್ರೀ

udayavani youtube

ಕೆಂಪು ಹರಿವೆ ಸೊಪ್ಪು ಬೆಳೆಯುವ ಸೂಕ್ತ ವಿಧಾನ

udayavani youtube

ರಾಜಕೀಯದತ್ತ ಒಲವು ತೋರಿದ್ರಾ ಚಕ್ರವರ್ತಿ ಸೂಲಿಬೆಲೆ ?

ಹೊಸ ಸೇರ್ಪಡೆ

14-

Chandigarh: ಪುತ್ರನ ಬೆನ್ನಲ್ಲೇ ಪುತ್ರಿ ಜತೆಗೆ ಸಾವಿತ್ರಿ ಜಿಂದಾಲ್‌ ಬಿಜೆಪಿಗೆ

Vijayapura; ಬಂಜಾರರನ್ನು ಅವಮಾನಿಸಿಲ್ಲ, ವೋಟ್ ಬೇಡ ಎಂದಿಲ್ಲ: ಜಿಗಜಿಣಗಿ

Vijayapura; ಬಂಜಾರರನ್ನು ಅವಮಾನಿಸಿಲ್ಲ, ವೋಟ್ ಬೇಡ ಎಂದಿಲ್ಲ: ಜಿಗಜಿಣಗಿ

Kalaburagi; ಶೋಕಿಗಾಗಿ ನಕಲಿ‌ ಪಿಸ್ತೂಲ್ ಹಿಡಿದ ಪೋಟೋ ವೈರಲ್: ಪ್ರಕರಣ ದಾಖಲು

Kalaburagi; ಶೋಕಿಗಾಗಿ ನಕಲಿ‌ ಪಿಸ್ತೂಲ್ ಹಿಡಿದ ಪೋಟೋ ವೈರಲ್: ಪ್ರಕರಣ ದಾಖಲು

13-good-friday

ಶುಭ ಶುಕ್ರವಾರ: ಸಾಮಾಜಿಕ ನ್ಯಾಯದ ಪ್ರತೀಕ ಯೇಸು ಕ್ರಿಸ್ತ

Noida; ಪ್ರೇಯಸಿಯನ್ನು ಕೊಂದು ಆತ್ಮಹತ್ಯೆಗೆ ಯತ್ನಿಸಿದ ಪ್ರಿಯಕರ!

Noida; ಪ್ರೇಯಸಿಯನ್ನು ಕೊಂದು ಆತ್ಮಹತ್ಯೆಗೆ ಯತ್ನಿಸಿದ ಪ್ರಿಯಕರ!

Thanks for visiting Udayavani

You seem to have an Ad Blocker on.
To continue reading, please turn it off or whitelist Udayavani.