ರಾಹುಲ್ ವಿರುದ್ಧ ಬಿಜೆಪಿ ಕೇಸ್
Team Udayavani, Mar 25, 2019, 11:03 AM IST
ಅಗರ್ತಲಾ: ಬಿಜೆಪಿ ರಾಷ್ಟ್ರಾಧ್ಯಕ್ಷ ಅಮಿತ್ ಶಾರನ್ನು “ಕೊಲೆ ಆರೋಪಿ’ ಎಂದು ಕರೆದಿದ್ದಾರೆ ಎಂದು ಆರೋಪಿಸಿ ಕಾಂಗ್ರೆಸ್ ಅಧ್ಯಕ್ಷ ರಾಹುಲ್ ಗಾಂಧಿ ವಿರುದ್ಧ ತ್ರಿಪುರದ ಮುಖ್ಯ ಚುನಾವಣಾ ಅಧಿಕಾರಿಗೆ ಬಿಜೆಪಿ ನಾಯಕರೊಬ್ಬರು ದೂರು ನೀಡಿದ್ದಾರೆ.
ಕಮುಲ್ವಂಗ್ನಲ್ಲಿ ಮಾ.20ರಂದು ನಡೆದ ರ್ಯಾಲಿಯಲ್ಲಿ ರಾಹುಲ್, ಅಮಿತ್ ಶಾರನ್ನು ಕೊಲೆ ಆರೋಪಿ ಎಂದು ಕರೆದದ್ದು ಚುನಾವಣೆ ನೀತಿ ಸಂಹಿತೆಯ ಉಲ್ಲಂಘನೆಯಾಗುತ್ತದೆ. ಅಲ್ಲದೆ, ಶಾ ವಿರುದ್ಧದ ಕೇಸ್ ಅನ್ನು ಸುಪ್ರೀಂ ಕೋರ್ಟ್ ಕೈಬಿಟ್ಟಿರುವಾಗ ಈ ರೀತಿ ಹೇಳಿಕೆ ನೀಡಿರುವುದು ಖಂಡನೀಯ ಎಂದು ದೂರಿನಲ್ಲಿ ಆರೋಪಿಸಲಾಗಿದೆ.