ನಷ್ಟದಿಂದ ಹೊರಬಂದ ಬ್ಯಾಂಕ್‌ ಆಫ್‌ ಇಂಡಿಯಾ

Team Udayavani, May 18, 2019, 12:40 PM IST

ಮುಂಬಯಿ: ಸಾರ್ವಜನಿಕ ಕ್ಷೇತ್ರದ ಬ್ಯಾಂಕ್‌ ಆಫ್‌ ಇಂಡಿಯಾ (ಬಿಒಐ) ನಷ್ಟದಿಂದ ಹೊರಬಂದು ಮತ್ತೆ ಲಾಭದ ಎಡೆಗೆ ಸಾಗುತ್ತಿದೆ.

2019ರ ಮಾರ್ಚ್‌ 31ರಂದು ಸಂಪನ್ನಗೊಂಡ 4ನೇ ತ್ತೈಮಾಸಿಕದ ವೇಳೆ ಬ್ಯಾಂಕ್‌ 252 ಕೋಟಿ ರೂ.ಗಳ ನಿವ್ವಳ ಲಾಭವನ್ನು ಗಳಿಸಿದೆ. ಒಂದು ವರ್ಷ ಹಿಂದೆ ಇದೇ ತ್ತೈಮಾಸಿಕದಲ್ಲಿ ಬ್ಯಾಂಕ್‌ 3,969 ಕೋಟಿ ರೂ.ಗಳ ನಿವ್ವಳ ನಷ್ಟವನ್ನು ಅನುಭವಿಸಿತ್ತು. ಎನ್‌ಪಿಎಯಲ್ಲಿ ಇಳಿಕೆಯೊಂದಿಗೆ ಅದಕ್ಕೆ ಬದಲಿಗೆ ಮಾಡಲಾಗುವ ನಿಬಂಧನೆಗಳು ಕೂಡ ಕಡಿಮೆಯಾಗಿವೆ.

ಬುಧವಾರ ಬ್ಯಾಂಕ್‌ ಆಫ್‌ ಇಂಡಿಯಾ ಇದರ ಆಡಳಿತ ನಿರ್ದೇಶಕ ಮತ್ತು ಸಿಇಒ ದೀನಬಂಧು ಮೋಹಪಾತ್ರ ಅವರು ವಾರ್ಷಿಕ ಫಲಿತಾಂಶವನ್ನು ಮಂಡಿಸಿದರು. ಬ್ಯಾಂಕ್‌ನ ನಿರ್ದೇಶಕರ ಮಂಡಳಿಯು ಅದನ್ನು ಸರ್ವಾನುಮತದಿಂದ ಅಂಗೀಕರಿಸಿತು. ಬ್ಯಾಂಕ್‌ನ ಜಾಗತಿಕ ವ್ಯವಹಾರವು 2018ರ ಮಾ.31ರ ಅವಧಿಯಲ್ಲಿ 8,96,850 ಕೋಟಿ ರೂ.ಗಳ ತುಲನೆಯಲ್ಲಿ ಶೇ.0.77ರಷ್ಟು ವೃದ್ಧಿಯೊಂದಿಗೆ 2019ರ ಮಾ.31ರ ವೇಳೆಗೆ 9,03,722 ಕೋಟಿ ರೂ.ಗಳಿಗೆ ತಲುಪಿದೆ. ದೇಶೀಯ ವ್ಯವಹಾರವು 2018ರ ತುಲನೆಯಲ್ಲಿ 2019ರ ಮಾ.31ರ ವೇಳೆಗೆ ಶೇ. 4.93ರಷ್ಟು ವೃದ್ಧಿಗೆ ಸಾಕ್ಷಿಯಾಗಿದೆ.

4ನೇ ತ್ತೈಮಾಸಿಕದಲ್ಲಿ ಬ್ಯಾಂಕ್‌ನ ಒಟ್ಟು ಆದಾಯವು 2018ರ ಮಾರ್ಚ್‌ 31ರ 9,597 ಕೋಟಿ ರೂ.ಗಳ ತುಲನೆಯಲ್ಲಿ 12,417 ಕೋಟಿ ರೂ.ಗಳಿಗೆ ಏರಿಕೆಯಾಗಿದೆ. ಆದಾಗ್ಯೂ, ಇಡೀ ವಿತ್ತ ವರ್ಷ 2018-19ರಲ್ಲಿ ಬ್ಯಾಂಕ್‌ಗೆ 5,547 ಕೋಟಿ ರೂ.ಗಳ ನಿವ್ವಳ ನಷ್ಟವಾಗಿದೆ. ಅದೇ, 2018-19ರ ಆರ್ಥಿಕ ವರ್ಷದಲ್ಲಿ ಬ್ಯಾಂಕ್‌ನ ಒಟ್ಟು ಆದಾಯ 43,805 ಕೋಟಿ ರೂ.ಗಳಿಂದ 45,900 ಕೋಟಿ ರೂ.ಗಳಿಗೆ ಏರಿಕೆ ಆಗಿದೆ.

Disclaimer:The views expressed in comments section published on Udayavani.com are those of comment writers alone. They do not represent the views or opinions of Udayavani.com, its staff or The Manipal Group, or any entity associated with The Manipal Group. Udayavani.com reserves rights to remove a comment or all the comments any time.

To report any comment you can email us at udayavani.response@manipalgroup.info. We will review the request and delete the comments.


ಈ ವಿಭಾಗದಿಂದ ಇನ್ನಷ್ಟು

ಹೊಸ ಸೇರ್ಪಡೆ