90,000 ಕೋಟಿ ರೂ. ದುರುಪಯೋಗದ ಆರೋಪ: ಸುಪ್ರೀಂಗೆ ಇಂಡಿಯಾ ಬುಲ್ಸ್‌

Team Udayavani, Jun 12, 2019, 11:41 AM IST

ಹೊಸದಿಲ್ಲಿ : ತಾನು 98,000 ಕೋಟಿ ರೂ. ಸಾರ್ವಜನಿಕ ಹಣವನ್ನು ದುರುಪಯೋಗಿಸಿದ್ದೇನೆ ಎಂಬ ಸುಳ್ಳು ಆರೋಪ ಕುರಿತ ಪ್ರಕರಣದ ವಿಚಾರಣೆಯನ್ನು ತುರ್ತಾಗಿ ಕೈಗೆತ್ತಿಕೊಳ್ಳಬೇಕೆಂದು ಕೋರಿ ಇಂಡಿಯಾಬುಲ್ಸ್‌ ಹೌಸಿಂಗ್‌ ಫಿನಾನ್ಸ್‌ ಲಿಮಿಟೆಡ್‌ (ಐಎಚ್‌ಎಫ್ಎಲ್‌) ಇಂದು ಬುಧವಾರ ಸುಪ್ರೀಂ ಕೋರ್ಟಿಗೆ ಮನವಿ ಮಾಡಿಕೊಂಡಿದೆ.

ಕಂಪೆನಿಯ ಪರವಾಗಿ ಕೋರ್ಟಿಗೆ ಹಾಜರಾದ ಹಿರಿಯ ನ್ಯಾಯವಾದಿ ಎ ಎಂ ಸಿಂಗ್ವಿ ಅವರು ಕಂಪೆನಿಯ ಮನವಿಯನ್ನು ತುರ್ತು ವಿಚಾರಣೆಯ ಪಟ್ಟಿಗೆ ಸೇರಿಸುವಂತೆ ಜಸ್ಟಿಸ್‌ ಇಂದಿರಾ ಬ್ಯಾನರ್ಜಿ ಮತ್ತು ಜಸ್ಟಿಸ್‌ ಅಜಯ್‌ ರಸ್ತೋಗಿ ಅವರನ್ನು ಒಳಗೊಂಡ ರಜಾಕಾಲದ ಪೀಠವನ್ನು ಕೋರಿದರು.

98,000 ಕೋಟಿ ರೂ. ಸಾರ್ವಜನಿಕ ಹಣವನ್ನು ಕಂಪೆನಿಯು ದುರುಪಯೋಗಿಸಿದೆ ಎಂಬ ಸುಳ್ಳು ಆರೋಪ ಹೊರಿಸಲಾಗಿದ್ದು ಆ ಕುರಿತು ಕೋರ್ಟಿಗೆ ಸಲ್ಲಿಸಲಾಗಿರುವ ಮೇಲ್ಮನವಿಯ ಮಾಹಿತಿಯು ಮಾಧ್ಯಮಕ್ಕೆ ಸೋರಿ ಹೋಗಿದೆ ಎಂದು ಹೇಳಿದರು.