ಕ್ರೆಟಾ, ಕಿಕ್‌ಗೆ ಸೆಡ್ಡು : ಕಿಯಾದಿಂದ ಸುಧಾರಿತ ಸೆಲ್ಟೋಸ್‌

Team Udayavani, Jun 2, 2020, 11:27 AM IST

ಸಾಂದರ್ಭಿಕ ಚಿತ್ರ

ಮುಂಬೈ: ಹ್ಯುಂಡೈನ ಕ್ರೆಟಾ, ನಿಸಾನ್‌ ಕಂಪನಿಯ ನಿಸಾನ್‌ ಕಿಕ್ಸ್‌ ಕಾರುಗಳಿಗೆ ಸೆಡ್ಡು ಹೊಡೆದು, ಕೊರಿಯಾದ ಕಾರು ನಿರ್ಮಾಣದ ಸಂಸ್ಥೆ ಕಿಯಾ ಸುಧಾರಿತ ಸೆಲ್ಟೋಸ್‌ ಎಸ್‌ಯುವಿ ಬಿಡುಗಡೆ ಮಾಡಿದೆ. ಇದರಲ್ಲಿ 10 ಹೊಸ ವಿಶೇಷಗಳಿವೆ. ಗಮನಾರ್ಹ ಸಂಗತಿಯೆಂದರೆ 2019ರಲ್ಲಿ ಕಿಯಾ ಭಾರತದ ಮಾರುಕಟ್ಟೆ ಪ್ರವೇಶಿಸಿದಾಗ, ಅದು ಬಿಡುಗಡೆ ಮಾಡಿದ ಮೊದಲ ಕಾರೇ ಸೆಲ್ಟೋಸ್‌. ಈ ಸುಧಾರಿತ ಕಾರಿನಲ್ಲಿ, ದೂರದಿಂದಲೇ ಕಾರನ್ನು ಸ್ಟಾರ್ಟ್‌ ಮಾಡುವ ಕೀಯಿದೆ! ಜೊತೆಗೆ ದಿಢೀರನೆ ಬ್ರೇಕ್‌ ಹಾಕಿದಾಗ ಅಪಾಯದ ಎಚ್ಚರಿಕೆಯನ್ನೂ ನೀಡುತ್ತದೆ. 55 ಕಿ.ಮೀ.ಗಿಂತ ಹೆಚ್ಚಿನ ವೇಗದಲ್ಲಿದ್ದಾಗ ದಿಢೀರನೆ ಬ್ರೇಕ್‌ ಹಾಕಿದರೆ, ಹಿಂಭಾಗದ ತುರ್ತು ಲೈಟ್‌ಗಳು ತಕ್ಷಣ ಹತ್ತಿಕೊಳ್ಳುತ್ತವೆ. ಈ ಕಾರಿನ ಬೆಲೆ 9.89 ಲಕ್ಷ ರೂ.ನಿಂದ ಆರಂಭವಾಗಿ, 17.34 ಲಕ್ಷ ರೂ.ವರೆಗಿದೆ.