ಕಿಕ್ ಕೊಡಲಿದೆ ಹಣ್ಣುಗಳ ಮದ್ಯ
ಟಿಆರ್ಐಎಫ್ಇಡಿ, ಐಐಟಿ ದಿಲ್ಲಿಯ ಜಂಟಿ ಸಂಶೋಧನೆ
Team Udayavani, Mar 11, 2020, 7:52 PM IST
ಹೊಸದಿಲ್ಲಿ: ಕೇಂದ್ರ ಸರಕಾರ ವತಿಯಿಂದಲೇ ಹಣ್ಣುಗಳ ರಸದಿಂದ ಸಿದ್ಧಪಡಿಸಲಾಗಿರುವ ಮದ್ಯ ಮುಂದಿನ ತಿಂಗಳಿಂದ ಮಾರುಕಟ್ಟೆಗೆ ಬರಲಿದೆ. ಆರು ಹಣ್ಣುಗಳ ರಸದಿಂದ ಅದನ್ನು ಸಿದ್ಧಪಡಿಸಲಾಗುತ್ತದೆ. 750 ಎಂ.ಎಲ್. ಬಾಟಲ್ಗೆ 700 ರೂ. ದರ ನಿಗದಿಪಡಿಸಲಾಗಿದೆ ಎಂದು ‘ದ ಇಂಡಿಯನ್ ಎಕ್ಸ್ಪ್ರೆಸ್’ ವರದಿ ಮಾಡಿದೆ.
ಅದರಲ್ಲಿ ಪೌಷ್ಟಿಕತೆಯ ಅಂಶ ಹೆಚ್ಚು ಇರಲಿದೆ. ಮದ್ಯ ಎಂದು ಹೇಳಿಕೊಳ್ಳಲಾಗಿದ್ದರೂ, ಅದರ ಅಂಶ ಶೇ.5ರಷ್ಟು ಇರಲಿದೆ. ಭಾರತದ ಬುಡಕಟ್ಟು ಜನಾಂಗದ ಮಾರುಕಟ್ಟೆ ಅಭಿವೃದ್ಧಿ ಮಂಡಳಿ (ಟಿಆರ್ಐಎಫ್ಇಡಿ) ಮತ್ತು ಹೊಸದಿಲ್ಲಿಯಲ್ಲಿರುವ ಇಂಡಿಯನ್ ಇನ್ಸ್ಟಿಟ್ಯೂಟ್ ಆಫ್ ಟೆಕ್ನಾಲಜಿ ಸತತ ಎರಡು ವರ್ಷಗಳ ಕಾಲ ಸಂಶೋಧನೆ ನಡೆಸಿ ಈ ಉತ್ಪನ್ನವನ್ನು ಅಭಿವೃದ್ಧಿಪಡಿಸಿವೆ ಎಂದು ಟಿಆರ್ಐಎಫ್ಇಡಿ ವ್ಯವಸ್ಥಾಪಕ ನಿರ್ದೇಶಕ ಪ್ರವೀರ್ ಕೃಷ್ಣ ತಿಳಿಸಿದ್ದಾರೆ.
ಸದ್ಯ ಅಬಕಾರಿ ಇಲಾಖೆಯಿಂದ ಅದನ್ನು ಮಾರುವ ಬಗ್ಗೆ ಪರವಾನಗಿ ನಿರೀಕ್ಷೆ ಮಾಡುತ್ತಿದ್ದೇವೆ. ಬಳಿಕ ಟಿಆರ್ಐಎಫ್ಇಡಿ ಹೊಸದಿಲ್ಲಿಯಲ್ಲಿ ಹೊಂದಿರುವ ಐದು ಮಳಿಗೆಗಳಲ್ಲಿ ಅದು ಸಿಗಲಿದೆ. ದೇಶಾದ್ಯಂತ ಅದನ್ನು ಮಾರುಕಟ್ಟೆಗೆ ಬಿಡುಗಡೆ ಮಾಡಬೇಕಿದ್ದರೂ, ಆಯಾ ರಾಜ್ಯಗಳಿಂದ ಅದಕ್ಕೆ ಪರವಾನಗಿ ಬೇಕಾಗುತ್ತದೆ ಎಂದಿದ್ದಾರೆ ಕೃಷ್ಣ.
ಮಂಡಳಿ ರಾಷ್ಟ್ರೀಯ ಸಂಶೋಧನ ಅಭಿವೃದ್ಧಿ ಮಂಡಳಿ (ಎನ್ಆರ್ಡಿಸಿ) ಜತೆಗೆ ಕೂಡ ಒಪ್ಪಂದಕ್ಕೆ ಸಹಿ ಹಾಕಿದ್ದು, ಮದ್ಯವನ್ನು ಅಭಿವೃದ್ಧಿಪಡಿಸುವ ತಂತ್ರಜ್ಞಾನ ಮತ್ತು ಮಾರುಕಟ್ಟೆಗೆ ಬಿಡುಗಡೆ ಮಾಡುವ ಬಗ್ಗೆ ಮುಂದಿನ ದಿನಗಳಲ್ಲಿ ಅದು ನೆರವು ನೀಡಲಿದೆ. ಪ್ರಧಾನಿ ಮೋದಿ ಇತ್ತೀಚೆಗೆ ಉದ್ಘಾಟಿಸಿದ ವನ್ಧನ್ ವಿಕಾಸ್ ಕಾರ್ಯಕ್ರಮದ ಅನ್ವಯ ಈ ಉತ್ಪನ್ನ ಬಿಡುಗಡೆಯಾಗುತ್ತಿದೆ.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
Gold Rate; ಚಿನ್ನದ ಬೆಲೆ ಒಂದೇ ದಿನ 1,530 ರೂ. ಇಳಿಕೆ: ಗ್ರಾಹಕರಿಗೆ ನಿರಾಳ
Share Market: ಬಾಂಬೆ ಷೇರುಪೇಟೆ ಸಂವೇದಿ ಸೂಚ್ಯಂಕ 500ಕ್ಕೂ ಅಧಿಕ ಅಂಕ ಜಿಗಿತ
T20 ವಿಶ್ವಕಪ್ ನಲ್ಲಿ ಸ್ಕಾಟ್ಲೆಂಡ್- ಐರ್ಲೆಂಡ್ ಕ್ರಿಕೆಟ್ ತಂಡಗಳಿಗೆ ನಂದಿನಿ ಪ್ರಾಯೋಜಕತ್ವ
ಸೆನ್ಸೆಕ್ಸ್ 599 ಅಂಕ ಏರಿಕೆ; 4 ದಿನದ ಕುಸಿತಕ್ಕೆ ಬ್ರೇಕ್
Infosys; ಮೂರ್ತಿ ಮೊಮ್ಮಗನಿಗೆ ಸಿಕ್ತು 4.2 ಕೋಟಿ ಡಿವಿಡೆಂಡ್