9ನೇ ದಿನ ತೈಲ ಬೆಲೆಯೇರಿಕೆ ; ಒಟ್ಟಾರೆ ಪೆಟ್ರೋಲ್, ಡೀಸೆಲ್ ತಲಾ 5 ರೂ. ಏರಿಕೆ
Team Udayavani, Jun 16, 2020, 6:00 AM IST
ಸಾಂದರ್ಭಿಕ ಚಿತ್ರವನ್ನು ಬಳಸಲಾಗಿದೆ – Representative Image Used
ಹೊಸದಿಲ್ಲಿ: ತೈಲ ಬೆಲೆಯೇರಿಕೆಯ ನಾಗಾಲೋಟಕ್ಕೆ ತಡೆಯೇ ಇಲ್ಲವಾಗಿದೆ.
ಲಾಕ್ಡೌನ್ ಕಾರಣ ಸತತ 82 ದಿನಗಳ ಕಾಲ, ದೈನಂದಿನ ಬೆಲೆ ಪರಿಷ್ಕರಣೆಯನ್ನು ಸರಕಾರಿ ತೈಲ ಕಂಪೆನಿಗಳು ನಿಲ್ಲಿಸಿದ್ದವು.
ಮೊನ್ನೆ ಜೂ.7ರಿಂದ ಈ ಪ್ರಕ್ರಿಯೆ ಶುರು ಮಾಡಿದ ಅನಂತರ ದಿನದಿಂದ ದಿನಕ್ಕೆ ಬೆಲೆ ಏರುತ್ತಲೇ ಇದೆ.
ಇದೀಗ ಸತತ 9ನೇ ದಿನ ಏರಿಕೆ ಮುಂದುವರಿದಿದೆ. ಪೆಟ್ರೋಲ್ ಬೆಲೆ ದಿಲ್ಲಿಯಲ್ಲಿ ಲೀ.ಗೆ 48, ಡೀಸೆಲ್ ಲೀ.ಗೆ 59 ಪೈಸೆ ಹೆಚ್ಚಳವಾಗಿದೆ.
ಇದರ ಪರಿಣಾಮ ಬೆಂಗಳೂರಿನಲ್ಲಿ ಸೋಮವಾರ ಪೆಟ್ರೋಲ್ ಬೆಲೆ ಲೀ.ಗೆ 78.73 ರೂ.ಗೇರಿದೆ. ಇನ್ನು ಡೀಸೆಲ್ ಬೆಲೆ 70.95 ರೂ.ಗೆ ಮುಟ್ಟಿದೆ.
ಅಲ್ಲಿಗೆ ಎರಡೂ ತೈಲಗಳ ಬೆಲೆಯಲ್ಲಿ 5 ರೂ. ಹೆಚ್ಚಳವಾಗಿದೆ. ಬಹುಶಃ ಇಲ್ಲಿಗೆ ಬೆಲೆಯೇರಿಕೆ ನಿಲ್ಲಬಹುದೆಂದು ಅಂದಾಜಿಸಲಾಗಿದೆ.
ಲಾಕ್ಡೌನ್ ಬಿಗಿಯನ್ನು ಕೇಂದ್ರ ಸರಕಾರ ಸಡಿಲಗೊಳಿಸಿದಾಗಲೇ ಈ ರೀತಿಯ ಏರಿಕೆಯೊಂದರ ಸುಳಿವು ಸಿಕ್ಕಿತ್ತು. ವಾಹನಗಳು ಮತ್ತೆ ರಸ್ತೆಗಳಿಯುತ್ತಿದ್ದಂತೆಯೇ 5 ರೂ.ವರೆಗೆ ಹಂತ ಹಂತವಾಗಿ ಬೆಲೆ ಏರಿಸಬಹುದೆಂದು ಹೇಳಲಾಗಿತ್ತು. ಅದೀಗ ಸತ್ಯವಾಗಿದೆ!
ಸೌದಿ ಅರಾಮ್ಕೊದಿಂದ ಏಷ್ಯಾದ 5 ಕಂಪನಿಗಳಿಗೆ ರಫ್ತುಕಡಿತ
ವಿಶ್ವದಲ್ಲೇ ಬೃಹತ್ ಪ್ರಮಾಣದಲ್ಲಿ ತೈಲ ರಫ್ತು ಮಾಡುವ ಸೌದಿ ಅರಾಮ್ಕೊ ಕಂಪೆನಿ, ಜುಲೈನಲ್ಲಿ ಏಷ್ಯಾದ 5 ಕಂಪೆನಿಗಳಿಗೆ ಕಚ್ಚಾ ತೈಲ ಪೂರೈಕೆಯನ್ನು ಕಡಿಮೆ ಮಾಡಲಿದೆ ಎನ್ನಲಾಗಿದೆ.
ಚೀನದಂತಹ ರಾಷ್ಟ್ರಗಳ ಸಂಸ್ಕರಣಾ ಕೇಂದ್ರಗಳಲ್ಲಿ ಕಾಣಿಸುವ, ಮಧ್ಯಮ ಮತ್ತು ಉನ್ನತ ಹಂತದ ಕಚ್ಚಾ ತೈಲದ ಪೂರೈಕೆ ಕಡಿಮೆಯಾಗಲಿದೆ.
ಅದರಲ್ಲೂ ನಾಲ್ಕು ಕಂಪೆನಿಗಳಿಗೆ ಸ್ವಲ್ಪ ಮಾತ್ರ ಕಡಿತವಾಗಲಿದೆ. ತೈಲಪೂರೈಕೆ ರಾಷ್ಟ್ರಗಳ ನಡುವೆ ನಡೆದ ಮಾತುಕತೆಯ ನಂತರ ಇಂತಹ ನಿರ್ಧಾರ ಮಾಡಲಾಗಿದೆ. ಜುಲೈನಲ್ಲಿ ಕಚ್ಚಾತೈಲದ ಬೆಲೆಯೂ ಏರುವ ಸಾಧ್ಯತೆಯಿದೆ.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
MUST WATCH
ಹೊಸ ಸೇರ್ಪಡೆ
Kalaburagi; ಭಾರೀ ಮಳೆ: ಆಳಂದದಲ್ಲಿ ಸಿಡಿಲು ಬಡಿದು ಬಾಲಕ ಸಾವು
Udupi: ನಿಟ್ಟೂರಿನಲ್ಲಿ ಬಸ್ ಢಿಕ್ಕಿಯಾಗಿ ಬೈಕ್ ಸವಾರ ದಾರುಣ ಸಾವು
Congress ಟ್ಯಾಕ್ಸ್ ಸಿಟಿಯನ್ನು ಟ್ಯಾಂಕರ್ ಸಿಟಿ ಮಾಡಿದೆ: ಬೆಂಗಳೂರಿನಲ್ಲಿ ಮೋದಿ
Kollywood: 18 ವರ್ಷದ ಬಳಿಕ ಪತಿ ಸೂರ್ಯ ಜೊತೆ ನಟಿಸಲಿದ್ದಾರೆ ಜ್ಯೋತಿಕಾ
ಸರ್ವರಿಗೂ ಸಮಪಾಲು ಸಮಬಾಳು ನೀಡಿದ ಕಾಂಗ್ರೆಸ್ ಪಕ್ಷಕ್ಕೆ ಮತ ನೀಡಿ: ಗೀತಾ ಶಿವರಾಜ್ ಕುಮಾರ್