ಆರ್ಬಿಐ ಬಡ್ಡಿ ದರ ಏರಿಕೆ: ರಿಪೋ ಶೇ.6.25, ರಿವರ್ಸ್ ರಿಪೋ ಶೇ.6
Team Udayavani, Jun 6, 2018, 3:47 PM IST
ಹೊಸದಿಲ್ಲಿ : ಕಳೆದ ನಾಲ್ಕು ವರ್ಷಗಳಲ್ಲೇ ಮೊದಲ ಬಾರಿಗೆ ಭಾರತೀಯ ರಿಸರ್ವ್ ಬ್ಯಾಂಕ್ ಇಂದು ಬುಧವಾರ ತನ್ನ ಮುಖ್ಯ ಬಡ್ಡಿ ದರಗಳನ್ನು ಏರಿಸಿದೆ. ಪರಿಣಾಮವಾಗಿ ಪಡೆದುಕೊಳ್ಳುವ ಸಾಲಗಳು ತುಟ್ಟಿಯಾಗಲಿವೆ; ಜತೆಗೆ ಸಾಲದ ಕಂತಿನ ಮೊತ್ತವೂ ಹೆಚ್ಚಲಿದೆ.
ಆರ್ಬಿಐ ರಿಪೋ ದರವನ್ನು ಶೇ.0.25ರಷ್ಟು ಏರಿಸಿ ಶೇ.6.25ಕ್ಕೆ ನಿಗದಿಸಿದೆ; ಹಾಗೆಯೇ ರಿವರ್ಸ್ ರಿಪೋ ದರವನ್ನು ಶೇ.0.25ರಷ್ಟು ಏರಿಸಿ ಶೇ.6ಕ್ಕೆ ನಿಗದಿಸಿದೆ. 2014ರ ಜನವರಿಯ ಬಳಿಕದಲ್ಲಿ ಆರ್ಬಿಐ ನಿಂದ ನಡೆದಿರುವ ಮೊದಲ ಬಡ್ಡಿ ದರ ಏರಿಕೆಯ ಕ್ರಮ ಇದಾಗಿದೆ.
ಆರ್ಬಿಐ ನ ಹಣಕಾಸು ನೀತಿ ರೂಪಣೆ ಸಮಿತಿಯ ಎಲ್ಲ ಆರು ಸದಸ್ಯರು ಪ್ರಮುಖ ಬಡ್ಡಿ ದರಗಳನ್ನು ಏರಿಸುವ ಸರ್ವಾನುಮತದ ನಿರ್ಧಾರವನ್ನು ಕೈಗೊಂಡರು. ದೇಶದ ಹಾಲಿ ಸ್ಥೂಲ ಆರ್ಥಿಕ ಸ್ಥಿತಿಗತಿಯನ್ನು ಅನುಲಕ್ಷಿಸಿ ಬಡ್ಡಿ ದರ ಏರಿಸುವ ನಿರ್ಣಯವನ್ನು ಕೈಗೊಳ್ಳಲಾಯಿತೆಂದು ಆರ್ಬಿಐ ಹೇಳಿದೆ.
2018-19ರ ಸಾಲಿನಲ್ಲಿ ಎಪ್ರಿಲ್ ನಲ್ಲಿ ನಡೆದಿದ್ದ ಆರ್ಬಿಐ ಮೊದಲ ದ್ವೆ„ಮಾಸಿಕ ಹಣಕಾಸು ನೀತಿ ಪರಾಮರ್ಶೆಯ ಸಂದರ್ಭದಲ್ಲಿ ಈ ವರ್ಷದ ಮೊದಲರ್ಧದಲ್ಲಿ ಗ್ರಾಹಕ ಬೆಲೆ ಸೂಚ್ಯಂಕ ಹಣದುಬ್ಬರ ಶೇ.4.7ರಿಂದ ಶೇ.5.1ರ ನಡುವೆ ಇರುವುದೆಂದು ಅಂದಾಜಿಸಲಾಗಿತ್ತು. ಆದೇ ರೀತಿಯ ವರ್ಷದ ದ್ವಿತೀಯಾರ್ಧದಲ್ಲಿ ಶೇ.4.4ರ ಹಣದುಬ್ಬರ ಇರುವುದೆಂದು ಅಂದಾಜಿಸಲಾಗಿತ್ತು.
ಎಪ್ರಿಲ್ ಹಣಕಾಸು ನೀತಿಯಲ್ಲಿ ಆರ್ಬಿಐ 2018-19ರಲ್ಲಿ ದೇಶವು ಶೇ.7.4ರ ಜಿಡಿಪಿಯನ್ನು ಉಳಿಸಿಕೊಳ್ಳುವುದೆಂದು ಹೇಳಿತ್ತು. ಆದರೆ ಇದೀಗ ಆರ್ಬಿಐ ಹಣದುಬ್ಬರ ಅಂದಾಜನ್ನು ಪರಿಷ್ಕರಿಸಿದ್ದು ಆ ಪ್ರಕಾರ ವರ್ಷದ ಮೊದಲರ್ಧದಲ್ಲಿ ಅದು ಶೇ.4.8ರಿಂದ ಶೇ.4.9ರಲ್ಲೂ ದ್ವಿತೀಯಾರ್ಧದಲ್ಲಿ ಶೇ.4.7ರ ಪ್ರಮಾಣದಲ್ಲಿ ಇರುವುದೆಂದೂ ಹೇಳಿದೆ.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
Gold Rate; ಚಿನ್ನದ ಬೆಲೆ ಒಂದೇ ದಿನ 1,530 ರೂ. ಇಳಿಕೆ: ಗ್ರಾಹಕರಿಗೆ ನಿರಾಳ
Share Market: ಬಾಂಬೆ ಷೇರುಪೇಟೆ ಸಂವೇದಿ ಸೂಚ್ಯಂಕ 500ಕ್ಕೂ ಅಧಿಕ ಅಂಕ ಜಿಗಿತ
T20 ವಿಶ್ವಕಪ್ ನಲ್ಲಿ ಸ್ಕಾಟ್ಲೆಂಡ್- ಐರ್ಲೆಂಡ್ ಕ್ರಿಕೆಟ್ ತಂಡಗಳಿಗೆ ನಂದಿನಿ ಪ್ರಾಯೋಜಕತ್ವ
ಸೆನ್ಸೆಕ್ಸ್ 599 ಅಂಕ ಏರಿಕೆ; 4 ದಿನದ ಕುಸಿತಕ್ಕೆ ಬ್ರೇಕ್
Infosys; ಮೂರ್ತಿ ಮೊಮ್ಮಗನಿಗೆ ಸಿಕ್ತು 4.2 ಕೋಟಿ ಡಿವಿಡೆಂಡ್
MUST WATCH
ಹೊಸ ಸೇರ್ಪಡೆ
Election Commission: ಮೋದಿ, ರಾಹುಲ್ ವಿರುದ್ಧ ದೂರು: ಚುನಾವಣಾ ಆಯೋಗ ನೋಟಿಸ್
IPL: ಎಲ್ಲೆ ಮೀರಿ ವಿಕೆಟ್ ಸಂಭ್ರಮಾಚರಣೆಡೆಲ್ಲಿ ವೇಗಿ ರಸಿಕ್ ಸಲಾಂಗೆ ಛೀಮಾರಿ
IPL: ಇಂಪ್ಯಾಕ್ಟ್ ಪ್ಲೇಯರ್ ನಿಯಮಕ್ಕೆ ಅಕ್ಷರ್ ಪಟೇಲ್ ಕೂಡ ವಿರೋಧ
Politics: ನಾನು ಮನಸ್ಸು ಮಾಡಿದರೆ ರೆಡ್ಡಿಯನ್ನು ಬೆತ್ತಲೆ ನಿಲ್ಲಿಸುತ್ತೇನೆ; ಸಚಿವ ತಂಗಡಗಿ
Sumalatha Ambareesh: ಟ್ವೀಟ್ನಲ್ಲಿ ಸಂಸದೆ ಸುಮಲತಾ ಅಂಬರೀಶ್ ವಿವೇಕದ ಪಾಠ