ರಿಲಯನ್ಸ್ ಹೋಮ್ ಫೈನಾನ್ಸ್‌ ಗೆ ಈ ಆರ್ಥಿಕ ವರ್ಷದಲ್ಲಿಯೂ ಭಾರಿ ನಷ್ಟ.! 

Team Udayavani, May 10, 2021, 5:11 PM IST

ನವ ದೆಹಲಿ : ರಿಲಯನ್ಸ್ ಹೋಮ್ ಫೈನಾನ್ಸ್‌ ಸಂಸ್ಥೆ 2020-21 ನೇ ಆರ್ಥಿಕ ವರ್ಷದ ನಾಲ್ಕನೇ ತ್ರೈಮಾಸಿಕದಲ್ಲಿ ಮತ್ತೆ ನಷ್ಟ ಅನುಭವಿಸಿದೆ.

ನಿವ್ವಳ ನಷ್ಟವು 2020-21ನೇ ಆರ್ಥಿಕ ವರ್ಷದ ನಾಲ್ಕನೇ ತ್ರೈಮಾಸಿಕದಲ್ಲಿ (ಜನವರಿ-ಮಾರ್ಚ್) ರಿಲಯನ್ಸ್ ಹೋಮ್ ಫೈನಾನ್ಸ್‌ ಸಂಸ್ಥೆ  446.62 ಕೋಟಿ ರೂಪಾಯಿ ಅಷ್ಟಾಗಿದೆ.

ಓದಿ : ಮನೆಯಿಂದ ಹೊರಗೆ ಬರದಂತೆ ಪೋಲಿಸ್ ಅಧಿಕಾರಿಗಳಿಂದ ಕೈಮುಗಿದು ಮನವಿ

ರಿಲಯನ್ಸ್ ಹೋಮ್ ಫೈನಾನ್ಸ್‌ ಸಂಸ್ಥೆ  2019-20ರ  ಆರ್ಥಿಕ ವರ್ಷದಲ್ಲಿ ನಾಲ್ಕನೇ ತ್ರೈಮಾಸಿಕದಲ್ಲಿ ಕಂಪನಿ 238.37 ಕೋಟಿ ರೂಪಾಯಿಗಳಷ್ಟು ನಿವ್ವಳ ನಷ್ಟವನ್ನು ಅನುಭವಿಸಿತ್ತು.

ಹಿಂದಿನ ಆರ್ಥಿಕ ವರ್ಷಕ್ಕಿಂತ ಈ ಆರ್ಥಿಕ ವರ್ಷಕ್ಕೆ 2020 -21 ನೇ ಸಾಲಿನ ಆರ್ಥಿಕ ವರ್ಷದ ನಷ್ಟವನ್ನು ಹೋಲಿಸಿದರೆ, ಹಿಂದಿನ ಆರ್ಥಿಕ ವರ್ಷಕ್ಕಿಂತ  ಈ ಆರ್ಥಿಕ ವರ್ಷದಲ್ಲಿ ದುಪ್ಪಟ್ಟು ನಿವ್ವಳ ಆದಾಯದಲ್ಲಿ ನಷ್ಟವಾಗಿರುವುದು ಗಮನಿಸಬಹುದಾಗಿದೆ.  ಅಂದರೆ 2019-20ರ ಆರ್ಥಿಕ ವರ್ಷದ ನಾಲ್ಕನೇ ತ್ರೈಮಾಸಿಕದಲ್ಲಿ ಕಂಪನಿಯ ನಷ್ಟವು 238.37 ಕೋಟಿ ರೂಪಾಯಿಗಳಷ್ಟಿತ್ತು. ಆದಾಯವು 281 ಕೋಟಿಗಳಿಂದ 162 ಕೋಟಿ ರೂಪಾಯಿಗೆ ಇಳಿದಿದೆ. ಈ ಮೂಲಕ ಆದಾಯವು ಶೇಕಡಾ 42ರಷ್ಟು ಕುಸಿತ ಅನುಭವಿಸಿದೆ.

ಇನ್ನು, ರಿಲಯನ್ಸ್ ಕ್ಯಾಪಿಟಲ್‌ ನ ಅಂಗಸಂಸ್ಥೆಯಾದ ರಿಲಯನ್ಸ್ ಹೋಮ್ ಫೈನಾನ್ಸ್‌ ನ ನಿವ್ವಳ ನಷ್ಟವು 375 ಕೋಟಿ ರೂಪಾಯಿಗಳಿಂದ  1,519 ಕೋಟಿ ರೂಪಾಯಿಗೆ ತಲುಪಿದ್ದು, ಒಟ್ಟಾರೆ ವರಮಾನ 1,602 ಕೋಟಿಗಳಿಂದ 840 ಕೋಟಿಗಳಿಗೆ ಕುಸಿದಿದೆ.

ಓದಿ : ವೈದ್ಯರ ಏಪ್ರಾನ್ ಧರಿಸಿ ತರಕಾರಿ ಖರೀದಿಗೆ ಬಂದಿದ್ದ ಯುವಕನ ಬೈಕ್ ಸೀಜ್