ಇ-ಸಿಗರೇಟ್ ಮಾರಾಟ, ಉತ್ಪಾದನೆಗೆ ಕೇಂದ್ರದಿಂದ ನಿಷೇಧ: ನಿರ್ಮಲಾ ಸೀತಾರಾಮನ್

ಒಂದು ವರ್ಷ ಜೈಲುಶಿಕ್ಷೆ ಅನುಭವಿಸಬೇಕಾಗಲಿದೆ

Team Udayavani, Sep 18, 2019, 3:35 PM IST

ನವದೆಹಲಿ: ಇ-ಸಿಗರೇಟ್ ನಿಷೇಧಕ್ಕೆ ಕೇಂದ್ರ ಸರಕಾರ ಅನುಮತಿ ನೀಡಿರುವುದಾಗಿ ಕೇಂದ್ರ ಹಣಕಾಸು ಸಚಿವೆ ನಿರ್ಮಲಾ ಸೀತಾರಾಮನ್ ಬುಧವಾರ ತಿಳಿಸಿದ್ದಾರೆ. ಇ-ಸಿಗರೇಟ್ ಉತ್ಪಾದನೆ, ಆಮದು, ರಫ್ತು, ಮಾರಾಟ, ಹಂಚಿಕೆ ಸೇರಿದಂತೆ ಪ್ರತಿಯೊಂದಕ್ಕೂ ನಿಷೇಧ ಹೇರಲಾಗಿದೆ ಎಂದು ವರದಿ ವಿವರಿಸಿದೆ.

ಯುವ ಜನಾಂಗದ ಆರೋಗ್ಯದ ಮೇಲೆ ಬೀರಬಹುದಾದ ಪರಿಣಾಮ ತಪ್ಪಿಸುವ ನಿಟ್ಟಿನಲ್ಲಿ ಕೇಂದ್ರ ಸರಕಾರ ಈ ನಿರ್ಧಾರ ಕೈಗೊಂಡಿರುವುದಾಗಿ ತಿಳಿಸಿದರು.

ಇ-ಸಿಗರೇಟ್ ಸೇವನೆ ಚಟದಿಂದ ಅಮೆರಿಕದಲ್ಲಿ ಏಳು ಮಂದಿ ಸಾವನ್ನಪ್ಪಿರುವುದಾಗಿ ವಿತ್ತ ಸಚಿವೆ ನಿರ್ಮಲಾ ಈ ಸಂದರ್ಭದಲ್ಲಿ ಮಾಹಿತಿ ನೀಡಿದರು. ಈ ಹಿನ್ನೆಲೆಯಲ್ಲಿ ಭಾರತದಲ್ಲಿ ಇ-ಸಿಗರೇಟ್ ಸೇವನೆ, ಉತ್ಪಾದನೆ, ಮಾರಾಟ, ಸಂಗ್ರಹಕ್ಕೆ ನಿಷೇಧ ಹೇರಿರುವುದಾಗಿ ಹೇಳಿದರು.

ಜನರು ಧೂಮಪಾನ ಚಟದಿಂದ ಹೊರ ಬರಲಿ ಎಂಬ ಉದ್ದೇಶದಿಂದ ಇ-ಸಿಗರೇಟ್ ಮಾರಾಟಕ್ಕೆ ಪ್ರೋತ್ಸಾಹ ನೀಡಲಾಗಿತ್ತು. ಆದರೆ ಬಹುತೇಕ ಜನರು ಇ-ಸಿಗರೇಟ್ ಸೇವನೆ ದುಶ್ಚಟಕ್ಕೆ ಗುರಿಯಾಗಿದ್ದಾರೆ ಎಂದು ವರದಿ ತಿಳಿಸಿದೆ. ಈ ನಿಟ್ಟಿನಲ್ಲಿ ಯುವ ಜನಾಂಗ ಇ-ಸಿಗರೇಟ್ ವ್ಯಸನದಿಂದ ದೂರ ಉಳಿಯಲು ನಿಷೇಧ ಹೇರಲಾಗಿದೆ ಎಂದರು.

ಒಂದು ವೇಳೆ ಇ-ಸಿಗರೇಟ್ ನಿಷೇಧ ಉಲ್ಲಂಘಿಸಿ ಮಾರಾಟ, ಉತ್ಪಾದನೆ ಮಾಡಿದಲ್ಲಿ ಒಂದು ಲಕ್ಷ ರೂಪಾಯಿವರೆಗೆ ದಂಡ ಅಥವಾ ಒಂದು ವರ್ಷ ಜೈಲುಶಿಕ್ಷೆ ಅನುಭವಿಸಬೇಕಾಗಲಿದೆ ಎಂದು ಸೀತಾರಾಮನ್ ವಿವರಿಸಿದ್ದಾರೆ.

ವರದಿಯ ಪ್ರಕಾರ ಇ-ಸಿಗರೇಟ್ ನಲ್ಲಿ ಸುಮಾರು 400 ಅಧಿಕ ಬ್ರ್ಯಾಂಡ್ ಗಳಿವೆ. ಕೆಲವನ್ನು ಭಾರತದಲ್ಲಿ ಉತ್ಪಾದಿಸಲಾಗುತ್ತಿದೆ. ಅದರಲ್ಲಿ ಸುಮಾರು 150 ವಿಧದ ಫ್ಲೇವರ್ ಗಳನ್ನು ಒಳಗೊಂಡಿದ್ದವು. ಇ-ಸಿಗರೇಟ್ ಸೇವನೆ ತಣ್ಣನೆಯ(ತಂಪು) ಅನುಭವ ನೀಡಲಿದೆಯಂತೆ ಎಂದು ವರದಿ ವಿವರಿಸಿದೆ.

Disclaimer:The views expressed in comments section published on Udayavani.com are those of comment writers alone. They do not represent the views or opinions of Udayavani.com, its staff or The Manipal Group, or any entity associated with The Manipal Group. Udayavani.com reserves rights to remove a comment or all the comments any time.

To report any comment you can email us at udayavani.response@manipalgroup.info. We will review the request and delete the comments.


ಈ ವಿಭಾಗದಿಂದ ಇನ್ನಷ್ಟು

ಹೊಸ ಸೇರ್ಪಡೆ