ರೈಲಿನಲ್ಲಿ ಉಚಿತವಾಗಿ ಟಿವಿ ವೀಕ್ಷಿಸಿ!

Team Udayavani, Jul 22, 2019, 5:13 AM IST

ಹೊಸದಿಲ್ಲಿ: ಪ್ರಯಾಣಿಕರು ಇನ್ನು ಕೆಲವೇ ದಿನಗಳಲ್ಲಿ ರೈಲ್ವೇ ಸ್ಟೇಷನ್‌ನಲ್ಲಿ ಕುಳಿತು ಟಿವಿ ಚಾನೆಲ್ಗಳು, ಸಿನಿಮಾಗಳು ಹಾಗೂ ಮನರಂಜನೆ ವೀಡಿಯೋಗಳನ್ನು ತಮ್ಮ ಮೊಬೈಲ್ನಲ್ಲಿ ಉಚಿತವಾಗಿ ವೀಕ್ಷಿಸಬಹುದು.

ರೈಲಿಗಾಗಿ ಕಾಯುವ ಸಮಯವನ್ನು ಇನ್ನಷ್ಟು ಸಹನೀಯವಾಗಿಸುವ ನಿಟ್ಟನಲ್ಲಿ ಈ ಯೋಜನೆಯನ್ನು ರೈಲ್ಟೆಲ್ ಜಾರಿಗೊಳಿಸಲಿದೆ. ಆರಂಭದಲ್ಲಿ 1600 ರೈಲ್ವೇ ಸ್ಟೇಷನ್‌ಗಳಲ್ಲಿ ಈ ಸೌಲಭ್ಯವಿದೆ. ಈ ವರ್ಷದ ಅಕ್ಟೋಬರ್‌ನಲ್ಲಿ ಮುಂದಿನ 4700 ಸ್ಟೇಷನ್‌ಗಳಿಗೆ ವಿಸ್ತರಿಸಲಾಗುತ್ತದೆ. ಇದಕ್ಕಾಗಿ ರೈಲ್ಟೆಲ್ ಆ್ಯಪ್‌ ಸಿದ್ಧಪಡಿಸಿದ್ದು, ಈ ಆ್ಯಪ್‌ನಲ್ಲಿ ಜಾಹೀರಾತು ಪ್ರದರ್ಶಿಸುವ ಮೂಲಕ ರೈಲ್ಟೆಲ್ ಆದಾಯ ಗಳಿಕೆ ಮಾಡಲಿದೆ. ಈಗಾಗಲೇ ಯೋಜನೆ ಜಾರಿ ಜವಾಬ್ದಾರಿ ಯನ್ನು ರೈಲ್ವೇ ವಲಯಗಳಿಗೆ ನೀಡಲಾಗಿತ್ತಾ ದರೂ, ಸೂಕ್ತ ಪ್ರಗತಿ ಕಾಣದ್ದರಿಂದ ಇದನ್ನು ರೈಲ್ಟೆಲ್ಗೆ ವಹಿಸಲಾಗಿದೆ.