ಬೆಲೆ ಏರಿಕೆ: ಚಿಲ್ಲರೆ ಹಣದುಬ್ಬರದ ಬೆನ್ನಲ್ಲೇ ಸಗಟು ಹಣದುಬ್ಬರ ಶೇ.2.59ಕ್ಕೆ ಏರಿಕೆ

Team Udayavani, Jan 14, 2020, 2:13 PM IST

ನವದೆಹಲಿ: ಆಹಾರ ಪದಾರ್ಥಗಳ ಬೆಲೆ ಏರಿಕೆ ಹಿನ್ನೆಲೆಯಲ್ಲಿ ಡಿಸೆಂಬರ್ ತಿಂಗಳ ಸಗಟು ಹಣದುಬ್ಬರ ಶೇ.2.59ರಷ್ಟು ಏರಿಕೆಯಾಗಿದೆ ಎಂದು ಮಂಗಳವಾರ ಕೇಂದ್ರ ಸರ್ಕಾರ ಬಿಡುಗಡೆ ಮಾಡಿರುವ ಅಂಕಿ-ಅಂಶದಲ್ಲಿ ತಿಳಿಸಿದೆ.

ವಾಣಿಜ್ಯ ಮತ್ತು ಕೈಗಾರಿಕಾ ಸಚಿವಾಲಯದ ಪ್ರಕಟಣೆ ಪ್ರಕಾರ, ವಾರ್ಷಿಕ ಹಣದುಬ್ಬರದ ದರವನ್ನು ತಿಂಗಳಿನ ಸಗಟು ದರ ಆಧಾರಿತ ಮೇಲೆ ನಿಗದಿಪಡಿಸಲಾಗುತ್ತದೆ. ಈ ನಿಟ್ಟಿನಲ್ಲಿ 2019ರ ಡಿಸೆಂಬರ್ ತಿಂಗಳ ಸಗಟು ಹಣದುಬ್ಬರ ಶೇ.2.59ರಷ್ಟು ಏರಿಕೆಯಾಗಿದೆ. ನವೆಂಬರ್ ತಿಂಗಳಿನಲ್ಲಿ ಸಗಟು ಹಣದುಬ್ಬರ ದರ ಶೇ.0.58ರಷ್ಟಿತ್ತು.

ಸೋಮವಾರ ಬಿಡುಗಡೆಯಾಗಿದ್ದ ಡಿಸೆಂಬರ್ ತಿಂಗಳ ಚಿಲ್ಲರೆ ಹಣದುಬ್ಬರ ಶೇ.7.35ಕ್ಕೆ ತಲುಪಿದ್ದು, ಇದೂ ಐದು ವರ್ಷಗಳ ಗರಿಷ್ಠ ದಾಖಲೆಯಾಗಿತ್ತು. ಈರುಳ್ಳಿ ಸೇರಿದಂತೆ ಅಗತ್ಯ ವಸ್ತುಗಳ ದರ ಏರಿಕೆಯಿಂದಾಗಿ ಹಣದುಬ್ಬರ ಪ್ರಮಾಣ ಏರಿಕೆಯಾಗಿತ್ತು.