100 ಕೋಟಿ ರೂ. ಮೌಲ್ಯದ ಹಳೆಯ ನೋಟುಗಳು ವಶಕ್ಕೆ

Team Udayavani, Jan 18, 2018, 10:11 AM IST

ಹೊಸದಿಲ್ಲಿ/ಲಕ್ನೋ: ರಾಷ್ಟ್ರೀಯ ತನಿಖಾ ದಳ (ಎನ್‌ಐಎ) ಮತ್ತು ಉತ್ತರ ಪ್ರದೇಶ ಪೊಲೀಸರು ಜಂಟಿಯಾಗಿ ಕಾನ್ಪುರದಲ್ಲಿ ನಡೆಸಿದ ಕಾರ್ಯಾಚರಣೆ ವೇಳೆ ನಿರ್ಮಾಣ ಹಂತದಲ್ಲಿದ್ದ ಮನೆಯೊಂದರಿಂದ ಅಪಮೌಲ್ಯ ಮಾಡಿದ 100 ಕೋಟಿ ರೂ. ಮೌಲ್ಯದ ನೋಟುಗಳನ್ನು ವಶಪಡಿಸಿಕೊಂಡಿದ್ದಾರೆ. 

2016ರ ನವೆಂಬರ್‌ನಲ್ಲಿ 500 ರೂ., 1 ಸಾವಿರ ರೂ. ನೋಟುಗಳನ್ನು ಅಪಮೌಲ್ಯ ಮಾಡಿದ ಬಳಿಕ ಇದೇ ಮೊದಲ ಬಾರಿಗೆ ಇಷ್ಟು ದೊಡ್ಡ ಮೊತ್ತದ ಅಪಮೌಲ್ಯ ಗೊಂಡ ನೋಟು ಸಿಕ್ಕಂತಾಗಿದೆ. ಪ್ರಕರಣಕ್ಕೆ ಸಂಬಂಧಿಸಿದಂತೆ ಒಟ್ಟು 16 ಮಂದಿಯನ್ನು ಬಂಧಿಸಲಾಗಿದೆ. ಈ ಪೈಕಿ ಇಬ್ಬರು ಮಹಾರಾಷ್ಟ್ರ, ಒಬ್ಬ ಆಂಧ್ರ ಪ್ರದೇಶಕ್ಕೆ ಸೇರಿದವನಾಗಿ ದ್ದಾನೆ. ಕಳೆದ ವರ್ಷದ ನವೆಂಬರ್‌ನಲ್ಲಿ ಎನ್‌ಐಎ 36.34 ಕೋಟಿ ರೂ. ಮೊತ್ತದ  ಹಳೆಯ ನೋಟುಗಳನ್ನು ಹೊಸದಿಲ್ಲಿಯಲ್ಲಿ  ವಶಪಡಿಸಿಕೊಂಡಿತ್ತು.

 ಸಿಸಮಾವು ಎಂಬಲ್ಲಿ ಬಿಲ್ಡರ್‌ ಅಪಮೌಲ್ಯಗೊಂಡ ನೋಟುಗಳನ್ನು ಇರಿಸಿದ್ದ. ನಿಯಮ ಉಲ್ಲಂ ಸಿ ಕಾನೂನು ಬದ್ಧ ಕರೆನ್ಸಿಯನ್ನಾಗಿ ಮಾರ್ಪಡಿಸುವ ಯೋಜನೆ ಇದ್ದಿರ ಬಹುದೆಂದು ತನಿಖಾ ಸಂಸ್ಥೆಗಳು ಶಂಕಿಸಿವೆ.