ರಾಜ್ಯದ ಇಬ್ಬರ ಸಹಿತ 22 ಮಂದಿಗೆ ಶೌರ್ಯ ಪ್ರಶಸ್ತಿ

ದೇವದುರ್ಗದ ವೆಂಕಟೇಶ್‌, ಹೊನ್ನಾವರದ ಆರತಿಗೆ ಗೌರವ 12 ರಾಜ್ಯಗಳ 22 ಚಿಣ್ಣರಿಗೆ ಪ್ರಶಸ್ತಿ

Team Udayavani, Jan 22, 2020, 6:00 AM IST

ಶೌರ್ಯ ಪ್ರಶಸ್ತಿಗೆ ಪಾತ್ರರಾಗಿರುವ ವೆಂಕಟೇಶ್‌ ಮತ್ತು ಆರತಿ.

ಹೊಸದಿಲ್ಲಿ: ತಮ್ಮನ ಜೀವ ಉಳಿಸಿದ ಅಕ್ಕ ಆರತಿ, ಆ್ಯಂಬುಲೆನ್ಸ್‌ಗೆ ದಾರಿ ತೋರಿದ ಬಾಲಕ ವೆಂಕಟೇಶ್‌ಗೆ ಪ್ರಸಕ್ತ ಸಾಲಿನ ಶೌರ್ಯ ಪ್ರಶಸ್ತಿಯ ಗೌರವ ಸಂದಿದೆ. ಕರ್ನಾಟಕದ ಈ ಇಬ್ಬರು ಮಕ್ಕಳು ಸೇರಿದಂತೆ ದೇಶದ 12 ರಾಜ್ಯಗಳ ಒಟ್ಟು 22 ಸಾಹಸಿ ಎಳೆಯರು ಈ ಬಾರಿಯ ರಾಷ್ಟ್ರೀಯ ಶೌರ್ಯ ಪ್ರಶಸ್ತಿಗೆ ಭಾಜನರಾಗಿದ್ದಾರೆ. ಜತೆಗೆ ಕೇರಳದ ಒಬ್ಬ ಬಾಲಕನಿಗೆ ಮರಣೋತ್ತರವಾಗಿ ಪ್ರಶಸ್ತಿ ನೀಡಲಾಗಿದೆ. ಗಣರಾಜ್ಯೋತ್ಸವ ದಿನ ಈ ಮಕ್ಕಳಿಗೆ ಪ್ರಧಾನಿ ಮೋದಿ ಪ್ರಶಸ್ತಿ ಪ್ರದಾನ ಮಾಡಲಿದ್ದಾರೆ.

ವೆಂಕಟೇಶನ ಪರಾಕ್ರಮ
ರಾಯಚೂರು ಜಿಲ್ಲೆಯ ದೇವದುರ್ಗ ತಾಲೂಕಿನ ಸಂಕನೂರು ಗ್ರಾಮದ ವೆಂಕಟೇಶ್‌ (11) ಪ್ರವಾಹಕ್ಕೆ ಎದೆಯೊಡ್ಡಿ ನಿಂತ ಬಾಲಕ. 2019ರ ಆಗಸ್ಟ್‌ನಲ್ಲಿ ರಾಜ್ಯಾದ್ಯಂತ ಧೋ ಎಂದು ಮಳೆ ಸುರಿಯುತ್ತಿದ್ದ ಕಾಲ. ಇಂಥ ಸಂದರ್ಭದಲ್ಲಿ ರಾಯಚೂರು ಜಿಲ್ಲೆಯ ಹಿರೇರಾಯಕುಂಪಿ ಗ್ರಾಮದಲ್ಲಿ ಆ್ಯಂಬುಲೆನ್ಸ್‌ ಒಂದು ಜಲಾವೃತ ಸೇತುವೆಯ ಬಳಿ ಸಿಲುಕಿತ್ತು. ವೆಂಕಟೇಶ್‌ ಸೇತುವೆ ಮೇಲಿದ್ದ ಪ್ರವಾಹಕ್ಕೆ ಅಂಜದೆ ತಾನು ಮುಂದಕ್ಕೆ ಓಡಿ ಆ್ಯಂಬುಲೆನ್ಸ್‌ಗೆ ದಾರಿ ತೋರಿ ಐವರನ್ನು ರಕ್ಷಿಸಿದ್ದ.

ಕೀರ್ತಿ ತಂದ ಆರತಿ
ಹೊನ್ನಾವರ ತಾಲೂಕಿನ ನವಿಲುಗೋಣ ಗ್ರಾಮದ ಬಾಲಕಿ ಆರತಿ ಕಿರಣ್‌ ಶೇಟ್‌ (9) ತನ್ನ ಜೀವವನ್ನು ಪಣಕ್ಕಿಟ್ಟು ಎರಡು ವರ್ಷದ ತಮ್ಮನ ಜೀವ ಉಳಿಸಿದಾಕೆ. ಅದೊಂದು ಮಧ್ಯಾಹ್ನ ದಾರಿಯಲ್ಲಿ ಹೋಗುತ್ತಿದ್ದ ಗೂಳಿ ದಿಢೀರನೆ ಮನೆ ಮುಂದೆ ಆಟವಾಡುತ್ತಿದ್ದ ಇವರಿಬ್ಬರ ಮೇಲೆ ನುಗ್ಗಿ ಬಂದಿತ್ತು. ಕೂಡಲೇ ತಮ್ಮನನ್ನು ಎತ್ತಿಕೊಂಡಿದ್ದ ಆಕೆ, ಗೂಳಿ ತಿವಿಯುತ್ತಿದ್ದರೂ ಅದರಿಂದ ತಪ್ಪಿಸಿಕೊಂಡು ಓಡಿ ಪಾರಾಗಿದ್ದಳು. ಆಕೆಯ ಸಮಯಪ್ರಜ್ಞೆಯಿಂದಾಗಿ ತಮ್ಮನ ಜೀವ ಉಳಿದಿತ್ತು.

ಶ್ರೀ ಅಷ್ಠ ಲಕ್ಷ್ಮೀ ಜೋತಿಷ್ಯ ಮಂದಿರ,
ಉದ್ಯೋಗ, ಮದುವೆ ವಿಳಂಬ, ಸತಿ-ಪತಿ ಕಲಹ, ಶತ್ರುಪೀಡೆ, ಅತ್ತೆ-ಸೊಸೆ ಕಲಹ, ವಶೀಕರಣ, ವ್ಯವಹಾರದಲ್ಲಿ ನಷ್ಟ, ಇನ್ನೂ ನಿಮ್ಮಸಮಸ್ಯೆ ಯಾವುದೇ ಇರಲಿ, ಎಷ್ಟೇ ಕಠಿಣವಾಗಿರಲಿ ಶಾಶ್ವತ ಪರಿಹಾರ ಶತಃ ಶಿದ್ದ , ನಿಮ್ಮ ಯಾವುದೇ ಇಷ್ಟಾರ್ಥ ಕಾರ್ಯಗಳಿದ್ದರೂ ಕೇವಲ 5 ದಿನಗಳಲ್ಲಿ ನೇರವೆರಿಸಿ ಕೋಡುತ್ತಾರೇ. ಇಂದೇ ಭೇಟಿ ನೀಡಿ.
ಶ್ರೀ ಶ್ರೀ ಬಿ ಹೆಚ್ ಆಚಾರ್ಯ ಗೂರುಜೀ
ಜಯನಗರ ಬೆಂಗಳೂರು, ಮೋ- 8884889444

ಈ ವಿಭಾಗದಿಂದ ಇನ್ನಷ್ಟು

ಹೊಸ ಸೇರ್ಪಡೆ