ಹುರಿಯತ್‌ಗೆ ಬೆದರಿಕೆ ಹಾಕಿ ದೂರ ಸರಿದ ಹಿಜ್‌ಬುಲ್‌ ಕಮಾಂಡರ್‌ ಮೂಸಾ

Team Udayavani, May 13, 2017, 5:16 PM IST

ಜಮ್ಮು : “ಇಸ್ಲಾಂ ಗಾಗಿ ನಾವು ನಡೆಸುತ್ತಿರುವ ಹೋರಾಟದಲ್ಲಿ ನೀವು ತಲೆ ಹಾಕಿದರೆ ನಿಮ್ಮ ತಲೆ ಕಡಿದು ಲಾಲ್‌ ಚೌಕದಲ್ಲಿ ನೇತು ಹಾಕುತ್ತೇನೆ’ ಎಂದು ಹುರಿಯತ್‌ ನಾಯಕರಿಗೆ ಆಡಿಯೋ ಟೇಪ್‌ ಬೆದರಿಕೆ ಹಾಕಿದ ಒಂದು ದಿನದ ತರುವಾಯ ಹಿಜ್‌ಬುಲ್‌ ಮುಜಾಹಿದೀನ್‌ ಕಮಾಂಡರ್‌ ಝಾಕೀರ್‌ ಮೂಸಾ ಇಂದು ಶನಿವಾರ ಹೊಸ ವಿಡಿಯೋ ಬಿಡುಗಡೆ ಮಾಡಿ “ನಾನು ಹಿಜ್‌ಬುಲ್‌ ಸಂಘಟನೆಯಲ್ಲಿ ಇಲ್ಲ’ ಎಂದು ಸಾರಿದ್ದಾನೆ.

“ಹಿಜ್‌ಬುಲ್‌ ನನ್ನನ್ನು ಓರ್ವ ಸದಸ್ಯನೆಂದು ಪರಿಗಣಿಸದಿದ್ದರೆ ನಾನು ಅದನ್ನು ಪ್ರತಿನಿಧಿಸುವುದಿಲ್ಲ ಎಂದು ಹೇಳಬಯಸುತ್ತೇನೆ’ ಎಂಬುದಾಗಿ ಮೂಸಾ ಹೇಳಿದ್ದಾನೆ. ಆದರೆ ತನ್ನ ಈ ಹಿಂದಿನ ಆಡಿಯೋ ಟೇಪ್‌ ಸಂದೇಶದಲ್ಲಿ “ಹುರಿಯತ್‌ ನಾಯಕರ ತಲೆ ಕಡಿದು ಲಾಲ್‌ ಚೌಕದಲ್ಲಿ ನೇತು ಹಾಕುವ’ ತನ್ನ ನಿಲುವಿಗೆ ತಾನು ಬದ್ಧನಾಗಿದ್ದೇನೆ ಎಂದು ಮತ್ತೂಮ್ಮೆ ಗುಡುಗಿದ್ದಾನೆ.

ನಿನ್ನೆ ಮೂಸಾ ಬಿಡುಗಡೆ ಮಾಡಿದ್ದ ಆಡಿಯೋ ಟೇಪ್‌ ಸಂದೇಶ ಸಾಮಾಜಿಕ ಜಾಲ ತಾಣಗಳಲ್ಲಿ ವೈರಲ್‌ ಆದ ಬಳಿಕ ಹಿಜ್‌ಬುಲ್‌ ಮುಜಾಹಿದೀನ್‌ ವಕ್ತಾರ ಸಲೀಂ ಹಶ್‌ಮೀ ಹೇಳಿಕೆಯೊಂದು ಬಿಡುಗಡೆ ಮಾಡಿ, “ಮೂಸಾ ಹೇಳಿಕೆಗೂ ಹಿಜ್‌ಬುಲ್‌ ಸಂಘಟನೆಗೂ ಯಾವುದೇ ಸಂಬಂಧವಿಲ್ಲ; ಮೇಲಾಗಿ ಆತನ ಹೇಳಿಕೆ ನಮಗೆ ಸ್ವೀಕಾರಾರ್ಹವಾದುದಲ್ಲ; ಅದು ಕೇವಲ ಆತನ ವೈಯಕ್ತಿಕ ಅಭಿಪ್ರಾಯ; ಆ ರೀತಿಯ ಯಾವುದೇ ಹೇಳಿಕೆ ಅಥವಾ ಕ್ರಮದಿಂದ ಉಂಟಾಗುವ ಗೊಂದಲವು ನಮ್ಮ ಹೋರಾಟಕ್ಕೆ ಮರಣಗಂಟೆಯಾದೀತು’ ಎಂದು ಹೇಳಿದ್ದ. 

Disclaimer:The views expressed in comments section published on Udayavani.com are those of comment writers alone. They do not represent the views or opinions of Udayavani.com, its staff or The Manipal Group, or any entity associated with The Manipal Group. Udayavani.com reserves rights to remove a comment or all the comments any time.

To report any comment you can email us at udayavani.response@manipalgroup.info. We will review the request and delete the comments.


ಈ ವಿಭಾಗದಿಂದ ಇನ್ನಷ್ಟು

ಹೊಸ ಸೇರ್ಪಡೆ