ಸರಕಾರಿ ಅಥವಾ ಖಾಸಗಿ ವಿಶ್ವವಿದ್ಯಾಲಯಗಳಲ್ಲಿ ಡಿಪ್ಲೊಮಾ, ಎಂಬಿಎ ಒಟ್ಟಿಗಿಲ್ಲ
Team Udayavani, Feb 18, 2020, 11:27 PM IST
ಸಾಂದರ್ಭಿಕ ಚಿತ್ರವನ್ನು ಬಳಸಲಾಗಿದೆ – Representative Image Used
ಹೊಸದಿಲ್ಲಿ: ಇನ್ನು ಮುಂದೆ, ಯಾವುದೇ ಸರಕಾರಿ ಅಥವಾ ಖಾಸಗಿ ವಿಶ್ವವಿದ್ಯಾಲಯಗಳಲ್ಲಿ ಒಂದೇ ಶೈಕ್ಷಣಿಕ ವರ್ಷದಲ್ಲಿ ಮ್ಯಾನೇಜ್ಮೆಂಟ್ ವಿಷಯದಲ್ಲಿ ಪಿಜಿ ಡಿಪ್ಲೊಮಾ ಕೋರ್ಸ್ (ಪಿಜಿಡಿಎಂ) ಹಾಗೂ ಎಂಬಿಎ ಕೋರ್ಸ್ಗಳನ್ನು ನಡೆಸುವ ಹಾಗಿಲ್ಲ. ಈ ಎರಡರಲ್ಲಿ ಒಂದನ್ನು ಆಯ್ಕೆ ಮಾಡಿಕೊಂಡು ಆ ಕೋರ್ಸ್ಗೆ ಮಾತ್ರ ದಾಖಲಾತಿಗಳನ್ನು ಪಡೆಯಬೇಕು ಎಂದು ಅಖಿಲ ಭಾರತ ತಾಂತ್ರಿಕ ಶಿಕ್ಷಣ ಮಂಡಳಿ (ಎಐಸಿಟಿಇ) ಹೇಳಿದೆ.
ಜೊತೆಗೆ, ಪಿಜಿಡಿಎಂ ಕೋರ್ಸ್ಗಳನ್ನು ಯಾವುದೇ ವಿಶ್ವವಿದ್ಯಾಲಯಗಳಿಗೆ ನೋಂದಾವಣೆಯಾಗದ ವಿದ್ಯಾಸಂಸ್ಥೆಗಳು ಮಾತ್ರ ನಡೆಸಬಹುದು. ಹೊಸ ನಿಯಮ ಇಂಡಿಯನ್ ಇನ್ಸ್ಟಿಟ್ಯೂಟ್ ಆಫ್ ಮ್ಯಾನೇಜ್ಮೆಂಟ್ಗಳಿಗೂ (ಐಐಎಂ) ಅನ್ವಯಿಸುತ್ತದೆ ಎಂದಿದೆ.