ಹಿರಿಯ ಬಿಜೆಪಿಗರ ಪಾದ ತೊಳೆದ ಅಸ್ಸಾಂ ಸಿಎಂ; ವಿಡಿಯೋ ವೈರಲ್

Team Udayavani, Oct 8, 2022, 4:32 PM IST

ಗುವಾಹಟಿ : ಅಸ್ಸಾಂ ಸಿಎಂ ಹಿಮಂತ ಬಿಸ್ವಾ ಶರ್ಮಾ ಅವರು ಶನಿವಾರ ಹಿರಿಯ ಬಿಜೆಪಿ ಮುಖಂಡರ ಪಾದಗಳನ್ನು ತೊಳೆದು ಗಮನಸೆಳೆದಿದ್ದಾರೆ.

ಇದನ್ನೂ ಓದಿ : 9 ಜನರನ್ನು ಬಲಿ ಪಡೆದ ನರಭಕ್ಷಕ ಹುಲಿಯ ಬೇಟೆಗೆ ಕಾರ್ಯಾಚರಣೆ

”ಹಿರಿಯರಿಗೆ ಗೌರವ, ಭಾರತೀಯ ಸಂಸ್ಕೃತಿಯ ತತ್ವ, ನಮ್ಮ ಪಕ್ಷದ ಸಂಪ್ರದಾಯದ ಮೂಲಾಧಾರವಾಗಿದೆ. ಅಸ್ಸಾಂನಲ್ಲಿ ಆರಂಭಿಕ ಹಂತದಲ್ಲಿ ನಮ್ಮ ಪಕ್ಷದ ತಳಹದಿಯನ್ನು ಬಲಪಡಿಸಲು ಅಪಾರ ಕೊಡುಗೆಗಳನ್ನು ನೀಡಿದ ನಮ್ಮ ಗೌರವಾನ್ವಿತ ಹಿರಿಯ ಬಿಜೆಪಿ ಪದಾಧಿಕಾರಿಗಳ ಪಾದಗಳನ್ನು ತೊಳೆದು ಗೌರವಿಸಲಾಗಿದೆ” ಎಂದು ಶರ್ಮಾ ವಿಡಿಯೋ ಟ್ವೀಟ್ ಮಾಡಿದ್ದಾರೆ.

ಗುವಾಹಟಿಯಲ್ಲಿ ಹೊಸದಾಗಿ ನಿರ್ಮಿಸಲಾದ ಪಕ್ಷದ ಪ್ರಧಾನ ಕಚೇರಿಯಲ್ಲಿ ಈ ಕಾರ್ಯಕ್ರಮ ನಡೆಸಿ ಮೂಲ ಬಿಜೆಪಿಗರಿಗೆ ಗೌರವ ತೋರಿದ್ದಾರೆ. ಈ ವಿಡಿಯೋ ಗೆ ಬಿಜೆಪಿಗರಿಂದ ಭಾರಿ ಮೆಚ್ಚುಗೆ ವ್ಯಕ್ತವಾಗಿದೆ.

ಕೇಂದ್ರ ಗೃಹ ಸಚಿವ ಅಮಿತ್ ಶಾ ಮತ್ತು ಬಿಜೆಪಿ ರಾಷ್ಟ್ರಾಧ್ಯಕ್ಷ ಜೆ.ಪಿ.ನಡ್ಡಾ ಅವರು ಜಂಟಿಯಾಗಿ ಅಸ್ಸಾಂ ಪ್ರವಾಸದಲ್ಲಿದ್ದು ವಿವಿಧ ಕಾರ್ಯಕ್ರಮಗಳಲ್ಲಿ ಭಾಗಿಯಾಗಿದ್ದಾರೆ.

Showing respect to the seniors, an ethos of Indian culture, is a cornerstone of our party’s tradition.

Honoured to have washed the feet of our respected senior BJP functionaries whose immense contributions helped strengthen our party’s base in the early phase in Assam. pic.twitter.com/dKGXvZPASy

— Himanta Biswa Sarma (@himantabiswa) October 8, 2022