ಇಲ್ಲಿ ಮದ್ವೆಯಾದ್ರೆ 10 ಗ್ರಾಂ ಬಂಗಾರ ಉಚಿತ!
Team Udayavani, Nov 21, 2019, 5:15 PM IST
ಗುವಾಹಟಿ: ಮದುವೆಯಾಗೋದು ಅಂದರೆ ವಧು-ವರನಿಗೆ ಖುಷಿಯೋ ಖುಷಿ. ಅಸ್ಸಾಂನಲ್ಲಿರುವ ಮದುಮಕ್ಕಳಿಗಂತೂ ಇನ್ನು ಡಬಲ್ ಖುಷಿ. ಕಾರಣ, ಮದುವೆ ವೇಳೆ ಬರೋಬ್ಬರಿ 10 ಗ್ರಾಂ ಚಿನ್ನವನ್ನು ಸರಕಾರ ಕೊಡುಗೆಯಾಗಿ ನೀಡಲಿದೆ.
ವಧುವಿಗೆ ಚಿನ್ನ ನೀಡುವ ಯೋಜನೆ “ಅರುಂಧತಿ’ಗೆ ಅಲ್ಲಿನ ಸಚಿವ ಸಂಪುಟ ಹಸಿರು ನಿಶಾನೆ ತೋರಿದೆ. ಇದು ಕರ್ನಾಟದ ಶಾದಿ ಭಾಗ್ಯದ ರೀತಿಯೇ ಇದೆ ಎನ್ನುವುದು ವಿಶೇಷ.
2020 ಜನವರಿಯಲ್ಲಿ ಈ ಯೋಜನೆ ಜಾರಿಗೊಳಿಸಲಾಗುತ್ತಿದೆ. ಯೋಜನೆ ಅನ್ವಯ ವಿವಾಹ ನೋಂದಣಿ ಕಡ್ಡಾಯವಾಗಿದೆ. ಅಂದರೆ ಮಾತ್ರ ಚಿನ್ನದ ಕೊಡುಗೆ ಪಡೆಯಬಹುದು.
ಅರುಂಧತಿ ಯೋಜನೆಗೆ ಮಂಗಳವಾರ ಸಂಪುಟ ಸಮ್ಮತಿ ದೊರಕಿದ್ದು, ಇದಕ್ಕಾಗಿ ಸರಕಾರ ವಾರ್ಷಿಕ 800 ಕೋಟಿ ರೂ.ಗಳನ್ನು ವಿನಿಯೋಗಿಸಲಿದೆ.
ಯೋಜನೆಯನ್ವಯ ಚಿನ್ನ ಪಡೆಯಬೇಕಾದರೆ ವಧುವಿಗೆ 18, ವರನಿಗೆ 21 ವರ್ಷ ಆಗಿರಬೇಕು. ಆಕೆಯ ಕುಟುಂಬದ ವಾರ್ಷಿಕ ವರಮಾನ 5 ಲಕ್ಷ ರೂ.ಗಿಂತಲೂ ಕಡಿಮೆಯಿರಬೇಕು ಎಂಬ ಷರತ್ತಿದೆ. ಅಲ್ಲದೇ ಚಿನ್ನ ಕೊಡಲು ಸಾಧ್ಯವಾಗದಿದ್ದಲ್ಲಿ, ವಧುವಿಗೆ 30 ಸಾವಿರ ರೂ.ಗಳನ್ನು ಸರಕಾರ ಪಾವತಿಸಲಿದೆ. ವಿವಾಹ ನೋಂದಣಿಯನ್ನು ಉತ್ತೇಜಿಸುವ ನಿಟ್ಟಿನಲ್ಲಿ ಈ ಯೋಜನೆ ಜಾರಿಗೆ ತರಲಾಗಿದೆ.
ವಿವಾಹ ನಂತರ ಉದ್ಭವಿಸಬಹುದಾದ ಕಾನೂನು, ಕೌಟುಂಬಿಕ ಸಮಸ್ಯೆಗಳ ತಡೆಗೆ ಹೀಗೆ ಮಾಡಲಾಗುತ್ತಿದೆ ಎಂದು ಅಲ್ಲಿನ ಸಚಿವರು ಹೇಳಿದ್ದಾರೆ. ಅಲ್ಲದೇ ಮುಂದಿನ ದಿನಗಳಲ್ಲಿ ಸಾಮಾಜಿಕ ಗುರಿಯನ್ನು ಇಟ್ಟುಕೊಂಡು ಜನಸಂಖ್ಯೆ ನೀತಿಯನ್ನು ರೂಪಿಸುವ ಉದ್ದೇಶವನ್ನು ಇದು ಹೊಂದಿದೆ ಎಂದೂ ಹೇಳಿದ್ದಾರೆ.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
Patna: ಹೋಟೆಲ್ ನಲ್ಲಿ ಭಾರಿ ಅಗ್ನಿ ಅವಘಡ, 6 ಮಂದಿ ಸಜೀವ ದಹನ, ಹಲವರಿಗೆ ಗಾಯ
ನೀತಿ ಸಂಹಿತೆ ಉಲ್ಲಂಘನೆ: ಏಪ್ರಿಲ್ 29ರೊಳಗೆ ಉತ್ತರ ನೀಡಲು ಮೋದಿ, ರಾಹುಲ್ಗೆ ಸೂಚನೆ
Arunachal Pradesh: ಧಾರಾಕಾರ ಮಳೆ… ಭೂಕುಸಿತ, ಕೊಚ್ಚಿಹೋದ ಚೀನಾ ಗಡಿ ಸಂಪರ್ಕ ಹೆದ್ದಾರಿ
Delhi: ಬ್ಯಾಂಕ್ ಮ್ಯಾನೇಜರ್ ಅಪಹರಣ…ಮಾಜಿ ಬಾಡಿಗೆದಾರರನಿಂದ ಸಂಚು!
ಹೆದ್ದಾರಿ ಬದಿ ನಿಂತಿದ್ದ ಟ್ರಕ್ ಗೆ ಕಾರು ಡಿಕ್ಕಿ… ಮಗು ಸೇರಿ 6 ಮಂದಿ ಸ್ಥಳದಲ್ಲೇ ಮೃತ್ಯು