ನೆಟ್ಟಿಗರ ಮನಗೆದ್ದ ಮಗುವಿನ “ಎವರ್‌ಗ್ರೀನ್‌ ಸ್ಟೈಲ್ ‘

Team Udayavani, May 28, 2022, 6:50 AM IST

ನವದೆಹಲಿ: ಕಳೆದ ವರ್ಷ ಡಿಸೆಂಬರ್‌ನಲ್ಲಿ, ಆಸ್ಟ್ರೇಲಿಯಾದ ಕ್ರಿಸ್ಟಿನಾ ವರ್ಚರ್ ಹಾಗೂ ಬ್ಲೇಜ್ ಮುಚಾ ಎಂಬ ದಂಪತಿಗೆ ಜನಿಸಿದ್ದ ಮಗುವೊಂದು ಸದ್ಯಕ್ಕೆ ನೆಟ್ಟಿಗರ ಮೊಗದಲ್ಲಿ ನಸುನಗು ಮೂಡಿಸುತ್ತಿದೆ. ಆ ಮಗುವಿನ ಹೆಸರು ಆಯ್ಲಾ ಸಮ್ಮರ್‌ ಮುಚಾ. ಈ ಮಗುವಿಗೆ, ಬೈಲ್ಯಾಟರಲ್‌ ಮೈಕ್ರೋಸ್ಟೋಮಿಯಾ ಎಂಬ ನ್ಯೂನತೆಯಿದೆ.

ಈ ಪುಟಾಣಿಯಲ್ಲಿರುವ ನ್ಯೂನತೆಯು ವಿರಳಾತಿವಿರಳ ವ್ಯಕ್ತಿಗಳಲ್ಲಿ ಕಂಡುಬರುತ್ತದೆ ಹಾಗೂ ಇದು ಮುಖದ ಸೌಂದರ್ಯ, ಅಲ್ಲಿನ ಸ್ನಾಯುಗಳ ವ್ಯವಸ್ಥೆಯ ಮೇಲೆ ದುಷ್ಪರಿಣಾಮ ಬೀರುತ್ತದೆ. ಆಯ್ಲಾ ಪ್ರಕರಣದಲ್ಲಿ ಈ ನ್ಯೂನತೆಯಿಂದ ಆಕೆಯ ಕೆನ್ನೆ, ತುಟಿಗಳ ಸ್ನಾಯುಗಳು ಬಿಗಿತಗೊಂಡು ಆಕೆ ಸದಾ ಮಂದಸ್ಮಿತಳಾಗಿ ಕಾಣುವಂತೆ ಮಾಡಿದೆ.

ಈಕೆಯ ಫೋಟೋಗಳು ಇನ್‌ಸ್ಟಾಗ್ರಾಂ ಸೇರಿದಂತೆ ಸಾಮಾಜಿಕ ಮಾಧ್ಯಮಗಳಲ್ಲಿ ವೈರಲ್‌ ಆಗಿವೆ.

ವೈದ್ಯರ ಪ್ರಕಾರ, ಈ ನ್ಯೂನತೆಯುಳ್ಳ ಪ್ರಕರಣಗಳು ಇಡೀ ವಿಶ್ವದಲ್ಲಿ ಕೇವಲ 14ರಷ್ಟಿವೆಯಂತೆ. ಆಸ್ಟ್ರೇಲಿಯಾದಲ್ಲಿ ಇದು ಮೊದಲನೇ ಪ್ರಕರಣ!

ಮಗು ಇನ್ನೂ ಭ್ರೂಣಾವಸ್ಥೆಯಲ್ಲಿದ್ದಾಗಲೇ ಬೈಲ್ಯಾಟರಲ್‌ ಮೈಕ್ರೋಸ್ಟೋಮಿಯಾ ನ್ಯೂನತೆ ಆರಂಭವಾಗಿರುತ್ತದೆ ಎಂದು ವೈದ್ಯರು ತಿಳಿಸಿದ್ದಾರೆ.

View this post on Instagram

A post shared by CRISTINA KYLIE VERCHER ? (@cristinakylievercher_)