ಬಿಜೆಪಿಗೆ ಅಲಿಯ ಮತವೂ ಸಿಗಲ್ಲ; ಬಜರಂಗ ಬಲಿಯ ಮತವೂ ಸಿಗಲ್ಲ : ಮಾಯಾವತಿ

Team Udayavani, Apr 13, 2019, 4:50 PM IST

ಬಾದೋನ್‌, ಉತ್ತರ ಪ್ರದೇಶ : ‘ಲೋಕಸಭಾ ಚುನಾವಣೆಯಲ್ಲಿ ಬಿಜೆಪಿಗೆ ಅಲಿಯ ಮತವೂ ಸಿಗಲ್ಲ; ಬಜರಂಗ ಬಲಿಯ ಮತವೂ ಸಿಗಲ್ಲ’ ಎಂದು ಬಹುಜನ ಸಮಾಜ ಪಕ್ಷದ ಮುಖ್ಯಸ್ಥೆ ಮಾಯಾವತಿ ವ್ಯಂಗ್ಯವಾಡಿದ್ದಾರೆ.

ಎಸ್‌ಪಿ ಅಭ್ಯರ್ಥಿ ಧರ್ಮೇಂದ್ರ ಯಾದವ್‌ ಪರವಾಗಿ ಇಲ್ಲಿ ನಡೆದ ಬಿಎಸ್‌ಪಿ-ಎಸ್‌ಪಿ-ಆರ್‌ಎಲ್‌ಡಿ ಮೈತ್ರಿಕೂಟದ ಜಂಟಿ ರಾಲಿಯಲ್ಲಿ ಮಾತನಾಡಿದ ಮಾಯಾವತಿ, “ಈ ಬಾರಿಯ ಲೋಕಸಭಾ ಚುನಾವಣೆಯಲ್ಲಿ ಉತ್ತರ ಪ್ರದೇಶದಲ್ಲಿ ಯೋಗಿ ಆದಿತ್ಯನಾಥ್‌ ಅವರ ಪಕ್ಷಕ್ಕೆ ಅಲಿಯ ಮತವೂ ಸಿಗುವುದಿಲ್ಲ; ನನ್ನ ಜಾತಿಯವನಾಗಿರುವ ಬಜರಂಗ ಬಲಿಯ ಮತವೂ ಸಿಗುವುದಿಲ್ಲ” ಎಂದು ಹೇಳಿದರು.

“ಬಜರಂಗ ಬಲಿಯ ಜಾತಿಯನ್ನು ಶೋಧಿಸಿದವಳು ನಾನಲ್ಲ; ಉತ್ತರ ಪ್ರದೇಶದ ಮುಖ್ಯಮಂತ್ರಿಯಾಗಿರುವ ಯೋಗಿ ಆದಿತ್ಯನಾಥರು; ಬಜರಂಗ ಒಬ್ಬ ವನವಾಸಿ ಮತ್ತು ದಲಿತ ಎಂದು ಹೇಳಿದವರು ಅವರೇ” ಎಂದು ಮಾಯಾವತಿ ತಿರುಗೇಟು ನೀಡಿದರು.

“ನನ್ನ ಸಮುದಾಯದ ಪೂರ್ವಜರ ಬಗ್ಗೆ ಇಷ್ಟೊಂದು ಮುಖ್ಯ ಮಾಹಿತಿ ನೀಡಿರುವ ಯೋಗಿ ಅವರಿಗೆ ನನ್ನ ಧನ್ಯವಾದಗಳು; ಆದುದರಿಂದ ಅತ್ಯಂತ ಖುಷಿಯ ಸಂಗತಿ ಎಂದರೆ ಇವತ್ತು ಅಲಿ ಮತ್ತು ಬಜರಂಗ ಬಲಿ ಇಬ್ಬರೂ ನಮ್ಮ ಜತೆಗೆ ಇದ್ದಾರೆ; ಅಂತೆಯೇ ಈ ಬಾರಿಯ ಲೋಕಸಭಾ ಚುನಾವಣೆಯಲ್ಲಿ ನಾವು ಅತ್ಯುತ್ತಮ ಫ‌ಲಿತಾಂಶ ನೀಡುವವರಿದ್ದೇವೆ ” ಎಂದು ಮಾಯಾವತಿ ಹೇಳಿದರು.

“ಅದೇ ರೀತಿ ಈ ಬಾರಿಯ ಚುನಾವಣೆಯಲ್ಲಿ ನಮೋ ನಮೋ ಜನರು ಅಧಿಕಾರದಿಂದ ಹೊರಬೀಳಲಿದ್ದಾರೆ ಮತ್ತು ಜೈ ಭೀಮ್‌ ಜನರು ಅಧಿಕಾರಕ್ಕೆ ಬರಲಿದ್ದಾರೆ ಮತ್ತು ಅದುವೇ ದೇಶದ ಇಂದಿನ ಅಗತ್ಯವಾಗಿದೆ’ ಎಂದು ಮಾಯಾವತಿ ಹೇಳಿದರು.

Disclaimer:The views expressed in comments section published on Udayavani.com are those of comment writers alone. They do not represent the views or opinions of Udayavani.com, its staff or The Manipal Group, or any entity associated with The Manipal Group. Udayavani.com reserves rights to remove a comment or all the comments any time.

To report any comment you can email us at udayavani.response@manipalgroup.info. We will review the request and delete the comments.


ಈ ವಿಭಾಗದಿಂದ ಇನ್ನಷ್ಟು

ಹೊಸ ಸೇರ್ಪಡೆ