ಹಿಂದೆ ಸರಿದ ಚೀನ ಪಡೆ
Team Udayavani, Jun 10, 2020, 12:25 PM IST
ಹೊಸದಿಲ್ಲಿ : ಚೀನಕ್ಕೆ ಬುದ್ಧಿ ಬಂದಿದೆ. ಕೊನೆಗೂ ಭಾರತದ ಶಾಂತಿ ತತ್ವವೇ ಗೆದ್ದಿದೆ. ಚೀನ ಪಡೆಗಳು ಎಲ್ಎಸಿ ಸಮೀಪದ ಗಲ್ವಾನ್ ತೀರ ದಿಂದ 2 ಕಿ.ಮೀ. ಹಿಂದಕ್ಕೆ ಸರಿದಿವೆ. ಪಿಪಿ 14, ಪಿಪಿ 15, ಪಿಪಿ 17 ಪ್ರದೇಶಗಳಿಂದ ಚೀನ ಸೇನೆ ಹಿಂದಡಿ ಇಟ್ಟಿದೆ. ಆದರೆ ಪಿಎಲ್ಎ ಸುಮಾರು 100 ಟ್ಯಾಂಕರ್ ಹಾಗೂ ಫಿರಂಗಿಗಳನ್ನು ಇಷ್ಟು ದಿನ ಸೇನೆ ನಿಯೋಜನೆಗೊಂಡಿದ್ದ ಜಾಗದಲ್ಲಿಯೇ ಬಿಟ್ಟು ಹೋಗಿದೆ ಎಂದು ಉನ್ನತ ಮೂಲಗಳು ತಿಳಿಸಿವೆ. “ಗಲ್ವಾನ್ ತೀರದಿಂದ ಚೀನ ಸೈನಿಕರನ್ನು, ದೋಣಿಗಳನ್ನು ತುಂಬಿಕೊಂಡ 20 ಟ್ರಕ್ಗಳು ವಾಪಸ್ ಹೋಗಿವೆ. ಎಲ್ಎಸಿ ಬಳಿಗೆ ಮೊದಲು ಬಂದವರು ಅವರು. ಹಾಗಾಗಿ ಮೊದಲು ಅವರೇ ಹಿಂದಕ್ಕೆ ಹೋಗಬೇಕು’ ಎಂದು ಸರಕಾರದ ಉನ್ನತ ಮೂಲಗಳು ತಿಳಿಸಿವೆ.
ಬೇಗ ಪರಿಹಾರ?: ರಾಜತಾಂತ್ರಿಕ ಮಟ್ಟದಲ್ಲಿ ಕೆಲವು ಮಾತುಕತೆಗಳ ನಂತರ, ಜುಲೈ ವೇಳೆಗೆ ಗಡಿ ಬಿಕ್ಕಟ್ಟಿಗೆ ಸ್ಪಷ್ಟ ಪರಿಹಾರ ಸಿಗುವ ಸಾಧ್ಯತೆ ಇದೆ ಎನ್ನಲಾಗುತ್ತಿದೆ. ಲಡಾಖ್ ಗಡಿಯಲ್ಲಿ ವಿವಾದದ ಕಾರ್ಮೋಡ ಕವಿದು ಈಗಾಗಲೇ 1 ತಿಂಗಳು ಕಳೆದಿದೆ. ಈ ಹಿಂದೆ 2017ರಲ್ಲಿ ಡೋಕ್ಲಾಮ್ ಬಿಕ್ಕಟ್ಟು 73 ದಿನಗಳ ನಂತರ ಶಮನಗೊಂಡಿತ್ತು.
ಲಡಾಖ್ ಗಡಿಯಲ್ಲಿ ಮತ್ತೂಂದು ಮಾತುಕತೆ
ಲಡಾಖ್ನ ಗಡಿಯಲ್ಲಿ ಭಾರತ- ಚೀನ ನಡುವೆ ಇನ್ನೊಂದು ಮಹತ್ವದ ಮಾತುಕತೆ ಏರ್ಪಡುವ ಸಾಧ್ಯತೆ ಇದೆ. “ಚುಶುಲ್ ಪಾಯಿಂಟ್ನ ಮಿಲಿಟರಿ ತಂಡ ಈ ಮಾತುಕತೆಗೆ ಸಿದ್ಧತೆ ನಡೆಸುತ್ತಿದ್ದು, ಅತೀ ಶೀಘ್ರದಲ್ಲಿ ಮಾತುಕತೆ ನಡೆಯಲಿದೆ’ ಎಂದು ಸೇನೆಯ ಮೂಲಗಳು ತಿಳಿಸಿವೆ.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
Election: ಕೇರಳದಲ್ಲಿ “ರಾಹುಲ್ ಗಾಂಧಿ ಡಿಎನ್ಎ ಪರೀಕ್ಷೆ’ ವಿವಾದ
ಕರ್ನಾಟಕದಲ್ಲಿ ಹಿಂದುಳಿದ ವರ್ಗಕ್ಕೆ ಮುಸ್ಲಿಮರು: ಆಯೋಗ ಆಕ್ಷೇಪ
Tapi River; ಸಲ್ಮಾನ್ ಮನೆ ದಾಳಿಗೆ ಬಳಸಿದ್ದ ಅಸ್ತ್ರ ನದಿಯಲ್ಲಿ ವಶ!
MDH- Everest ಮಸಾಲೆ ನಿಷೇಧ: ಸಿಂಗಾಪುರ, ಹಾಂಕಾಂಗ್ ನಿಂದ ವಿವರ ಕೇಳಿದ ಭಾರತ
Loksabha Election; ಬಿಜೆಪಿ 14ನೇ ಪಟ್ಟಿ: ಲಡಾಖ್ ಹಾಲಿ ಸಂಸದ ನಮ್ಗ್ಯಾಲ್ ಗೆ ಕೊಕ್