ಅಂತರ್ಜಾಲ ತನಿಖಾ ಘಟಕ ಶುರು

Team Udayavani, Nov 16, 2019, 5:21 AM IST

ಹೊಸದಿಲ್ಲಿ: ಕೇಂದ್ರ ತನಿಖಾ ಸಂಸ್ಥೆ ಸಿಬಿಐ, ಮಕ್ಕಳ ಮೇಲಿನ ಲೈಂಗಿಕ ದೌರ್ಜನ್ಯ ಹಾಗೂ ಶೋಷಣೆ ತಡೆಯಲು ಆಧುನಿಕ ತಂತ್ರಜ್ಞಾನದ ಮೊರೆಹೋಗಿದೆ. ಮಕ್ಕಳ ಮೇಲಿನ ಲೈಂಗಿಕ ದೌರ್ಜನ್ಯ ಹಾಗೂ ಶೋಷಣೆ ತಡೆ/ತನಿಖೆ (ಒಸಿಎಸ್‌ಎಇ) ಎಂಬ ಅಂತರ್ಜಾಲ ಘಟಕವನ್ನು ಅದು ತೆರೆದಿದೆ.

ಅದರ ಮೂಲಕ ಹೆಚ್ಚುತ್ತಿರುವ ಈ ರೀತಿಯ ದೌರ್ಜನ್ಯವನ್ನು ತಡೆಯಲು ಸಿದ್ಧವಾಗಿದೆ. ಇದೊಂದು ವಿಶೇಷ ಘಟಕ. ಸಿಬಿಐನ ವಿಶೇಷ ಅಪರಾಧ ತನಿಖಾ ಘಟಕದ ಅಡಿಯಲ್ಲಿ ಕಾರ್ಯನಿರ್ವಹಿಸುತ್ತದೆ. ಮಕ್ಕಳನ್ನು ಶೋಷಿ ಸುವಂತಹ ವಿಷಯಗಳನ್ನು ಸಿದ್ಧಪಡಿಸಿ, ಅದನ್ನು ಅಂತರ್ಜಾಲದಲ್ಲಿ ಹರಡುವ ವ್ಯಕ್ತಿ ಗಳನ್ನು ಪತ್ತೆ ಹಚ್ಚುತ್ತದೆ. ಅಷ್ಟು ಮಾತ್ರವಲ್ಲ, ಈ ವಿಷಯ ಗಳನ್ನು ಹುಡುಕಿ, ಸಂಗ್ರಹಿಸುವ ವ್ಯಕ್ತಿ ಗಳ ಕುರಿತೂ ಮಾಹಿತಿ ಸಂಗ್ರಹಿಸುತ್ತದೆ. ಶೋಷಕರ ವಿರುದ್ಧ ಐಪಿಸಿ ನಿಯಮಗಳು, 2012ರಲ್ಲಿ ತಯಾರಾದ ಕಠಿನ ಪೋಕ್ಸೋ ಕಾಯಿದೆಯಡಿ ದೂರನ್ನು ದಾಖಲಿಸಲಾಗುತ್ತದೆ.


ಈ ವಿಭಾಗದಿಂದ ಇನ್ನಷ್ಟು

ಹೊಸ ಸೇರ್ಪಡೆ