22ಕ್ಕೆ ಚಂದ್ರಯಾನ-2

 ಹೊಸ ದಿನಾಂಕ ಪ್ರಕಟಿಸಿದ ಇಸ್ರೋ

Team Udayavani, Jul 19, 2019, 6:00 AM IST

ಹೊಸದಿಲ್ಲಿ: ತಾಂತ್ರಿಕ ಕಾರಣಗಳಿಂದ ಮುಂದೂಡಲ್ಪಟ್ಟಿದ್ದ “ಚಂದ್ರಯಾನ-2′ ಯೋಜನೆಯ ರಾಕೆಟ್‌ ಉಡಾವಣೆ ಇದೇ ತಿಂಗಳ 22ರಂದು ನಡೆಯಲಿದೆ ಎಂದು ಭಾರತೀಯ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆ (ಇಸ್ರೋ) ಪ್ರಕಟಿಸಿದೆ. ಜು. 22ರ ಅಪರಾಹ್ನ 2.43ರ ಸುಮಾರಿಗೆ ಉಡಾವಣೆ ನಡೆಸಲಾಗುವುದು ಎಂದು ಸಂಸ್ಥೆ ಟ್ವೀಟ್‌ ಮಾಡಿದೆ.

ಈ ಮೊದಲು ಜು. 14ರ ಮಧ್ಯರಾತ್ರಿ 2.51ಕ್ಕೆ ಉಡಾವಣೆಯಾಗಬೇಕಿದ್ದ “ಜಿಎಸ್‌ಎಲ್‌ವಿ ಎಂ.ಕೆ-3′ ರಾಕೆಟ್‌ನಲ್ಲಿ ಉಡಾವಣೆಗೆ 56 ನಿಮಿಷಗಳಿದ್ದಾಗ ತಾಂತ್ರಿಕ ದೋಷ ಕಾಣಿಸಿಕೊಂಡ ಹಿನ್ನೆಲೆಯಲ್ಲಿ ಉಡಾವಣೆಯನ್ನು ಸ್ಥಗಿತಗೊಳಿಸಲಾಗಿತ್ತು.

ಇದೇ ತಿಂಗಳಿಗೆ ಆದ್ಯತೆ
ಜು.31ರೊಳಗೆ ಚಂದ್ರ ಯಾನ-2 ಅನ್ನು ಅನುಷ್ಠಾನ ಗೊಳಿಸ ಬೇಕು ಎಂದು ಇಸ್ರೋ ನಿರ್ಧ ರಿ ಸಿದೆ ಎಂದು ಆ ಸಂಸ್ಥೆಯ ಹಿರಿಯ ವಿಜ್ಞಾನಿ ಯೊಬ್ಬರು ಹೇಳಿದ್ದಾರೆ. ಭೂಮಿಯ ಗುರುತ್ವಾ ಕರ್ಷಣ ಶಕ್ತಿ, ಚಂದ್ರನು ಭೂಮಿಗೆ ಹತ್ತಿರಕ್ಕೆ ಸರಿದು ಬಂದಿರು ವಂಥ ಸನ್ನಿವೇಶ ಮುಂತಾದ ಹಲವಾರು ವಿಚಾರ ಗಳನ್ನು ಲೆಕ್ಕ ಹಾಕಿಯೇ ಈ ಯೋಜನೆ ಅನುಷ್ಠಾನ ಗೊಳಿಸ ಬೇಕು. ಹಾಗಾಗಿ ಈ ತಿಂಗಳು ಸಾಧ್ಯ ವಾಗ ದಿದ್ದರೆ ಈ ಯೋಜನೆಯ ಅನುಷ್ಠಾನ ಸಾಧ್ಯ ವಾಗುವುದು ಸೆಪ್ಟಂಬರ್‌ನಲ್ಲಿಯೇ. ಅದು ಬಿಟ್ಟರೆ ಇನ್ನು ಮುಂದಿನ ವರ್ಷವೇ ಈ ಯೋಜನೆ ಅನುಷ್ಠಾನಗೊಳ್ಳಲಿದೆ ಎಂದಿದ್ದಾರೆ.

ಯಾವಾಗೆಂದರೆ ಅವಾಗ ಯೋಜನೆ ಉಡಾವಣೆಗೊಳಿಸಿದರೆ ರಾಕೆಟ್‌ನಲ್ಲಿನ ಪರಿಕರಗಳು ನಿಗದಿತ ಅವಧಿ ಯ ವರೆಗೆ ಕೆಲಸ ಮಾಡುವುದಿಲ್ಲ. ಉದಾಹರಣೆಗೆ, ಚಂದ್ರನ ಸುತ್ತಬೇಕಾದ ಆರ್ಬಿಟರ್‌ ಈಗ ನಿಗದಿ ಗೊಳಿಸಲಿರುವ 1 ವರ್ಷದ ಅವಧಿಗೆ ಬದಲಾಗಿ ಕೇವಲ 6 ತಿಂಗಳಷ್ಟೇ ಕಾರ್ಯಾಚರಣೆ ನಡೆಸಬಹುದು. ಹಾಗೊಂದು ವೇಳೆ ಯೋಜನೆ ಪುನಃ ಮುಂದೂಡಲ್ಪಟ್ಟರೆ ಯೋಜನೆಯನ್ನೇ ಮತ್ತೂಮ್ಮೆ ಪರಿಷ್ಕರಿಸಬೇಕಾಗುತ್ತದೆ ಎಂದಿದ್ದಾರೆ.

ಶ್ರೀ ಅಷ್ಠ ಲಕ್ಷ್ಮೀ ಜೋತಿಷ್ಯ ಮಂದಿರ,
ಉದ್ಯೋಗ, ಮದುವೆ ವಿಳಂಬ, ಸತಿ-ಪತಿ ಕಲಹ, ಶತ್ರುಪೀಡೆ, ಅತ್ತೆ-ಸೊಸೆ ಕಲಹ, ವಶೀಕರಣ, ವ್ಯವಹಾರದಲ್ಲಿ ನಷ್ಟ, ಇನ್ನೂ ನಿಮ್ಮಸಮಸ್ಯೆ ಯಾವುದೇ ಇರಲಿ, ಎಷ್ಟೇ ಕಠಿಣವಾಗಿರಲಿ ಶಾಶ್ವತ ಪರಿಹಾರ ಶತಃ ಶಿದ್ದ , ನಿಮ್ಮ ಯಾವುದೇ ಇಷ್ಟಾರ್ಥ ಕಾರ್ಯಗಳಿದ್ದರೂ ಕೇವಲ 5 ದಿನಗಳಲ್ಲಿ ನೇರವೆರಿಸಿ ಕೋಡುತ್ತಾರೇ. ಇಂದೇ ಭೇಟಿ ನೀಡಿ.
ಶ್ರೀ ಶ್ರೀ ಬಿ ಹೆಚ್ ಆಚಾರ್ಯ ಗೂರುಜೀ
ಜಯನಗರ ಬೆಂಗಳೂರು, ಮೋ- 8884889444

ಈ ವಿಭಾಗದಿಂದ ಇನ್ನಷ್ಟು

ಹೊಸ ಸೇರ್ಪಡೆ