ರೈಲ್ವೆಯಲ್ಲಿ ಹುದ್ದೆಗಳ ಹೆಸರು ಬದಲಾವಣೆ ಜಾಮ್ದಾರನಲ್ಲ, ಸಹಾಯಕ!
Team Udayavani, Feb 6, 2019, 12:30 AM IST
ಹೊಸದಿಲ್ಲಿ: ರೈಲ್ವೆ ಇಲಾಖೆಯಲ್ಲಿ ಬ್ರಿಟಿಷರ ಕಾಲದಿಂದಲೂ ಜಾರಿಯಲ್ಲಿದ್ದ ಧೋಬಿ, ಚೌಕಿದಾರ, ಹಮಾಲ, ಬಿಸ್ತಿ, ಕ್ಲೀನರ್, ಖಲಾಸಿ, ಪ್ಯೂನ್, ಕುಕ್, ವೇಟರ್ ಹಾಗೂ ಪೋರ್ಟರ್ ಸೇರಿದಂತೆ ವಿವಿಧ ಹುದ್ದೆಗಳ ಹೆಸರನ್ನು ಬದಲಿಸಲಾಗಿದೆ. ಇವರೆಲ್ಲರನ್ನೂ ಸಹಾಯಕರು (ಅಸಿಸ್ಟೆಂಟ್) ಎಂದು ಕರೆಯಲಾಗಿದೆ. ಲಕ್ಷಾಂತರ ಕೆಲಸಗಾರರನ್ನು ಹಿಂದಿನಿಂದಲೂ ಅವರು ಮಾಡುತ್ತಿದ್ದ ಕೆಲಸದ ವಿಧಾನದ ಮೇಲೆ ಗುರುತಿಸಲಾಗುತ್ತಿತ್ತು. ಹಲವು ಸುತ್ತಿನ ಸಲಹೆ ಮತ್ತು ಚರ್ಚೆಯ ಅನಂತರ ಈ ಬದಲಾವಣೆ ಮಾಡಲು ಕಳೆದ ತಿಂಗಳು ರೈಲ್ವೆ ಮಂಡಳಿ ಅಧಿಸೂಚನೆ ಹೊರಡಿಸಿತ್ತು.
ಕೆಲವು ಹುದ್ದೆಗಳ ಹೆಸರು ದೇಶದಲ್ಲಿ ರೈಲ್ವೆ ಅಸ್ತಿತ್ವಕ್ಕೆ ಬಂದ 1853 ರಿಂದಲೂ ಚಾಲ್ತಿಯಲ್ಲಿದೆ. ಇನ್ನೂ ಕೆಲವು ಹುದ್ದೆಗಳು ಈಗ ಅಸ್ತಿತ್ವವನ್ನೇ ಕಳೆದುಕೊಂಡಿವೆ. ಆದರೆ ಹುದ್ದೆಗಳ ಹೆಸರು ಮಾತ್ರ ಬದಲಾವಣೆಯಾಗಿದ್ದು, ಈ ಹುದ್ದೆಯಲ್ಲಿರುವವರು ಮಾಡುವ ಕೆಲಸದಲ್ಲಿ ಯಾವುದೇ ಬದಲಾವಣೆ ಮಾಡಿಲ್ಲ. ಈಗಿನ ಕಾಲದಲ್ಲಿ ಈ ಹೆಸರುಗಳಿಂದ ತಮ್ಮನ್ನು ಗುರುತಿಸಿಕೊಳ್ಳಲು ಉದ್ಯೋಗಿಗಳು ಮುಜುಗರಪಡುತ್ತಿದ್ದರು. ಇದು ನೌಕರರ ಘನತೆಗೆ ತಕ್ಕುದಾದ್ದಲ್ಲ ಎಂಬ ಕಾರಣಕ್ಕೆ ಈ ನಿರ್ಧಾರ ಕೈಗೊಳ್ಳಲಾಗಿದೆ ಎಂದು ರೈಲ್ವೆ ಇಲಾಖೆ ಮೂಲಗಳು ತಿಳಿಸಿವೆ.
ಈಗ ಕುಕ್, ವೇಟರ್ಗಳನ್ನು ಕೇಟರಿಂಗ್ ಅಸಿಸ್ಟೆಂಟ್ಗಳು ಎಂದು ಗುರುತಿಸಲಾಗುತ್ತದೆ. ಅದೇ ರೀತಿ ವಾಶ್ ಬಾಯ್ಗಳು, ಚಪಾತಿ ಮೇಕರ್, ಟೀ/ಕಾಫಿ ಮೇಕರ್, ಬಿಯರರ್ ಮತ್ತು ಕ್ಲೀನರ್ಗಳನ್ನು ಕ್ಯಾಂಟೀನ್ ಅಸಿಸ್ಟೆಂಟ್ ಎಂದು ಕರೆಯಲಾಗುತ್ತದೆ. ಫರ್ರಾಶ್, ಲಿಫ್ಟರ್, ಫೈಂಡರ್, ರೆಕಾರ್ಡ್ ಸಾರ್ಟರ್, ಸಂದೇಶವಾಹಕ ಹುದ್ದೆಗಳೆಲ್ಲ ಈಗ ಅಸ್ತಿತ್ವ ಕಳೆದುಕೊಂಡಿದ್ದು, ಇವರನ್ನು ಸಾಮಾನ್ಯ ಸಹಾಯಕರು ಎಂದು ಕರೆಯಲಾಗಿದೆ.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
Madhya Pradesh Rally; ಕೈಯಿಂದ ಮೀಸಲಾತಿ ಕಸಿಯುವ ಯತ್ನ: ಪ್ರಧಾನಿ ಮೋದಿ
Rahul Gandhi: ಜಾತಿಗಣತಿಯನ್ನು ಯಾವ ಶಕ್ತಿಯೂ ತಡೆಯಲಾರದು: ರಾಹುಲ್ ಗಾಂಧಿ
Rajveer Diler: ಹೃದಯಾಘಾತದಿಂದ ಬಿಜೆಪಿ ಸಂಸದ ರಾಜ್ವೀರ್ ದಿಲೇರ್ ನಿಧನ
Scam: 25,000 ಕೋಟಿ ಬ್ಯಾಂಕ್ ಹಗರಣ ಪ್ರಕರಣ: ಅಜಿತ್ ಪವಾರ್ ಪತ್ನಿ ಸುನೇತ್ರಾಗೆ ಕ್ಲೀನ್ ಚಿಟ್
LS Polls: ವೇದಿಕೆಯಲ್ಲಿ ಭಾಷಣ ಮಾಡುತ್ತಲೇ ಅಸ್ವಸ್ಥಗೊಂಡ ಕೇಂದ್ರ ಸಚಿವ ನಿತಿನ್ ಗಡ್ಕರಿ