ದೇಶದಲ್ಲಿ ಆರ್ಥಿಕ ತುರ್ತು ಪರಿಸ್ಥಿತಿ: ಕಾಂಗ್ರೆಸ್‌ ಆರೋಪ

Team Udayavani, Aug 18, 2019, 8:05 PM IST

ಹೊಸದಿಲ್ಲಿ: ದೇಶದಲ್ಲಿ ಆರ್ಥಿಕತೆ ತೀವ್ರ ಕುಸಿತಗೊಂಡಿದ್ದು, ತುರ್ತು ಪರಿಸ್ಥಿತಿ ಉದ್ಭವವಾಗಿದೆ ಎಂದು ಕಾಂಗ್ರೆಸ್‌ ಹೇಳಿದೆ.

ಈ ಕುರಿತಂತೆ ಪತ್ರಿಕಾಗೋಷ್ಠಿಯಲ್ಲಿ ಮಾತನಾಡಿದ ಕಾಂಗ್ರೆಸ್‌ ವಕ್ತಾರ ಅಭಿಷೇಕ್‌ ಮನು ಸಿಂಘ್ವಿ ಅವರು, ಆರ್ಥಿಕತೆ ಅಧಃಪತನವಾಗುತ್ತಿರುವುದರಿಂದ, ಜನರ ಗಮನವನ್ನು ಬೇರೆಡೆಗೆ ಸೆಳೆಯಲು ಬಿಜೆಪಿ ಸರಕಾರ ನಾಟಕವಾಡುತ್ತಿದೆ ಎಂದು ಟೀಕಿಸಿದರು.

ಅವರು ವಿಶೇಷವಾಗಿ ದೇಶದ ಆಟೋಮೊಬೈಲ್‌ ವಲಯ ತೀವ್ರವಾಗಿ ಕುಸಿತಗೊಂಡಿದ್ದನ್ನು ಪ್ರಸ್ತಾವಿಸಿದರು. 2018 ಜುಲೈನಿಂದ ಮಾರುಕಟ್ಟೆ ತೀವ್ರ ಕುಸಿತ ಕಂಡಿದೆ. ಶೇ.31ರಷ್ಟು ಮಾರಾಟ ಕಡಿಮೆಯಾಗಿದ್ದು, ಕಳೆದ 9 ತಿಂಗಳಿಂದ ಮಾರಾಟ ತೀವ್ರ ಇಳಿಕೆ ಕಂಡಿದೆ ಎಂದು ಹೇಳಿದರು. ಇದರೊಂದಿಗೆ ಅವರು ಷೇರು ಮಾರುಕಟ್ಟೆ ಕುಸಿತ, ಜಿಡಿಪಿ ಕುಸಿತ, ರಿಯಲ್‌ ಎಸ್ಟೇಟ್‌, ರೂಪಾಯಿ ಕುಸಿತ, ವಿದೇಶಿ ನೇರ ಬಂಡವಾಳ ಹೂಡಿಕೆ ಕುಸಿತವಾಗಿರುವುದನ್ನು ಬೊಟ್ಟು ಮಾಡಿದರು. ಅಲ್ಲದೇ ಪ್ರಧಾನಿ ನರೇಂದ್ರ ಮೋದಿಯವರ 1ನೇ ಅವಧಿಯಿಂದ 2ನೇ ಅವಧಿಗೆ ಆರ್ಥಿಕ ಕುಸಿತ ಹೆಚ್ಚು ಪ್ರಗತಿಯಲ್ಲಿದೆ ಎಂದು ಲೇವಡಿ ಮಾಡಿದರು.

Disclaimer:The views expressed in comments section published on Udayavani.com are those of comment writers alone. They do not represent the views or opinions of Udayavani.com, its staff or The Manipal Group, or any entity associated with The Manipal Group. Udayavani.com reserves rights to remove a comment or all the comments any time.

To report any comment you can email us at udayavani.response@manipalgroup.info. We will review the request and delete the comments.



ಈ ವಿಭಾಗದಿಂದ ಇನ್ನಷ್ಟು

ಹೊಸ ಸೇರ್ಪಡೆ