ಇಕ್ಬಾಲನೇ ಮಿರ್ಚಿ ಎಂದು ಗೊತ್ತಿರಲಿಲ್ಲ

Team Udayavani, Oct 21, 2019, 5:06 AM IST

ಮುಂಬೈ: ಇಕ್ಬಾಲ್‌ ಮೆಮನ್‌ ಮತ್ತು ಇಕ್ಬಾಲ್‌ ಮಿರ್ಚಿ ಇಬ್ಬರೂ ಒಬ್ಬರೇ ಎಂಬ ವಿಚಾರವೇ ನನಗೆ ಗೊತ್ತಿರ ಲಿಲ್ಲ ಎಂದು ಶುಕ್ರವಾರ ಜಾರಿ ನಿರ್ದೇಶನಾಲಯದ ಮುಂದೆ ವಿಚಾರಣೆಗೆ ಹಾಜರಾದ ಎನ್‌ಸಿಪಿ ನಾಯಕ ಪ್ರಫ‌ುಲ್‌ ಪಟೇಲ್‌ ಹೇಳಿಕೆ ನೀಡಿದ್ದಾರೆ.

ಭೂಗತ ಪಾತಕಿ ದಾವೂದ್‌ ಇಬ್ರಾಹಿಂ ಸಹಚ ರನ ಕುಟುಂಬ ನಡೆಸಿರುವ ಅಕ್ರಮ ಹಣಕಾಸು ವರ್ಗಾವಣೆ ಪ್ರಕರಣ ಸಂಬಂಧ ಇ.ಡಿ. ಅಧಿಕಾರಿ ಗಳು ಸುಮಾರು 12 ಗಂಟೆಗಳ ಕಾಲ ಪ್ರಫ‌ುಲ್‌ರ ವಿಚಾರಣೆ ನಡೆಸಿದೆ. ಪ್ರಫ‌ುಲ್‌ ಕುಟುಂಬದ ಒಡೆತನದ ಮಿಲೇನಿಯಂ ಡೆವಲ ಪರ್ಸ್‌ ಮತ್ತು ಮಿರ್ಚಿಯ ಕುಟುಂಬದ ನಡುವಿನ ವ್ಯವಹಾರಗಳ ಕುರಿತು ಪ್ರಶ್ನೆಗಳನ್ನು ಕೇಳಲಾಗಿದೆ.

ಇಕ್ಬಾಲ್‌ ಮೆಮನೇ ಮಿರ್ಚಿ ಎಂದು ನನಗೆ ಗೊತ್ತಿರಲಿಲ್ಲ. ಅಲ್ಲದೆ ನನ್ನ ಸಂಬಂಧಿಯೊಬ್ಬನ ಪರಿಚಯದಿಂದ ಮಿರ್ಚಿ ಜೊತೆ ಮಾತುಕತೆ ನಡೆದಿತ್ತು. ಆ ಸಂಬಂಧಿಕ ಈಗಾಗಲೇ ಮೃತಪಟ್ಟಿದ್ದಾನೆ ಎಂದು ಪಟೇಲ್‌ ತಿಳಿಸಿದ್ದಾರೆ.
ಇನ್ನು ಮಿರ್ಚಿಯ ಪತ್ನಿಯು ಮಿಲೇನಿಯಂ ಡೆವಲಪರ್ಸ್‌ಗೆ 5 ಕೋಟಿ ರೂ. ವರ್ಗಾವಣೆ ಮಾಡಿರುವ ಕುರಿತ ಪ್ರಶ್ನೆಗೆ ಅವರು, ಅದು ಕಟ್ಟಡದ ನಿರ್ವಹಣೆಗಾಗಿ ಕೊಟ್ಟ ಮೊತ್ತವಿರಬಹುದು ಎಂದಿದ್ದಾರೆ. ಇದೇ ವೇಳೆ ಪಟೇಲ್‌ ಹಾಗೂ ಮಿರ್ಚಿ ನಡುವಿನ ದೂರವಾಣಿ ಸಂಭಾಷಣೆಯನ್ನೂ ತನಿಖೆಗೊಳಪಡಿಸಲು ಇ.ಡಿ. ನಿರ್ಧರಿಸಿದೆ.

Disclaimer:The views expressed in comments section published on Udayavani.com are those of comment writers alone. They do not represent the views or opinions of Udayavani.com, its staff or The Manipal Group, or any entity associated with The Manipal Group. Udayavani.com reserves rights to remove a comment or all the comments any time.

To report any comment you can email us at udayavani.response@manipalgroup.info. We will review the request and delete the comments.


ಈ ವಿಭಾಗದಿಂದ ಇನ್ನಷ್ಟು

ಹೊಸ ಸೇರ್ಪಡೆ