195 ದೇಶಗಳ ಅಧ್ಯಯನ ವರದಿ ಬಹಿರಂಗ : ಅಗ್ನಿಗೆ 27,027 ಸಾವು
Team Udayavani, Dec 23, 2019, 1:14 AM IST
ಸಾಂದರ್ಭಿಕ ಚಿತ್ರವನ್ನು ಬಳಸಲಾಗಿದೆ – Representative Image Used
ಮುಂಬಯಿ: ಅಗ್ನಿ ಅನಾಹುತದಿಂದ ಭಾರತದಲ್ಲಿ ಸಾಯುವವರ ಸಂಖ್ಯೆ ಗಂಭೀರ ಪ್ರಮಾಣದಲ್ಲಿದೆ ಎಂದು ವರದಿಯೊಂದು ಹೇಳಿದೆ. 2017ರಲ್ಲೊಂದರಲ್ಲೇ ಭಾರತದಲ್ಲಿ 27,027 ಸಾವು ಸಂಭವಿಸಿದೆ, ಇದು ಚೀನದಲ್ಲಿ ಸಂಭವಿಸಿದ ಸಾವಿಗಿಂತ ಎರಡೂವರೆ ಪಟ್ಟು ಜಾಸ್ತಿ. ಗ್ಲೋಬಲ್ ಡಿಸೀಸಸ್ ಬರ್ಡನ್ ಎಂಬ ಸಂಸ್ಥೆ ಮಾಡಿದ ಈ ಅಧ್ಯಯನ ವರದಿ, ಬಿಎಂಜೆ ಇಂಜ್ಯುರಿ ಪ್ರಿವೆನ್ಶನ್ ಜರ್ನಲ್ನಲ್ಲಿ ಪ್ರಕಟವಾಗಿದೆ.
2017ರ ಅಂಕಿಸಂಖ್ಯೆ ಪ್ರಕಾರ, ಜಗತ್ತಿನಲ್ಲಿ ಅಗ್ನಿ ಅನಾಹುತದಿಂದ ವರದಿಯಾದ ಪ್ರತೀ 5ನೇ ಸಾವು ಭಾರತದಲ್ಲೇ ಸಂಭವಿಸಿದೆ. ಈ ವರ್ಷ ಭಾರತದಲ್ಲಿ ಒಟ್ಟು 10.6 ಲಕ್ಷ ಅಗ್ನಿ ಅನಾಹುತಗಳು ಸಂಭವಿಸಿವೆ. ಅದರಲ್ಲಿ 27,027 ಸಾವು-ನೋವಿನ ವರದಿಯಾಗಿದೆ. ಇದಕ್ಕೆ ಹೋಲಿಸಿದರೆ ಚೀನದಲ್ಲಿ ಪ್ರಮಾಣ ಕಡಿಮೆಯಿದೆ. ಅಲ್ಲಿ 10,836 ಸಾವುಗಳು ಮಾತ್ರ ಸಂಭವಿಸಿವೆ. ಭಾರತ, ಪಾಕಿಸ್ಥಾನ ಸೇರಿದಂತೆ ಒಟ್ಟು 7 ದೇಶಗಳಲ್ಲಿ ನಡೆದ ಸಾವುಗಳ ಪೈಕಿ, ಅರ್ಧರಷ್ಟು ಅಗ್ನಿ ಅನಾಹುತದಿಂದಲೇ ಆಗಿವೆ.
ಜಾಗತಿಕ ಲೆಕ್ಕಾಚಾರ ಹೇಗಿದೆ?: 2017ರಲ್ಲಿ ಜಗತ್ತಿನ 195 ದೇಶಗಳ ಅಗ್ನಿ ಅನಾಹುತದ ಅಂಕಿಸಂಖ್ಯೆ ಸಂಗ್ರಹಿಸಲಾಗಿದೆ. ಒಟ್ಟು 90 ಲಕ್ಷ ಘಟನೆಗಳು ವರದಿಯಾಗಿವೆ. 1.2 ಲಕ್ಷ ಸಾವುಗಳು ಸಂಭವಿಸಿವೆ. ಸತ್ತವರಲ್ಲಿ ಬಹುತೇಕರು ಒಂದೋ ಐದಕ್ಕಿಂತ ಕಡಿಮೆ ವಯಸ್ಸಿನವರು, ಇಲ್ಲವೇ 60 ವರ್ಷಕ್ಕಿಂತ ಮೇಲ್ಪಟ್ಟವರು. ಭಾರತದ ನಗರಪ್ರದೇಶಗಳಲ್ಲಿ ಈ ವಯೋಮಾನಗಳ ಸಾವು ಹೆಚ್ಚಾಗಿ ಸಂಭವಿಸಿದೆ.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
Brahmos; ಫಿಲಿಪ್ಪೀನ್ಸ್ಗೆ ಬ್ರಹ್ಮೋಸ್: ಭಾರತದ ಮೊದಲ ರಫ್ತು
EC ಚುನಾವಣ ಆಯೋಗ ಅಲ್ಲ, ಬಿಜೆಪಿ ಆಯೋಗ: ಮಮತಾ ಬ್ಯಾನರ್ಜಿ ಟೀಕಾಸ್ತ್ರ
ED; ನಾನು ತಿಂದದ್ದು ಮೂರೇ ಮಾವು: ಕೋರ್ಟ್ಗೆ ಕೇಜ್ರಿವಾಲ್ ಮಾಹಿತಿ
Nagaland Poll: ಬೇಡಿಕೆ ಈಡೇರಿಸಿ- ಆರು ಜಿಲ್ಲೆಗಳಲ್ಲಿ ಒಂದೇ ಒಂದು ಮತದಾನ ನಡೆದಿಲ್ಲ!
Manipura: ಮತಗಟ್ಟೆ ಮೇಲೆ ಗುಂಡಿನ ದಾಳಿ… ದಿಕ್ಕಾ ಪಾಲಾಗಿ ಓಡಿದ ಮತದಾರರು