ಆಟೋ ವಲಯ -ಬಿಸ್ಕೆಟ್‌ ಕಂಪನಿಗಳಿಗೆ ನಿರಾಸೆ?

ಜಿಎಸ್‌ಟಿ ರಿಯಾಯಿತಿ ಕಡಿತ ಅಸಂಭವ

Team Udayavani, Sep 18, 2019, 7:00 PM IST

ಹೊಸದಿಲ್ಲಿ: ಶುಕ್ರವಾರ ದಿಲ್ಲಿಯಲ್ಲಿ ಸರಕು ಮತ್ತು ಸೇವಾ ತೆರಿಗೆ ಸಮಿತಿ (ಜಿಎಸ್‌ಟಿ ಕೌನ್ಸಿಲ್‌) ಸಭೆ ನಡೆಯಲಿದ್ದು, ಕೆಲವು ವಲಯಗಳಿಗೆ ಜಿಎಸ್‌ಟಿ ದರ ಕಡಿತವಾಗಬಹುದೆನ್ನುವ ನಿರೀಕ್ಷೆ ಕಮರಿದೆ.

ಆಟೋ ಮತ್ತು ಬಿಸ್ಕೆಟ್‌ ತಯಾರಿಕೆ ವಲಯ ಕಳೆದ ಕೆಲವು ತಿಂಗಳಿಂದ ತೀವ್ರವಾಗಿ ಕುಸಿದಿದ್ದು, ಈ ಹಿನ್ನೆಲೆಯಲ್ಲಿ ಜಿಎಸ್‌ಟಿ ರಿಯಾಯಿತಿ ಸಿಗಬಹುದು ಎನ್ನುವ ನಿರೀಕ್ಷೆ ಇತ್ತು.

ಜಿಎಸ್‌ಟಿ ತೆರಿಗೆ ದರ ಇಳಿಸುವ ಬಗ್ಗೆ ಫಿಟ್‌ಮೆಂಟ್‌ ಸಮಿತಿ ಶಿಫಾರಸು ಸಲ್ಲಿಸಬೇಕಿದ್ದು, ದರ ಇಳಿಸುವ ಬಗ್ಗೆ ಅದು ಯಾವುದೇ ಪ್ರಸ್ತಾವನೆ ಮಾಡಿಲ್ಲ. ಈ ಹಿನ್ನೆಲೆಯಲ್ಲಿ ದರ ಕಡಿತ ಕ್ಷೀಣಗೊಂಡಿದೆ. ಸದ್ಯ ಆಟೋ ಮಾರುಕಟ್ಟೆ ಹಾಗೂ ಬ್ಯಾಂಕ್‌ಗಳ ವಲಯದಲ್ಲಿ ಆಗುತ್ತಿರುವ ಬದಲಾವಣೆಗಳ ಕಾರಣವನ್ನು ಮುಂದಿಟ್ಟುಕೊಂಡು ಫಿಟ್‌ಮೆಂಟ್‌ ಸಮಿತಿ ಯಾವುದೇ ಬದಲಾವಣೆಗೆ ಸೂಚಿಸಿಲ್ಲ.

ಸಮಿತಿ ವರದಿ ಹೇಳಿದ್ದೇನು?
ಆಟೋ ವಲಯದಲ್ಲಿ ಫಿಟ್‌ಮೆಂಟ್‌ ಸಮಿತಿ ಕೆಲವೊಂದು ಅಂಶಗಳನ್ನು ಮನಗಂಡಿದೆ. ಅದರ ಪ್ರಕಾರ ಈಗಿನ ಹಿನ್ನಡೆಗೆ ಬ್ಯಾಂಕ್‌ ಹೊರತಾದ ಸಾಲಗಾರರು ಕಾರಣ, ಅಲ್ಲದೇ ಆಟೋ ಕೈಗಾರಿಕೆಗಳ ಹಿನ್ನೆಡೆ, ಬೇಡಿಕೆ ಪೂರೈಕೆ ನಡುವಿನ ಅಸಮತೋಲನ, ಬಿಎಸ್‌4 ಮತ್ತು ಬಿಎಸ್‌6 ಎಂಜಿನ್‌ ವಾಹನಗಳ ಮಾರಾಟದಲ್ಲಿ ಆದ ಬದಲಾವಣೆ, ಹಣದ ಚಲಾವಣೆ ಕುಂಠಿತಗೊಂಡಿದ್ದರಿಂದಲೂ ಹೀಗಾಗಿದೆ ಎಂದು ಹೇಳಿದೆ. ಅಲ್ಲದೇ ಒಂದು ವೇಳೆ ಈಗ ಜಿಎಸ್‌ಟಿ ದರ ಕಡಿತ ಮಾಡಿದರೆ ಅದರ ಪರಿಣಾಮ ಬೇರೆಯ ವಲಯಗಳ ಮೇಲೂ ಆಗಬಹುದು. ಅಲ್ಲದೇ ಇತರ ವಲಯದವರೂ ದರ ಕಡಿತಕ್ಕೆ ಆಗ್ರಹಿಸಬಹುದು ಎಂದು ಹೇಳಿದೆ.

ಬಿಸ್ಕೆಟ್‌ಯೂ ಆಸೆ ನಿರಾಸೆ?
ಬಿಸ್ಕೆಟ್‌ ಸೇರಿದಂತೆ ಬೇಕರಿ ತಿನ್ನಿಸುಗಳು, ತರಕಾರಿಗಳು, ಮಿನರಲ್‌ ವಾಟರ್‌ ಬಾಟಲಿಗಳು, ಹಾಗೂ ಸಿದ್ಧ ಆಹಾರ ಪ್ಯಾಕೆಟ್‌ಗಳ ಮೇಲಿನ ದರದ ಮೇಲಿನ ಶುಲ್ಕವನ್ನು ಕಡಿತಗೊಳಿಸಲು ಪಾಲೇಜಿ, ಬ್ರಿಟಾನಿಯಾ ಕಂಪನಿಗಳು ಕೇಳಿಕೊಂಡಿದ್ದವು. ಆದರೆ ಅವರ ಆಸೆಯೂ ನಿರಾಸೆಗೊಂಡಿದ್ದು, ಪ್ಯಾನಲ್‌ ಸದಸ್ಯರು ಸದ್ಯ ದರದಲ್ಲಿ ಯಾವುದೇ ಕಡಿತ ಮಾಡುವುದಿಲ್ಲ ಎಂದಿದ್ದಾರೆ. ಬಿಸ್ಕೆಟ್‌ಗೆ ವಿವಿಧ ಸ್ಲಾéಬ್‌ಗಳಲ್ಲಿ ದರಗಳನ್ನು ವಿಧಿಸುವುದರಿಂದ ತೆರಿಗೆ ತಪ್ಪಿಸಲು ಕಾರಣವಾಗಬಹುದು ಎಂದು ಅದು ಅಭಿಪ್ರಾಯ ಪಟ್ಟಿದೆ. ಸದ್ಯ ಕಡಿಮೆ ದರದ ಬಿಸ್ಕೆಟ್‌ಗಳ ಮೇಲೆ ಶೇ.18ರಷ್ಟು (100 ಕೆ.ಜಿ.) ಜಿಎಸ್‌ಟಿ ಇದ್ದು ಇದನ್ನು ಶೇ.5ರಷ್ಟಕ್ಕೆ ಇಳಿಸಬೇಕೆನ್ನುವ ಬೇಡಿಕೆ ಕಂಪೆನಿಗಳದ್ದಾಗಿತ್ತು.

Disclaimer:The views expressed in comments section published on Udayavani.com are those of comment writers alone. They do not represent the views or opinions of Udayavani.com, its staff or The Manipal Group, or any entity associated with The Manipal Group. Udayavani.com reserves rights to remove a comment or all the comments any time.

To report any comment you can email us at udayavani.response@manipalgroup.info. We will review the request and delete the comments.


ಈ ವಿಭಾಗದಿಂದ ಇನ್ನಷ್ಟು

ಹೊಸ ಸೇರ್ಪಡೆ