ನೀನೇನು ಟ್ರಂಪ್ ಮಗನಾ? ಚುಡಾಯಿಸಿದಾತನಿಗೆ ಯುವತಿಯಿಂದ ದೊಣ್ಣೆ ಏಟು
Team Udayavani, Jul 17, 2018, 5:44 PM IST
ಜೈಪುರ : ರಾಜಸ್ಥಾನದ ಭರತ್ಪುರ ನಗರದಲ್ಲಿ ತರುಣಿಯೊಬ್ಬಳು ತನ್ನನ್ನು ಬೆನ್ನಟ್ಟಿ ಚುಡಾಯಿಸುತ್ತಿದ್ದ ಮತ್ತು ತನ್ನ ವಿರುದ್ಧ ವದಂತಿಗಳನ್ನು ಹರಡುತ್ತಿದ್ದ ಯುವಕನಿಗೆ ದೊಣ್ಣೆಯಿಂದ ಹೊಡೆದು ಹಣ್ಣುಗಾಯಿ ನೀರುಗಾಯಿ ಮಾಡಿ, “ನೀನೇನು ಟ್ರಂಪ್ ಮಗನಾ’ ಎಂದು ಸಿಟ್ಟಿನ ಭರದಲ್ಲಿ ಪ್ರಶ್ನಿಸಿರುವ ಘಟನೆಯ ವಿಡಿಯೋ ಸಾಮಾಜಿಕ ಮಾಧ್ಯಮಗಳಲ್ಲಿ ವೈರಲ್ ಆಗಿದೆ.
“ನಾನಿಲ್ಲಿ ಬಂದಿರೋದು ಕಷ್ಟಪಟ್ಟು ದುಡಿಯೋಕೆ; ನೀನು ನನ್ನ ಹೆಸರು ಹಾಳು ಮಾಡ್ತಿಯಾ ? ನೀನೇನು ಡೊನಾಲ್ಡ್ ಟ್ರಂಪ್ ಮಗನಾ?’ ಎಂದು ತರುಣಿಯು ಯುವಕನಿಗೆ ದೊಣ್ಣೆಯ ರುಚಿ ತೋರಿಸುವಾಗ ಸಿಟ್ಟಿನ ಆವೇಶದಲ್ಲಿ ಹೇಳಿರುವ ಮಾತುಗಳು ವಿಡಿಯೋದಲ್ಲಿ ದಾಖಲಾಗಿವೆ.
“ಕೆಲವು ಹುಡುಗರು ನನ್ನ ಹೆಸರು ಹಾಳು ಮಾಡಲು ಯತ್ನಿಸುತ್ತಿದ್ದಾರೆ. ಇಂಥವರಿಗೆ ನಾನು ಹೇಳ್ಳೋದು “ಹುಡುಗೀರನ್ನ ವೀಕ್ ಅಂತ ತಿಳಿಯಬೇಡಿ; ಯಾವ ಹುಡುಗಿಯೂ ವೀಕ್ ಅಲ್ಲ. ನೀನು ನಿನ್ನ ಲಿಮಿಟ್ ದಾಟಿದರೆ ನಾನು ಧ್ವನಿ ಎತ್ತುತ್ತೇನ; ಕೊನೆಗೆ ನಿನ್ನನ್ನು ಜೀವ ಸಹಿತ ಬಿಡೋದಿಲ್ಲ’ ಎಂದು ತರುಣಿಯು ಗುಡುಗಿರುವುದು ವಿಡಿಯೋದಲ್ಲಿ ಕೇಳಿಬರುತ್ತದೆ.
ಈ ಹುಡುಗಿಯನ್ನು ದಿನ ನಿತ್ಯ ಚುಡಾಯಿಸುತ್ತಿದ್ದ ತರುಣನು “ಈಕೆ ನನ್ನ ಗರ್ಲ್ ಫ್ರೆಂಡ್; ದಿನ ನಿತ್ಯ ನನ್ನ ಜತೆ ನಾಲ್ಕಾರು ಬಾರಿ ಹರಟೆ ಹೊಡೆಯುತ್ತಾಳೆ’ ಎಂದು ತನ್ನ ಸ್ನೇಹಿತರಲ್ಲಿ ಬಹಿರಂಗವಾಗಿ ಹೇಳುತ್ತಿದ್ದ.
ಈ ತರುಣನನ್ನು ದಾರಿ ಹೋಕರ ನಡುವೆ ಹಿಡಿದು ಹೊಡೆದ ಯುವತಿ ಆತನಿಗೆ ಎಲ್ಲರ ಎದುರು ಕಪಾಳಮೋಕ್ಷ ಮಾಡುತ್ತಿರುವುದು ವಿಡಿಯೋದಲ್ಲಿ ದಾಖಲಾಗಿದೆ.
ಈ ಘಟನೆಯ ಮಾಹಿತಿ ಪಡೆದಿರುವ ಭರತ್ಪುರ ಎಸ್ಪಿ ಅನಿಲ್ ತಾಂಕ್ ಅವರು “ಈ ವರೆಗೆ ನಮಗೆ ಯಾವುದೇ ದೂರು ಬಂದಿಲ್ಲ; ಬಂದಾಗ ತನಿಖೆ ಮಾಡುತ್ತೇವೆ’ ಎಂದಿದ್ದಾರೆ.
ಇದಕ್ಕೆ ಪ್ರತಿಯಾಗಿ ತರುಣಿಯು “ನಾನು ಆತ ಸುಧಾರಣೆಯಾಗಲೆಂದು ಒಂದು ಛಾನ್ಸ್ ಕೊಟ್ಟಿದ್ದೇನೆ; ಹಾಗಾಗಿ ಪೊಲೀಸರಿಗೆ ದೂರು ನೀಡಿಲ್ಲ’ ಎಂದು ಹೇಳಿದ್ದಾಳೆ.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
West Bengal; ಮಗಳನ್ನು ಕಂಡು ಕಣ್ಣೀರಿಟ್ಟ ಶೇಖ್ ಷಹಜಹಾನ್: ಬಿಜೆಪಿ ವ್ಯಂಗ್ಯ
Amit Shah: 2024ರ ಚುನಾವಣೆಯಲ್ಲಿ ಎನ್ ಡಿಎಗೆ 400ಕ್ಕೂ ಅಧಿಕ ಸ್ಥಾನ ಖಚಿತ: ಶಾ
Patanjali ತಪ್ಪು ಜಾಹೀರಾತು; ಕ್ಷಮೆಯಾಚಿಸಿದ ಬಾಬಾ ರಾಮ್ ದೇವ್,ಬಾಲಕೃಷ್ಣ
Scrap mafia ದರೋಡೆಕೋರ ರವಿ ಕಾನಾ ಮತ್ತು ಪ್ರೇಯಸಿ ಕಾಜಲ್ ಥಾಯ್ಲೆಂಡ್ ನಲ್ಲಿ ಬಂಧನ
Andhra ಟಿಡಿಪಿ ಅಭ್ಯರ್ಥಿ ಆಸ್ತಿ ಬರೋಬ್ಬರಿ 5,785 ಕೋ.ರೂ.!
MUST WATCH
ಹೊಸ ಸೇರ್ಪಡೆ
ಭಾರತದಲ್ಲಿ ರಿಲೀಸ್ಗೂ ಮುನ್ನ ʼಮಂಕಿ ಮ್ಯಾನ್ʼ ಹೆಚ್ ಡಿ ಕಾಪಿ ಲೀಕ್: ವಿಳಂಬ ಯಾಕೆ?
Bagalkote: ಯತ್ನಾಳ ಗೊಡ್ಡ ಎಮ್ಮಿ ಇದ್ದಂಗ: ಕಾಶಪ್ಪನವರ ಟೀಕೆ
West Bengal; ಮಗಳನ್ನು ಕಂಡು ಕಣ್ಣೀರಿಟ್ಟ ಶೇಖ್ ಷಹಜಹಾನ್: ಬಿಜೆಪಿ ವ್ಯಂಗ್ಯ
Politics: ಮೋದಿ ಸಾರ್ವಜನಿಕರಲ್ಲಿ ಕೋಮು ಭಾವನೆ ಹುಟ್ಟು ಹಾಕುತ್ತಿದ್ದಾರೆ; ಎಚ್.ಕೆ. ಪಾಟೀಲ
Neha Case: ನ್ಯಾಯಾಂಗ ಬಂಧನದಲ್ಲಿದ್ದ ಆರೋಪಿ ಸಿಐಡಿ ವಶಕ್ಕೆ