ಫ್ರೀ ವೈಫೈಗೆ ಗೂಗಲ್ ಗುಡ್ಬೈ
Team Udayavani, Feb 19, 2020, 7:34 AM IST
ಸಾಂದರ್ಭಿಕ ಚಿತ್ರವನ್ನು ಬಳಸಲಾಗಿದೆ – Representative Image Used
ಹೊಸದಿಲ್ಲಿ: ಭಾರತ ಸೇರಿದಂತೆ ಹಲವು ರಾಷ್ಟ್ರಗಳಲ್ಲಿ ಸಾರ್ವಜನಿಕವಾಗಿ ಉಚಿತ ಇಂಟರ್ನೆಟ್ ನೀಡುವ ವ್ಯವಸ್ಥೆ ‘ಸ್ಟೇಷನ್’ ಅನ್ನು ರದ್ದುಗೊಳಿಸಲು ಇಂಟರ್ನೆಟ್ ದೈತ್ಯ ಗೂಗಲ್ ನಿರ್ಧರಿಸಿದೆ. ರೈಲ್ವೆಯ ರೈಲ್ಟೆಲ್ ಸಂಸ್ಥೆ ಸಹಯೋಗದಲ್ಲಿ ಗೂಗಲ್ 400 ರೈಲು ನಿಲ್ದಾಣದಲ್ಲಿ ಉಚಿತ ವೈಫೈ ಇಂಟರ್ನೆಟ್ ವ್ಯವಸ್ಥೆ ಕಲ್ಪಿಸುತ್ತಿದೆ.
ಈ ಬಗ್ಗೆ ಮಂಗಳವಾರ ಪ್ರತಿಕ್ರಿಯೆ ನೀಡಿರುವ ರೈಲ್ ಟೆಲ್ ಗೂಗಲ್ನ ಬೆಂಬಲ ಇಲ್ಲದೆಯೂ ಉಚಿತ ಇಂಟರ್ನೆಟ್ ವ್ಯವಸ್ಥೆ ಮುಂದುವರಿಯಲಿದೆ ಎಂದು ಹೇಳಿದೆ.
ಇದಲ್ಲದೆ ದೇಶದ ಇತರ 5,600 ರೈಲು ನಿಲ್ದಾಣಗಳಲ್ಲಿ ಉಚಿತ ವೈ ಫೈ ವ್ಯವಸ್ಥೆ ಮುಂದುವರಿಯುವುದಾಗಿ ಸಂಸ್ಥೆ ಹೇಳಿಕೊಂಡಿದೆ.