ಪತ್ರಕರ್ತೆ ಬಳಿ ಬಿಗ್‌ ಬಾಸ್‌ ತಂಡದ ಲೈಂಗಿಕತೆಯ ಬೇಡಿಕೆ

Team Udayavani, Jul 14, 2019, 12:04 PM IST

ಹೈದರಾಬಾದ್‌: ತೆಲುಗು ಬಿಗ್‌ಬಾಸ್‌ ಸೀಸನ್‌ 3 ರಲ್ಲಿ ಅವಕಾಶ ಬೇಕಾದರೆ ಲೈಂಗಿಕತೆಯಲ್ಲಿ ತೊಡಗಿಸಿಕೊಳ್ಳಬೇಕು ಎಂದು ಪತ್ರಕರ್ತೆಯೊಬ್ಬರಿಗೆ ಕಿರುಕುಳ ನೀಡಿದ ಬಗ್ಗೆ ಪ್ರಕರಣ ದಾಖಲಾಗಿದೆ.

ಹೈದರಾಬಾದ್‌ ಮೂಲದ ಪತ್ರಕರ್ತೆ, ಬಂಜಾರ ಹಿಲ್ಸ್‌ನ ಠಾಣೆಗೆ ಈ ಸಂಬಂಧ ದೂರು ನೀಡಿದ್ದಾರೆ. ದೂರಿನ ಅನ್ವಯ ಶೋನ ನಾಲ್ವರ ವಿರುದ್ಧ ಐಪಿಸಿ ಸೆಕ್ಷನ್‌ 354 ರ ಅಡಿಯಲ್ಲಿ ಪ್ರಕರಣ ದಾಖಲಿಸಿ ತನಿಖೆ ನಡೆಸಲಾಗುತ್ತಿದೆ.

ಈ ಬಗ್ಗೆ ಮಾಧ್ಯಮಗಳಿಗೆ ವಿವರ ನೀಡಿರುವ ಎಸಿಪಿ ಕೆ.ಎಸ್‌.ರಾವ್‌, ಜುಲೈ 13 ರಂದು ಮಧ್ಯಾಹ್ನ ನಮಗೆ ದೂರು ನೀಡಲಾಗಿದೆ. ಟಿವಿ ಪತ್ರಕರ್ತೆಗೆ ಮಾರ್ಚ್‌ ತಿಂಗಳಿನಲ್ಲಿ ಲೈಂಗಿಕ ಕಿರುಕುಳ ನೀಡಲಾಗಿತ್ತು, ಮೂರನೇ ಸೀನನ್‌ ನ ಕಾರ್ಯಕ್ರಮ ಜುಲೈ 21 ರಂದು ಆರಂಭವಾಗಬೇಕಿತ್ತು ಎಂದು ತಿಳಿಸಿದ್ದಾರೆ.

ಬಿಗ್‌ಬಾಸ್‌ ತಂಡದ ಕರೆ ಸ್ವೀಕರಿಸಿ ನಾಲ್ವರನ್ನು ಭೇಟಿಯಾದ ವೇಳೆ ಅನುಚಿತವಾಗಿ ವರ್ತಿಸಿ , ಅವಕಾಶ ಬೇಕಾದಲ್ಲಿ ಬಾಸ್‌ ರನ್ನ ತೃಪ್ತಿ ಪಡಿಸಬೇಕು ಎಂದು ಮನವಿ ಮುಂದಿಟ್ಟಿದ್ದರು ಎಂದು ದೂರಿನಲ್ಲಿ ಹೇಳಿಕೊಂಡಿದ್ದಾರೆ.