ಅಕ್ರಮ ಹಣಕಾಸು ವರ್ಗಾವಣೆ ಪ್ರಕರಣ: ವಿಚಾರಣೆ ಕ್ರಮ ಸುಧಾರಿಸಿ… ಇ.ಡಿ.ಗೆ ಸುಪ್ರೀಂ ತಾಕೀತು

Team Udayavani, Aug 7, 2024, 10:59 PM IST

ನವದೆಹಲಿ: ಅಕ್ರಮ ಹಣಕಾಸು ವರ್ಗಾವಣೆ (ಪಿಎಂಎಲ್‌ಎ) ಪ್ರಕರಣಗಳಿಗೆ ಸಂಬಂಧಿಸಿದಂತೆ ವಿಚಾರಣಾ ಕ್ರಮವನ್ನು ಸುಧಾರಿಸಿಕೊಳ್ಳಿ ಎಂದು ಜಾರಿ ನಿರ್ದೇಶನಾಲಯಕ್ಕೆ (ಇಡಿ) ಸುಪ್ರೀಂ ಕೋರ್ಟ್‌ ಬುಧವಾರ ತಾಕೀತು ಮಾಡಿದೆ.

ಪಿಎಂಎಲ್‌ಎ ಅನ್ವಯ 2014ರಿಂದ ದಾಖಲಾಗಿರುವ 5000 ಪ್ರಕರಣಗಳ ಪೈಕಿ ಕೇವಲ 40 ಪ್ರಕರಣ ಗಳಿಗಷ್ಟೇ ಶಿಕ್ಷೆ ಘೋಷಣೆಯಾಗಿರುವ ವಿಚಾರವನ್ನೂ ಈ ವೇಳೆ ಪ್ರಸ್ತಾಪಿಸಿದೆ.

ಛತ್ತೀಸ್‌ಗಢ ಮೂಲದ ಉದ್ಯಮಿ ಸುನೀಲ್‌ ಕುಮಾರ್‌ ವಿರುದ್ಧದ ಪಿಎಂ ಎಲ್‌ಎ ಪ್ರಕರಣವನ್ನು ನ್ಯಾ.ಮೂರ್ತಿ ಸೂರ್ಯಕಾಂತ್‌ ಹಾಗೂ ನ್ಯಾ.ಉಜ್ಜಾಲ್‌ ಭುಯಾನ್‌ ಅವರ ಪೀಠ ವಿಚಾರಣೆ ನಡೆಸುತ್ತಿತ್ತು. ಇದೇ ಸಂಸ ತ್ತಿನಲ್ಲಿ ಗೃಹ ಸಚಿವಾಲಯ ನೀಡಿದ ಮಾಹಿತಿ ಉಲ್ಲೇಖೀಸಿ, ಪಿಎಂಎಲ್‌ಎ ಕೇಸುಗಳುದೇಶದ ಆರ್ಥಿಕತೆ ಮೇಲೆ ಪರಿಣಾಮ ಬೀರುವಂಥವು. ನೀವು ಅದನ್ನು ಗಮನದಲ್ಲಿರಿಸಿಕೊಂಡು ಕೇಸು ದಾಖಲಿಸಬೇಕು. ಯಾರದೋ ಹೇಳಿಕೆಯನ್ನು ಆಧರಿಸಿ ಅಲ್ಲ. ನೀವೆ ದಾಖಲಿಸಿರುವ 5000 ಪ್ರಕರಣಗಳ ಪೈಕಿ ಕೇವಲ 40ಕ್ಕೆ ಶಿಕ್ಷೆಯಾಗಿದೆ. ಇನ್ನಾದರೂ ತನಿಖಾ ಕ್ರಮ ಸುಧಾರಿಸಿಕೊಳ್ಳಿ ಎಂದು ಪೀಠ ಇ.ಡಿ.ಗೆ ಚಾಟಿ ಬೀಸಿದೆ.