ಕಾಂಗ್ರೆಸ್ಗೆ ತಾಂತ್ರಿಕ, ಎಚ್.ಆರ್. ಅಧಿಕಾರಿ
Team Udayavani, Aug 3, 2019, 5:33 AM IST
ಹೊಸದಿಲ್ಲಿ: ನೂರಾರು ಮಂದಿ ಕೆಲಸ ಮಾಡುವ ಸಂಸ್ಥೆಗಳಲ್ಲಿ ಮಾನವ ಸಂಪನ್ಮೂಲ ವಿಭಾಗಕ್ಕೆ ಅಧಿಕಾರಿಗಳು, ತಾಂತ್ರಿಕ ವಿಭಾಗಕ್ಕೆ ಮುಖ್ಯಸ್ಥರು ಇರುತ್ತಾರೆ. ಇನ್ನು ಮುಂದೆ ಕಾಂಗ್ರೆಸ್ನಲ್ಲಿಯೂ ಅಂಥ ಹುದ್ದೆಗಳು ಸೃಷ್ಟಿಯಾಗುವ ಸಾಧ್ಯತೆ ಯಿದೆ. ಅದನ್ನು ಶಿಫಾರಸು ಮಾಡಿದ್ದು ಕಾಂಗ್ರೆಸ್ ನಾಯಕ ಸ್ಯಾಮ್ ಪಿತ್ರೋಡಾ.
2014, 2019ರ ಚುನಾವಣೆಯಲ್ಲಿ ಹೀನಾಯ ಸೋಲು ಅನುಭವಿಸಿದ ಬಳಿಕ ಪಕ್ಷವನ್ನು ಹೇಗೆ ಪುನಶ್ಚೇತನ ಮಾಡಬಹುದು ಎನ್ನುವುದಕ್ಕೆ ಅವರು ಸೂಚಿಸಿದ ಸಲಹೆಗಳಲ್ಲಿ ಇದೂ ಒಂದು. ಸುಮಾರು 20 ಸಲಹೆಗಳನ್ನು ಪಿತ್ರೋಡಾ ಸಿದ್ಧಪಡಿ ಸಿದ್ದಾರೆ. ಕಾಂಗ್ರೆಸ್ ಪ್ರಧಾನ ಕಚೇರಿಯಲ್ಲಿ ಮಾತ್ರವಲ್ಲ, ಎಲ್ಲ ರಾಜ್ಯ ಘಟಕಗಳಲ್ಲಿ ಮುಖ್ಯ ತಾಂತ್ರಿಕ ಅಧಿಕಾರಿ (ಸಿಟಿಒ) ನೇಮಕವಾಗಬೇಕು. ಸಾಮಾಜಿಕ ಜಾಲತಾಣಗಳನ್ನು ಸಮರ್ಥವಾಗಿ ಬಳಕೆ ಮಾಡಿ ಜನರನ್ನು ಸಂಘಟಿಸುವಂತಾಗಬೇಕು. ಇನ್ನು ಮಾನವ ಸಂಪನ್ಮೂಲ ಅಭಿವೃದ್ಧಿ (ಎಚ್.ಆರ್) ಅಧಿಕಾರಿಯಾರಿಗೆ, ಯಾವ ರೀತಿಯ ಹುದ್ದೆ ಮತ್ತು ಅವರ ಕಾರ್ಯನಿರ್ವಹಣೆ ಹೇಗಿರಬೇಕು ಎನ್ನುವುದನ್ನು ನಿರ್ಧರಿಸಬೇಕು ಎಂದು ಸಲಹೆ ನೀಡಿದ್ದಾರೆ.
8, 9ಕ್ಕೆ ಸಭೆ: ಪಕ್ಷದ ನೂತನ ಅಧ್ಯಕ್ಷರ ಆಯ್ಕೆಗಾಗಿ ಕಾಂಗ್ರೆಸ್ ಕಾರ್ಯಕಾರಿ ಸಮಿತಿ ಸಂಸತ್ ಅಧಿವೇಶನದ ಬಳಿಕ ಅಂದರೆ ಆ. 8, 9ಕ್ಕೆ ಸಭೆ ಸೇರಲಿದೆ. ಅದರಲ್ಲಿ ರಾಹುಲ್ರ ರಾಜೀನಾಮೆ ಅಂಗೀಕರಿಸು ವುದು ಮತ್ತು ಹೊಸ ಅಧ್ಯಕ್ಷರ ಆಯ್ಕೆ ಬಗ್ಗೆ ಚರ್ಚೆಯಾಗಿ ನಿರ್ಧಾರವಾಗಲಿದೆ.