ರೈಲು ವಿಳಂಬಕ್ಕೆ 1.62 ಲಕ್ಷ ರೂ. : ತೇಜಸ್‌ ಎಕ್ಸ್‌ಪ್ರೆಸ್‌ನ 950 ಪ್ರಯಾಣಿಕರಿಗೆ ಪರಿಹಾರ

Team Udayavani, Oct 22, 2019, 5:50 AM IST

ಸಾಂದರ್ಭಿಕ ಚಿತ್ರವನ್ನು ಬಳಸಲಾಗಿದೆ – Representative Image Used

ಹೊಸದಿಲ್ಲಿ: ತೇಜಸ್‌ ಎಕ್ಸ್‌ಪ್ರೆಸ್‌ ರೈಲಿನ ಸಂಚಾರದಲ್ಲಿ ವಿಳಂಬವಾದರೆ ಪ್ರಯಾಣಿಕರಿಗೆ ಪರಿಹಾರ ನೀಡಲಾಗುತ್ತದೆ ಎಂಬ ಹೊಸ ನಿಯಮವನ್ನು ಈಗಾಗಲೇ ಘೋಷಿಸಿರುವ ಐ.ಆರ್‌.ಸಿ.ಟಿ.ಸಿ., ಮೊದಲ ಬಾರಿಗೆ 950 ಪ್ರಯಾಣಿಕರಿಗೆ 1.62 ಲಕ್ಷ ರೂ.ಗಳನ್ನು ಪರಿಹಾರವಾಗಿ ನೀಡಲು ಮುಂದಾಗಿದೆ.

ಅ. 19ರಂದು ದಿಲ್ಲಿ – ಲಕ್ನೋ ತೇಜಸ್‌ ಎಕ್ಸ್‌ ಪ್ರಸ್‌ ರೈಲು 3 ಗಂಟೆಗೂ ಅಧಿಕ ವಿಳಂಬವಾದ ಹಿನ್ನೆಲೆ ಯಲ್ಲಿ ಈ ನಿರ್ಧಾರ ಕೈಗೊಳ್ಳಲಾಗಿದೆ. ಈ ರೀತಿ ವಿಳಂಬಕ್ಕೆ ಪರಿಹಾರ ನೀಡುತ್ತಿರುವುದು ಭಾರತೀಯ ರೈಲ್ವೆಯ ಇತಿಹಾಸದಲ್ಲಿ ಇದೇ ಮೊದಲು.

ಯಾರಿಗೆಷ್ಟು ಪರಿಹಾರ?: ಲಕ್ನೋದಿಂದ ದಿಲ್ಲಿಗೆ 450 ಪ್ರಯಾಣಿಕರು ಸಂಚರಿಸಿದ್ದು, ಅವರಿಗೆ ತಲಾ 250 ರೂ. ಪರಿಹಾರ ಧನ ದೊರೆಯಲಿದೆ. ಇನ್ನು ದಿಲ್ಲಿಯಿಂದ ಲಕ್ನೋಗೆ ತೆರಳಿದ 500 ಪ್ರಯಾಣಿಕರಿಗೆ ತಲಾ 100 ರೂ. ನೀಡಲಾಗುತ್ತದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ. ಪ್ರಯಾಣಿಕರು ತಮ್ಮ ರೈಲು ಟಿಕೆಟ್‌ನ ಹಿಂಭಾಗದಲ್ಲಿ ನೀಡಲಾಗಿರುವ ವಿಮಾದಾರರ ಲಿಂಕ್‌ಗೆ ಹೋಗಿ, ಪರಿಹಾರ ಪಡೆಯಬೇಕಾಗುತ್ತದೆ ಎಂದೂ ಅವರು ತಿಳಿಸಿದ್ದಾರೆ. ವಿಮಾ ಕಂಪೆನಿಗಳ ಮೂಲಕವೇ ಪರಿಹಾರ ಮೊತ್ತ ಒದಗಿಸುವುದಾಗಿ ಐಆರ್‌ಸಿಟಿಸಿ ಹೇಳಿದೆ.

ಎಷ್ಟು ಗಂಟೆ ವಿಳಂಬವಾಗಿತ್ತು?
ಕಳೆದ ಶನಿವಾರ ಬೆಳಗ್ಗೆ ಸರಿಯಾಗಿ 6.10ಕ್ಕೆ ಲಕ್ನೋದಿಂದ ಹೊರಡಬೇಕಾಗಿದ್ದ ರೈಲು 9.55ಕ್ಕೆ ಹೊರಟಿತ್ತು. ಅದರಂತೆ ಮ. 12.25ಕ್ಕೆ ದಿಲ್ಲಿ ತಲುಪುವ ಬದಲು, 3.40ಕ್ಕೆ ತಲುಪಿತ್ತು. ತದನಂತರ, ದಿಲ್ಲಿ ಯಿಂದ ಅಪರಾಹ್ನ 3.35ಕ್ಕೆ ಹೊರಡುವ ಬದಲಿಗೆ, ಸಂಜೆ 5.30ಕ್ಕೆ ಹೊರಟು ರಾತ್ರಿ 11.30ಕ್ಕೆ ಲಕ್ನೋ ತಲು ಪಿತ್ತು. ನಿಗದಿಯಂತೆ ಇದು ರಾತ್ರಿ 10.05 ಕ್ಕೆ ಲಕ್ನೋ ತಲುಪಬೇಕಾಗಿತ್ತು. ಒಟ್ಟಾರೆ ರೈಲಿನ ಸಂಚಾರದಲ್ಲಿ 3 ಗಂಟೆಗೂ ಅಧಿಕ ಸಮಯದ ವಿಳಂಬವಾಗಿತ್ತು.

ಶ್ರೀ ಅಷ್ಠ ಲಕ್ಷ್ಮೀ ಜೋತಿಷ್ಯ ಮಂದಿರ,
ಉದ್ಯೋಗ, ಮದುವೆ ವಿಳಂಬ, ಸತಿ-ಪತಿ ಕಲಹ, ಶತ್ರುಪೀಡೆ, ಅತ್ತೆ-ಸೊಸೆ ಕಲಹ, ವಶೀಕರಣ, ವ್ಯವಹಾರದಲ್ಲಿ ನಷ್ಟ, ಇನ್ನೂ ನಿಮ್ಮಸಮಸ್ಯೆ ಯಾವುದೇ ಇರಲಿ, ಎಷ್ಟೇ ಕಠಿಣವಾಗಿರಲಿ ಶಾಶ್ವತ ಪರಿಹಾರ ಶತಃ ಶಿದ್ದ , ನಿಮ್ಮ ಯಾವುದೇ ಇಷ್ಟಾರ್ಥ ಕಾರ್ಯಗಳಿದ್ದರೂ ಕೇವಲ 5 ದಿನಗಳಲ್ಲಿ ನೇರವೆರಿಸಿ ಕೋಡುತ್ತಾರೇ. ಇಂದೇ ಭೇಟಿ ನೀಡಿ.
ಶ್ರೀ ಶ್ರೀ ಬಿ ಹೆಚ್ ಆಚಾರ್ಯ ಗೂರುಜೀ
ಜಯನಗರ ಬೆಂಗಳೂರು, ಮೋ- 8884889444

ಈ ವಿಭಾಗದಿಂದ ಇನ್ನಷ್ಟು

ಹೊಸ ಸೇರ್ಪಡೆ