ಇಶಾ ಅಂಬಾನಿ ಮದುವೆಗೆ ತಾರಾ ಮೆರುಗು!
Team Udayavani, Dec 9, 2018, 9:00 AM IST
ಉದಯ್ಪುರ: ಭಾರತದ ಅತಿ ದೊಡ್ಡ ಖಾಸಗಿ ಸಂಸ್ಥೆಯಾದ ರಿಲಯನ್ಸ್ ಕಂಪನಿಯ ಮುಖ್ಯಸ್ಥ ಮುಕೇಶ್ ಅಂಬಾನಿ ಅವರ ಪುತ್ರಿ ಇಶಾ ಅಂಬಾನಿಯ ವಿವಾಹಾರ್ಥವಾಗಿ ಮೂರು ದಿನಗಳ ಸಂಭ್ರಮಾಚರಣೆಗೆ ಶನಿವಾರ ಚಾಲನೆ ಸಿಕ್ಕಿದೆ. “ಸಿಟಿ ಆಫ್ ಲೇಕ್ಸ್’ ಖ್ಯಾತಿಯ ಉದಯಪುರದಲ್ಲಿ ಜರುಗಲಿರುವ ಈ ಸಮಾರಂಭದಲ್ಲಿ ಪಾಲ್ಗೊಳ್ಳಲು ಜಗತ್ತಿನ 150ಕ್ಕೂ ಹೆಚ್ಚು ಅಂತಾರಾಷ್ಟ್ರೀಯ ಕಂಪನಿಗಳ ಸಿಇಒಗಳು, ಅಮೆರಿಕದ ಮಾಜಿ ಅಧ್ಯಕ್ಷ ಬಿಲ್ ಕ್ಲಿಂಟನ್ ಪತ್ನಿ ಹಿಲರಿ ಕ್ಲಿಂಟನ್, ಬಾಲಿವುಡ್, ಹಾಲಿವುಡ್ ಹಾಗೂ ಕ್ರೀಡಾ ತಾರೆಗಳು, ರಾಜಕೀಯ ಗಣ್ಯರು ಆಗಮಿಸಿ ಈ ಶುಭ ವೇಳೆಯ ಮೆರುಗು ಹೆಚ್ಚಿಸಿದ್ದಾರೆ. ಮದುವೆಯ ಜತೆಗೆ ಧಾರ್ಮಿಕ ಚಟುವಟಿಕೆಗಳಲ್ಲೂ ಪಾಲ್ಗೊಂಡಿರುವ ಮುಕೇಶ್ ಕುಟುಂಬ, ಉದಯಪುರದಲ್ಲಿ ಶುಕ್ರವಾರದಿಂದ 4 ದಿನಗಳ ಕಾಲ ಅನ್ನಸಂತರ್ಪಣೆ ಆಯೋಜಿಸಿದೆ. ಮೊದಲ ದಿನ 5,100 ಮಂದಿ ಇಲ್ಲಿ ಭೋಜನ ಸವಿದಿದ್ದಾರೆ.